تارازدا وقىتۋ تەحنولوگياسىن جەتىلدىرۋگە بايلانىستى سەمينار ءوتتى

تاراز. 16 قازان. تاراز قالاسىندا «وقىتۋ باعدارلامالارى مەن مازمۇنى, وقىتۋ تەحنولوگياسىن جەتىلدىرۋ» رەسپۋبليكالىق سەمينار-ترەنينگى ءوتتى. بۇل تۋرالى egemen.kz ءتىلشىسى حابارلادى. ءىس-شاراعا مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى مۇرىندىق بولدى. بۇل سەمينار-ترەنينگتىڭ ماقساتى – مەملەكەتتىك ءتىلدى ەرەسەك ادامدارعا ۇيرەتەتىن وقىتۋشىلاردىڭ كاسىبي بىلىكتىلىگىن جەتىلدىرۋ, ونلاين ادىسىمەن وزىق تاجىريبەلەردى الماسۋ جانە مەملەكەتتىك ءتىلدى وقىتۋ ورتالىقتارىنىڭ وقىتۋشىلارىن ىنتالاندىرۋ بولىپ تابىلادى. سەمينار-ترەنينگكە ادىسكەر عالىمدار, ءتىل ماماندارى, ءتىل ۇيرەنۋشىلەر, استانا, الماتى قالالارى جانە وبلىس ورتالىقتارىنداعى مەملەكەتتىك ءتىلدى وقىتۋ ورتالىقتارىنىڭ باسشىلارى مەن وقىتۋشى ادىسكەرلەرى قاتىستى. ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى, فيلولوگيا عىلىمدارىنىڭ كانديداتى ەربول تىلەشوۆ مەملەكەتتىك ءتىلدى وقىتۋدىڭ ءتيىمدى تەحنولوگيالارى مەن ءادىس-تاسىلدەرى تۋرالى بايانداما جاساپ, ادىسكەرلەر ءوز ويلارىن ورتاعا سالدى. سونداي-اق, جامبىل وبلىسى تىلدەردى دامىتۋ باسقارماسى مەملەكەتتىك ءتىلدى وقىتۋ ورتالىعىنىڭ ۇزدىك وقىتۋشىلارى پانورامالىق ساباقتار مەن ونلاين رەجيمىندە شەبەرلىك ساباقتارىن كورسەتتى. ورالحان ءداۋىت. دەرەك: egemen.kz. سۋرەت: nalogikz.kz.