قۇرمەتتى وتانداستار!

قازاقستان حالقى اسسام­ب­لەياسى cىزدەردى سۇيىكتى ەلوردامىز – استانا كۇنىمەن شىن جۇرەكتەن قۇتتىقتايدى! قازاقستان رەس­پۋب­لي­كا­سىنىڭ پرەزيدەنتى – ەلباسى ن.ءا.نازارباەۆتىڭ ساياسي ەرىك-جىگەرى مەن تاريحي باس­تا­مالارىنىڭ ارقاسىندا قا­سيەتتى سارىارقا دالاسىندا وزىنە عانا ءتان بىرەگەي ساۋلەتىمەن ارمان قالا بوي كوتەردى. استانا – بىرلىك پەن بەرەكەنىڭ, وتانىمىزدىڭ تەلەگەي تابىستارىنىڭ سيمۆولى, قازاقستان حالقى قول جەتكىزە الاتىن شەكسىز مۇمكىندىكتەردىڭ ۇلگىسى. استانا تاۋەلسىز قازاقستاندى الەمگە تانىتتى. مۇندا الەمدىك كوشباسشىلاردىڭ كەزدەسۋلەرى, اسا وزەكتى ساياسي, ەكونوميكالىق جانە الەۋمەتتىك-مادەني ماسەلەلەر بويىنشا جوعارى دەڭگەيدەگى حالىقارالىق ءىس-شارالار وتكىزىلىپ كەلەدى. ول ەۋرازيانىڭ كىندىك قالاسىنا – ەلدەردىڭ ورنىقتى دامۋ جولدارىن ايقىنداپ, حالىقتار اراسىنداعى سەنىم مەن ءوزارا تۇسىنىستىكتى نىعايتۋ تەتىكتەرى قاراستىرىلاتىن ورتاعا اينالدى. بۇگىندە قازاقستاندىقتار بەيبىت تە باقىتتى زاماندا ءومىر سۇرۋدە. قازاقستاندىق ۇلى جولمەن ءجۇرىپ, ەلىمىز دامۋدىڭ جاڭا دەڭگەيىنە كوتەرىلدى, ال مەملەكەتتىك سارابدال ساياسات ەكونوميكالىق ءوسۋ مەن الەۋمەتتىك دامۋدى قامتاماسىز ەتتى. قازاقستان حالقى اسسامبلەياسى جىلى مەملەكەت باسشىسى قازاقستاندى الەمنىڭ وزىق دامىعان 30 ەلىنىڭ قاتارىنا قوسۋدى كوزدەيتىن بەس ينستيتۋتسيونالدىق رەفورماعا باستاماشىلىق جاسادى. ءوزىنىڭ اۋقىمى جاعىنان تەڭدەسسىز «بارشاعا ارنالعان قازىرگى زامانعى مەملەكەت – 100 ناقتى قادام» ۇلت جوسپارى قابىلداندى. بۇل ءبىزدىڭ ەلىمىز ءۇشىن كۇردەلى سىناق كەزەڭىنەن سەنىممەن وتەتىن بەرىك­تىك قورىن قالىپتاستىرادى, «قازاقستان-2050» ستراتەگياسىن ىسكە اسىرۋعا, قازاقستاندىق مەملە­كەتتىلىكتى نىعايتۋعا مۇمكىندىك بەرەدى. العا قويىلعان مىندەتتەردىڭ تابىسپەن ىسكە اسىرىلۋى استانانىڭ ودان ءارى وركەندەپ, كەلەشەگى كەمەلدەنە ءتۇسۋى ءۇشىن جاڭا مۇمكىندىكتەر اشاتىنىنا سەنىمىمىز زور. قۇرمەتتى جەرلەستەر! بارلىق قازاقستاندىقتاردى استانا كۇنىمەن, بەيبىتشىلىك جانە كەلىسىم استاناسىنىڭ مەرەكەسىمەن قۇتتىقتايمىز! ءبىزدىڭ ماقتانىشىمىز, وتانىمىزدىڭ جۇرەگى – ارۋ استانانىڭ جۇلدىزى ارقاشان جارىق بولسىن! استانا – قازاقستاننىڭ زور قۋاتى مەن بۇلا كۇشى. بۇل – وتانداستارىمىزدىڭ ىزگى ۇمىتتەرى اقتالىپ, باقىت جولىنا باستايتىن ارمان قالا. الداعى ۋاقىتتا دا استانا قايتالانباس كەلبە­تىمەن, كوز تارتار سۇلۋلىعىمەن جانە ۇشقىر جاڭا­شىلدىعىمەن بارشامىزدى قۋانتا بەرەرىنە سەنىمىمىز مول. مەرەكە قۇتتى بولسىن, قۇرمەتتى قازاقستاندىقتار! تۋعان كۇنىڭمەن, ەلوردامىز استانا! قازاقستان حالقى اسسامبلەياسى.