جامبىل وبلىسىندا جول پوليتسياسى قىزمەتكەرلەرى جازاعا تارتىلدى

تاراز. 16 قازان. قورداي اۋداندىق سوتىندا ىشكى ىستەر دەپارتامەنتى جول-پاترۋلدىك پوليتسيا قىزمەتكەرلەرىنە قاتىستى قىلمىستىق ءىس قارالدى. بۇل تۋرالى جامبىل وبلىستىق سوتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. جامبىل وبلىستىق ىشكى ىستەر دەپارتامەنتى اكىمشىلىك پوليتسيا اسكەري ءبولىمىنىڭ پوليتسيا قىزمەتكەرلەرى ج.جاراسوۆ پەن ن.الپىسباەۆ قىلمىستىق كودەكستىڭ 362-بابىنىڭ 4-بولىگى 1, 3 تارماقتارىمەن (لاۋازىمدىق وكiلەتتiكتەردى اسىر پايدالانۋ) ايىپتالىپ سوت الدىنا كەلدى. وسى جىلدىڭ اقپان ايىندا ايىپتالۋشىلار الماتى-تاشكەنت تاس جولىندا اۆتوكولىك توقتاتىپ, جۇرگىزۋشىنى قارسى جولعا شىقتى دەپ ايىپتاعان. ءوز كەزەگىندە جۇرگىزۋشى پوليتسيا قىزمەتكەرلەرىنىڭ فورماسىنان جەتوندى بايقاماي, ولاردان قىزمەتتىك كۋالىگىن كورسەتۋىن سۇراعان. جۇرگىزۋشىنىڭ جاۋابىنا, پوليتسيا قىزمەتكەرلەرى ونىڭ قولىن قايىرىپ, اكىمشىلىك حاتتامانى تولتىرۋدان باس تارتقانى ءۇشىن 10 000 تەڭگە اقشا تالاپ ەتكەن. جۇرگىزۋشى ءوزىنىڭ ەشقانداي جول ەرەجەسىن بۇزباعانىن ايتىپ, سۇراعان سومانى بەرۋدەن باس تارتقان. ءوز كولىگىنە وتىرىپ جۇرگىزۋشى پوليتسيا قىزمەتكەرلەرىنىڭ كەيىنگى ءىس-ارەكەتتەرىن ۇيالى تەلەفوننىڭ كامەراسىنا تۇسىرە باستاعان. ج.جاراسوۆ ءوزىنىڭ قىلمىستىق ويىن اياقتاۋ ماقساتىندا, جۇرگىزۋشى كۋالىگىن قالتاسىنا تىعىپ قويىپ, جۇرگىزۋشىدەن ونى تالاپ ەتە باستاعان. ارتىنان اۆتوكولىكتى ايىپپۇل تۇراعىنا الىپ بارامىن دەپ قورقىتقان. ايىپتالۋشىلار كۇش قولدانۋ ارقىلى تەلەفوندى تارتىپ الىپ, سوتقا بەرىلمەگەن تۇلعاعا بەرگەن. ۇيالى تەلەفونداعى جازبانىڭ وشكەنىنە كوزدەرى جەتىپ, قىزمەتكەرلەر جۇرگىزۋشىگە كۋالىگى مەن تەلەفونىن پوليتسيا ورگاندارىنا شاعىمدانباۋ شارتىمەن قايتارىپ بەرگەن. سوت ۇكىمىمەن ج.جاراسوۆ قىلمىستىق كودەكستىڭ 362-بابىنىڭ 4-بولىگىنىڭ 1, 3 تارماقتارىمەن كىنالى دەپ تانىلىپ, جەتى جىل التى ايعا باس بوستاندىعىنان ايىرۋ جازاسى تاعايىندالىپ, جازانى تۇزەۋ كولونياسىنىڭ جالپى رەجيمىندە وتەۋ بەلگىلەندى. سونىمەن قاتار, «پوليتسيا ستارشيناسى» شەنىنەن ايىرىلدى. ن.الپىسباەۆ قىلمىستىق كودەكستىڭ 362-بابىنىڭ 4-بولىگىنىڭ 1, 3 تارماقتارىمەن كىنالى دەپ تانىلىپ, جەتى جىلعا باس بوستاندىعىنان ايىرۋ جازاسى تاعايىندالىپ, جازانى تۇزەۋ كولونياسىنىڭ جالپى رەجيمىندە وتەۋ بەلگىلەندى. ول دا «پوليتسيا ستارشيناسى» شەنىنەن ايىرىلدى. سونىمەن قاتار, سوتتالعاندار قۇقىق قورعاۋ ورگاندارىندا جانە جەرگىلىكتى باسقارۋ ورگاندارىندا مەملەكەتتىك قىزمەتپەن اينالىسۋ قۇقىعىنان ءومىر بويىنا ايىرىلدى. جەكە م ۇلىكتەرىن تاركىلەۋ بەلگىلەندى. جابىرلەنۋشىنىڭ ج.جاراسوۆ پەن ن.الپىسباەۆتان ماتەريالدىق زالال جانە مورالدىق زيان ءوندىرۋ تۋرالى تالاپ ارىزى ءىشىنارا قاناعاتتاندىرىلدى. ماتەريالدىق زالالدىڭ سوماسى 102 650 تەڭگەنى قۇرادى. مورالدىق زياننىڭ سوماسى – 100 000 تەڭگە. ۇكىمدى جاريالاۋ قورداي اۋداندىق ىشكى ىستەر ءبولىمىنىڭ اكت زالىندا بارلىق جەكە قۇرامنىڭ قاتىسۋىمەن ءوتتى. ورالحان ءداۋىت. دەرەك: egemen.kz. سۋرەت: azh.kz.