وبلىس اكىمىنىڭ بۇرىنعى كەڭەسشىسىنە قاتىستى سوت باستالدى

استانا. 11 ناۋرىز. پاۆلودار وبلىسى اكىمىنىڭ بۇرىنعى كەڭەسشىسى تولەگەن باستەنوۆتىڭ ىسىنە  قاتىستى العاشقى سوت وتىرىسى ءوتتى. بۇل تۋرالى egemen.kz ءتىلشىسى حابارلادى. ەستەرىڭىزگە سالا كەتسەك, وبلىستىڭ بۇرىنعى اكىمى ەرلان ارىن ت. باستەنوۆتىڭ تۇتقىندالعاننان كەيىن كىزمەتىنەن كەتىپ, ارتىنشا ءوزى قاماۋعا الىنعان بولاتىن. ارىسلان ابدىقالىقوۆ پەن تولەگەن باستەنوۆكە قىلمىستىق كودەكستىڭ 24 بابى, 3 جانە 117 ءبولىمىنىڭ 4 ب تارماقشاسى بويىنشا ايىپ تاعىلىپ وتىر. ولار «الاياقتىقپەن اينالىسۋ», ياعني قىزمەت بابىن پايدالانىپ, ءبىر توپ ادامدارمەن الدىن الا كەلىسىپ, بوتەن م ۇلىكتى الداۋ ارقىلى يەمدەنىپ قالۋ بويىنشا ايىپتالۋدا. قازىر ت. باستەنوۆپەن بىرگە سەمەيلىك قۇرىلىق كومپانياسىنىڭ جەتەكشىسىنە دە ايىپ تاعىلۋدا. سونىمەن بىرگە تاعى ءۇش ادام وسى ءىس بويىنشا ۇيقاماقتا وتىر.  ولاردىڭ اراسىندا وبلىس اكىمىنىڭ بۇرىنعى ورىنباسارى دا بار. تەرگەۋ ءىسىنىڭ مالىمەتىنە قاراعاندا, سەمەيلىك كاسىپكەرلەر مەكتەپ قۇرىلىسىنا بەرىلگەن مەملەكەتتىك تەندەردى ۇتىپ الۋدى كوزدەگەن.  جوبانىڭ سوماسى ءبىر ميلليارد تەڭگەدەن استام بولعان. وسى ماقساتتا كاسىپكەرلەر پاۆلودارعا كەلىپ, وبلىس اكىمىنىڭ بۇرىنعى كەڭەسشىسى تولەگەن باستەنوۆپەن كەزدەسكەن. سول كەزدە ول كاسىپكەرلەرگە كومەكتەسە الاتىنىن, الايدا تەندەردىڭ بەس پايىزىن وزىنە الاتىنىن ايتقان كورىنەدى. بىراق ول كاسىپكەرلەر سۇراعان اقشاسىن تاپسىرىپ جاتقاندا ۇستالادى. ونىمەن بىرگە پاۆلودار وبلىسى اكىمىنىڭ بۇرىنعى ورىنباسارى ارىسلان ابدىقالىقوۆ تا تۇتقىندالادى. داستان كەنجالين. دەرەك: egemen.kz سۋرەت: egemen.kz