قازاقستاندا جەمقورلىقپەن كۇرەسەتىن جاڭا بولىمشە قۇرىلادى

استانا. 11 ناۋرىز. قازاقستاندا جەمقورلىقپەن كۇرەس جۇرگىزەتىن جاڭا بولىمشە قۇرىلادى. «نۇر وتان» پارتياسىنىڭ سەزىندە سويلەگەن سوزىندە مەملەكەت باسشىسى نۇرسۇلتان نازارباەۆ وسىلاي دەدى. بۇل تۋرالى Tengrinews.kz حابارلادى. پرەزيدەنت مەملەكەتتىك قىزمەت تۋرالى جاڭا زاڭ جاسالۋى كەرەك ەكەنىن اتاپ ءوتتى. «بارلىق دەڭگەيدەگى مەملەكەتتىك قىزمەتكەرلەردى تولىق اتتەستاتسيادان وتكىزىپ, مەريتوكراتيا قاعيداتتارىن قورعاۋ مەن جەمقورلىققا جول بەرمەۋدىڭ جۇيەسىن قالىپتاستىرۋ كەرەك. بۇل ءۇشىن مەملەكەتتىك قىزمەت ىستەرى جانە جەمقورلىققا قارسى كۇرەس اگەنتتىگىنىڭ قۇرامىنان جەمقورلىقپەن كۇرەسەتىن جاڭا بولىمشە اشۋ كەرەك. قىزمەتتىڭ ءوزىن نىعايتۋ كەرەك», - دەدى نازارباەۆ. ول مەملەكەتتىك قىزمەت جونىندە جاڭا زاڭنىڭ نەگە كەرەك ەتىلەتىنىن ءتۇسىندىردى. «مەملەكەتتىك قىزمەت, ەتنوستىق جانە ءدىني ەرەكشەلىكتەرىنە قاراماستان, جۇرتتىڭ بارىنە ءوزىن كورسەتۋگە بىردەي مۇمكىندىك بەرىلەتىن ءادىل قوعامنىڭ كورىنىسى بولۋعا ءتيىس», - دەپ اتاپ ءوتتى مەملەكەت باسشىسى. ساكەن مايلىباي.