الماتى. 22 مامىر. بالاباقشاعا توتەننەن ۇرىنعان دجيپ كولىگىنىڭ قۇربانى بولعان كاۋسار ەسىمدى بەس جاسار ءبۇلدىرشىن جەر قوينىنا تاپسىرىلدى. بۇل تۋرالى egemen.kz حابارلادى.
قالا حالقى ءالى كۇنگە دەيىن وسىناۋ جانتۇرشىگەرلىك وقيعانىڭ ءمانىسىن تۇسىنە الماي, جاعاسىن ۇستاپ ءجۇر. وقيعا بولعان سۇلەيمەنوۆ كوشەسىندەگى №58 بالا باقشانىڭ اۋلاسىنا تۇرعىندار ءالى كۇنگە دەيىن گۇل شوقتارىن اكەلىپ قويىپ جاتىر. ال «جۇلدىزشا» دەپ اتالاتىن توپتىڭ تاربيلەنۋشى بالالارى كەشەدەن باستاپ بالا باقشاعا كەلە باستادى. كاۋسار – وسى توپتىڭ تۇلەگى بولاتىن. اسا اۋىر جاراقات العان ءبىر ءبۇلدىرشىن اۋرۋحانانىڭ جانساقتاۋ بولىمىنەن پالاتاعا شىعارىلدى.
ايتا كەتەيىك, 20 مامىر كۇنى دەر ساتىندە توقتاي الماعان «تويوتا لەند كرۋزەر» ءدجيپى №58 بالا باقشانىڭ اۋلاسىنا كىرىپ كەتكەن. رۋلدە 46 جاسار ايەل وتىرعان. كەيىننەن جۇرگىزۋشىنىڭ ىشىمدىك ىشپەگەنى انىقتالدى. اۋلادا الاڭسىز ويناپ وتىرعان كاۋسار ەسىمدى ءبىر قىز اۆتوموبيل دوڭگەلەگىنىڭ استىندا قالىپ, قايتىس بولدى.ءارتۇرلى جاراقاتپەن 9 ءبۇلدىرشىن اۋرۋحاناعا جەتكىزىلگەن.
تالعات ءسۇيىنباي.
دەرەك,سۋرەت: egemen.kz.
