يتاليانىڭ ليدو دي ەزولو قالاسىندا ۆەنەتسيا مەرياسىنىڭ ۇيىمداستىرۋىمەن وتكەن بالالاردىڭ ءداستۇرلى حالىقارالىق ءحىىى فولكلور جانە كوركەمونەر فەستيۆالىنە قازاقستاندىق 10 ورەن قاتىسىپ قايتتى. ولاردىڭ قاتارىندا الماتىداعى «زەردە» مەكتەبىنىڭ 1-سىنىبىن اياقتاپ وتىرعان 7 جاستاعى نۇرايا ەسداۋلەت بار.
قازاق ءبۇلدىرشىنى حالىقارالىق كوركەمسۋرەت كورمەسىنە «ناۋرىز تويى» جانە «جەلقايىقتار» اتتى ەكى تۋىندىسىمەن قاتىسىپ, فەستيۆالدىڭ التىن مەدالى مەن ديپلومىن جەڭىپ الىپ كەلدى. سونداي-اق, فەستيۆال باعدارلاماسىنىڭ بۋكلەتىنە الۋان ۇلتتىڭ ونەرپازدارىمەن قاتار نۇرايانىڭ دا دومبىرا تارتىپ وتىرعان فوتوسۋرەتى شىققان. 3 جاسىنان قولىنا قىلقالام ۇستاعان بالعىن ونەرپازدىڭ سۋرەتتەرىندەگى بوياۋ سيقىرىن سەزىنۋى, شىعارمالارىندا ءوز جان دۇنيەسىن, وي-كوزقاراسىن بەرۋگە ۇمتىلىسى قازىلار القاسىنىڭ ەرەكشە نازارىنا ىلىگىپ, جۇزدەن وزعان جۇيرىكتىگى تانىلدى.
تالانتتى بالدىرعاندى بەينەلەۋ ونەرىنە باۋلىپ جۇرگەن مۇعالىمى, اتاقتى سۋرەتشى توقبولات توعىسباەۆتىڭ زايىبى راۋشان اقبەرديەۆانىڭ ايتۋىنشا, سەزىمتالدىعى مەن بايقاعىشتىعى تۋا بىتكەن اسا ەڭبەكقور دارىن رەتىندە ونىڭ بولاشاعىنان ۇلكەن ءۇمىت كۇتۋگە بولادى. «كورمە كەزىندە نۇرايانىڭ سالعان سۋرەتتەرىنە قىزىعىپ, ساتىپ العىسى كەلىپ, قىمبات باعا ۇسىنۋشىلار از بولعان جوق. الايدا, ءبىز ءوز ونەرپازىمىزدىڭ توپ جارعان تىرناقالدى تۋىندىلارىن ساۋداعا سالۋدى ءجون كورمەدىك», دەدى ۇستازى.
نۇرايا ەسداۋلەت بۇعان دەيىن دە الەۋمەتتىك جەلىلەرگە سالعان سۋرەتتەرىمەن ونەرتانۋشىلاردى ەلەڭدەتكەن بولاتىن.
ايناش ەسالي,
«ەگەمەن قازاقستان».
الماتى.
قازاق ءبۇلدىرشىنى حالىقارالىق كوركەمسۋرەت كورمەسىنە «ناۋرىز تويى» جانە «جەلقايىقتار» اتتى ەكى تۋىندىسىمەن قاتىسىپ, فەستيۆالدىڭ التىن مەدالى مەن ديپلومىن جەڭىپ الىپ كەلدى. سونداي-اق, فەستيۆال باعدارلاماسىنىڭ بۋكلەتىنە الۋان ۇلتتىڭ ونەرپازدارىمەن قاتار نۇرايانىڭ دا دومبىرا تارتىپ وتىرعان فوتوسۋرەتى شىققان. 3 جاسىنان قولىنا قىلقالام ۇستاعان بالعىن ونەرپازدىڭ سۋرەتتەرىندەگى بوياۋ سيقىرىن سەزىنۋى, شىعارمالارىندا ءوز جان دۇنيەسىن, وي-كوزقاراسىن بەرۋگە ۇمتىلىسى قازىلار القاسىنىڭ ەرەكشە نازارىنا ىلىگىپ, جۇزدەن وزعان جۇيرىكتىگى تانىلدى.
تالانتتى بالدىرعاندى بەينەلەۋ ونەرىنە باۋلىپ جۇرگەن مۇعالىمى, اتاقتى سۋرەتشى توقبولات توعىسباەۆتىڭ زايىبى راۋشان اقبەرديەۆانىڭ ايتۋىنشا, سەزىمتالدىعى مەن بايقاعىشتىعى تۋا بىتكەن اسا ەڭبەكقور دارىن رەتىندە ونىڭ بولاشاعىنان ۇلكەن ءۇمىت كۇتۋگە بولادى. «كورمە كەزىندە نۇرايانىڭ سالعان سۋرەتتەرىنە قىزىعىپ, ساتىپ العىسى كەلىپ, قىمبات باعا ۇسىنۋشىلار از بولعان جوق. الايدا, ءبىز ءوز ونەرپازىمىزدىڭ توپ جارعان تىرناقالدى تۋىندىلارىن ساۋداعا سالۋدى ءجون كورمەدىك», دەدى ۇستازى.
نۇرايا ەسداۋلەت بۇعان دەيىن دە الەۋمەتتىك جەلىلەرگە سالعان سۋرەتتەرىمەن ونەرتانۋشىلاردى ەلەڭدەتكەن بولاتىن.
ايناش ەسالي,
«ەگەمەن قازاقستان».
الماتى.
