اعىلشىن ءتىلىن ءبىلۋ مەملەكەتتىك قىزمەتكەرگە مىندەتتى بولۋى ءتيىس

استانا. 11 ناۋرىز. بۇگىن «نۇر وتان» پارتياسىنىڭ كەزەكتى XVI سەزىندە سويلەگەن سوزىندە پرەزيدەنت نۇرسۇلتان نازارباەۆ مەملەكەتتىك قىزمەتكەر ءۇشىن اعىلشىن ءتىلىن ءبىلۋ مىندەتتى بولۋى ءتيىس ەكەنىن ايتتى. بۇل تۋرالى «قازاقستان جاڭالىقتارى» حابارلادى. «مەملەكەتتىك قىزمەتتە اعىلشىن ءتىلىن ءتىلىن ءبىلۋ مىندەتتىلىك ماسەلەسى قويىلىپ وتىر. بىرتىندەپ. قازىر ءبىز مۇنى بىردەن جاساي المايمىز (اعىلشىن ءتىلىن مەڭگەرۋدى). بۇل ءبىر ەرىككەن ءىس ەمەس, انە, قاراڭىزدار, قانشاما ترانسۇلتتىق كومپانيالار جۇمىس جاساپ جاتىر», - دەدى نازارباەۆ سەزدە سويلەگەن سوزىندە. مەملەكەت باسشىسى مەملەكەتتىك قىزمەتكە «بولاشاق» باعدارلاماسى بويىنشا شەت ەلدەردە وقىپ كەلگەن تۇلەكتەردى بەلسەندى تۇردە تارتۋ كەرەك ەكەنىن اتاپ ءوتتى. «بارلىق مينيسترلەر ينۆەستيتسيا تارتۋ ءۇشىن (شەت ەلدەرگە) شىعىپ تۇرادى. ءبىز سوندىقتان ولاردىڭ تىلدەرىندە سويلەي ءبىلۋىمىز كەرەك, ولاردىڭ نە ىستەپ, نەمەن شۇعىلدانىپ جاتقاندارىن ءبىلۋىمىز كەرەك (...). سوندىقتان مەن ءۇش ءتىلدى ءبىلۋ كەرەك دەپ ءجۇرمىن», - دەپ ءسوزىن قورىتتى نازارباەۆ. ساكەن مايلىباي.