مەملەكەت باسشىسى سايلاۋعا قاتىستى ابايدىڭ ءسوزىن ەسكە سالدى

استانا. 11 ناۋرىز. استاناداعى تاۋەلسىزدىك سارايىندا وتكەن «نۇر وتان» پارتياسىنىڭ كەزەكتى XVI سەزىندە مەملەكەت باسشىسى, پارتيا كوشباسشىسى نۇرسۇلتان نازارباەۆ پرەزيدەنت سايلاۋعا قاتىستى ابايدىڭ قارا ءسوزىن ەسكە سالدى. بۇل تۋرالى «قازاقپارات» حابارلادى «اباي ءۇشىنشى قارا سوزىندە بىلاي دەيدى: ءۇش جىلعا بولىس سايلانادى. اۋەلگى جىلى «سەنى ءبىز سايلامادىق پا؟» دەپ ەلدىڭ بۇلدانعانىنا جاۋاپ بەرۋمەن كۇنى وتەدى. ەكىنشى جىلى كانديداتپەن, كەلەسى كانديداتپەن اڭدىسىپ كۇنى وتەدى. ءۇشىنشى جىلى «تاعى دا بولىس بولىپ قالۋعا مۇمكىندىك بولار ما ەكەن؟» دەۋمەن كۇنى وتەدى. اباي «سوندا نەسى قالدى؟» دەيدى. قانداي شىندىق! ءجۇز جىل بۇرىن ايتىپ كەتكەن شىندىق», – دەدى نۇرسۇلتان نازارباەۆ. «سايلاۋ قۇر انشەيىن سايلاۋ وتكىزۋ ءۇشىن ەمەس, ەلدى بىرلىككە شاقىرىپ, جۇرتتى ەڭبەككە ۇيىتۋ ءۇشىن بولسا عانيبەت», – دەپ تۇيىندەدى مەملەكەت باسشىسى. جولدىباي بازار. دەرەك, سۋرەت: «قازاقپارات».