نازارباەۆ پرەزيدەنت سايلاۋىنا قاتىسۋعا كەلىسىمىن بەردى

استانا. 11 ناۋرىز. استاناداعى تاۋەلسىزدىك سارايىندا بولىپ وتكەن «نۇر وتان» پارتياسىنىڭ كەزەكتى XVI سەزىندە مەملەكەت باسشىسى, پارتيا ليدەرى نۇرسۇلتان نازارباەۆ كەزەكتەن تىس پرەزيدەنت سايلاۋىنا قاتىساتىنىن مالىمدەدى. بۇل تۋرالى «24KZ» حابارلادى. «مەن سىزدەردىڭ الدارىڭىزعا كەلىپ, ءسوز سويلەپ تۇرمىن. ءوز كانديداتۋرامدى تەك ءبىر ماقسات ءۇشىن عانا, الدىمىزدا تۇرعان قيىن مىندەتتەردى شەشۋگە باعىتتالعان جاڭا مىندەتتەردى ۇسىنۋ ءۇشىن عانا ۇسىناتىن بولامىن. مەن قالاي پرەزيدەنت بولۋ كەرەك جانە ول نە ايتۋ كەرەك دەگەن ساۋالدارعا: «ادام سايلاۋعا ءوز حالقىڭنىڭ ءومىرىن جاقسارتۋ ءۇشىن ناقتى باعدارلامالارى مەن ماقساتتارى بولعاندا عانا بارۋى كەرەكتىگىن ايتامىن», – دەدى ەلباسى. پرەزيدەنت الداعى قويعان بەلگىلى ءبىر ماقساتىن جوق بولسا, سايلاۋعا قاتىسۋدىڭ قاجەتى جوق ەكەنىن اتاپ ءوتتى. «ەگەر ونداي ماقساتىڭ مەن مىندەتىڭ بولماسا, وندا سايلاۋعا قاتىسۋدىڭ دا قاجەتى جوق», – دەدى ن.نازارباەۆ. ساكەن مايلىباي.