بالالار ۇيىنە 15 ميلليون تەڭگە قارجى ءبولدى

قازاقمىس كومپانياسى جىل سايىن وتەتىن رەس­پۋب­ليكالىق «مەكتەپكە جول» اكتسياسىنىڭ ايا­سىندا بيىل جەزقازعانداعى «ءۇمىت» بالالار ءۇيىنىڭ تاربيەلەنۋشىلەرىنە 15 ميلليون تەڭگە قار­­­جى ءبولدى. بولىنگەن قارجى مەكەمەنىڭ قايتا وڭتاي­لاندىرىلۋىنا, سپورت جانە بالالار الاڭىنا, سون­داي-اق ەلەكتروندى تەحنيكا مەن كومپيۋتەر الۋىنا باعىتتالعان. بۇل شاراعا قۇرمەتتى قوناق رەتىندە «جەزقاز­عانتۇستىمەت» ءوب باس ديرەكتورى قايرات شالماعام­بەتوۆ, سەناتور سەرگەي ەرشوۆ جانە ءماجىلىس دەپۋتا­تى ارمان قوجاحمەتوۆ قاتىستى. قايتا وڭتايلان­دى­رىلعان سپورت الاڭىن ارالاپ, بالالاردى بيىلعى جاڭا وقۋ جىلىمەن قۇتتىقتاپ, قازاقمىس الەۋمەتتىك جاۋاپتى ارىپتەس رەتىندە ءار جىلدارى جەزقازعان اۋماعىندا بىرنەشە الەۋمەتتىك نىسانداردىڭ بوي كوتە­رۋىنە اتسالىسقانىن اتادى. – قازاقمىس كومپانياسى اسىرەسە, بالالارعا قاتىستى الەۋمەتتىك جوبالارعا ەرەكشە كوڭىل ءبو­لەدى. جاسوسپىرىمدەر ءبىزدىڭ مەملەكەتىمىزدىڭ بولا­شاعى, سوندىقتان ءبىز ولاردىڭ ءومىرىن جاقسارتىپ, ساپالى ءبىلىم الۋلارىنا بارىنشا قولداۋ كورسەتەمىز. كورپوراتسيا مەن «ءۇمىت» بالالار ءۇيى اراسىندا كوپ­جىلدىق دوستىق قارىم-قاتىناس ورناتىلعان, – دەيدى «قازاقمىس كورپوراتسياسى» جشس باس ديرەكتورى باقتيار قىرىقپىشەۆ. «ەگەمەن-اقپارات».