«يسلام مەملەكەتى» Facebook ءتارىزدى الەۋمەتتىك جەلى جاسادى

استانا. 11 ناۋرىز. «يسلام مەملەكەتى» لاڭكەستىك ۇيىمى سaliphate book دەپ اتالاتىن Facebook الەۋمەتتىك جەلىسىنىڭ بالاماسىن جاساپ شىعاردى. بۇل تۋرالى reuters.com حابارلادى. سaliphate book ءسوزى «حاليفات كىتابى» دەگەن ماعىنانى بىلدىرەدى. اتالمىش جەلى تەحنيكالىق اقاۋلارعا بايلانىستى ازىرگە جۇمىسىن توقتاتىپ تۇرعان كورىنەدى. جەلى اشىلعان ساتتە بىرنەشە ادام وعان تىركەلىپ ۇلگەرىپتى. ونى قۇراستىرۋشىلاردىڭ ايتۋىنشا, الەۋمەتتىك جەلى Twitter جانە Facebook جەلىلەرىندە الماسۋعا بولمايتىن اقپاراتتاردى قابىلداپ, جىبەرۋ ءۇشىن اشىلعان. بۇل سايت يسپان, گوللاند, پورتۋگال, اعىلشىن, تۇرىك, يندونەزيا جانە ياۆان تىلدەرىنە اۋدارىلىپتى. پورتال ادەتتەگى الەۋمەتتىك جەلى سياقتى, بىراق وندا «يسلام مەملەكەتىنىڭ» لوگوتيپى بار. ول تانىمال SocialKit پلاتفورماسىندا جاسالعان. ماماندار سaliphate book جەلىسىنىڭ يراكتىڭ موسۋل قالاسىندا تىركەلگەنىن, بىراق مىسىر سەرۆەرلەرىن قولداناتىنىن انىقتادى. جەلىنى قۇراستىرۋشىلار وزدەرىن «يسلام مەملەكەتى» قارجىلاندىراتىنىن مالىمدەگەن. ولار سونداي-اق, وسى جەلىنى جاساۋ ارقىلى وزدەرىنىڭ الەممەن بىرگە دامىپ كەلە جاتقاندارىن دا دالەلدەيتىندەرىن جەتكىزگەن. جولدىباي بازار. دەرەك: reuters.com. سۋرەت: haggin.az.