الماتى وبلىسىندا جول اپاتىنان جۇكتى ايەل قايتىس بولدى

استانا. 11 ناۋرىز. الماتى-قاسكەلەڭ تراسساسىنىڭ بويىندا جول-كولىك وقيعاسى ورىن الىپ, سالدارىنان جۇكتى ايەل قازا تاپتى. بۇل تۋرالى nur.kz حابارلادى. تاراتا ايتار بولساق, الماتى وبلىسىنداعى رايىمبەك داڭعىلىمەن ۇلكەن جىلدامدىقپەن جۇرگەن «تويوتا لەند كرۋزەر» كولىگىنىڭ جۇرگىزۋشىسى كولىگىن باسقارا الماي قالادى. كۋاگەرلەردىڭ ايتۋىنشا, ول «نيسسان تسەفيرو» كولىگىنە سوعىلىپ, سودان بارىپ جۇك كولىگىنە ۇرىنادى دا زاماتتا ورتەنىپ كەتەدى. ال جۇك كولىگى سول ماڭداعى اعاشقا بارىپ ۇرىلادى. الدىن-الا مالىمەتتەر بويىنشا, اۋرۋحاناعا جەتكىزىلگەن «نيسسان تسەفيرو» جۇرگىزۋشىسى اۋىر حالدە, ال جولاۋشىلار ورىنىندا وتىرعان اياعى اۋىر ايەل العان جاراقاتتاردان قايتىس بولدى. جول اپاتىنا كىنالى «تويوتا لەند كرۋزەر» جۇرگىزۋشىسى وقيعا ورنىنان ءىزىن سۋىتقان. اپاتتىڭ ءمان-جايى قۇقىق قورعاۋ ورگاندارىنىڭ قىزمەتكەرلەرى انىقتاۋدا. قايعىلى وقيعا الماتى-قاسكەلەڭ تاس جولىنىڭ 19-شى شاقىرىمىندا ورىن العان. جولدىباي بازار. دەرەك, سۋرەت: nur.kz.