مەتان شىعىنى ازايادى

قازاقستان مەن نورۆەگيا مەملەكەتتەرى اراسىندا اۋا قۇرامىنداعى مەتان شىعىنىن ازايتۋ ماقساتىندا قول قويىلعان كەلىسىمشارت بار. وسى­عان وراي ەكى ەلارالىق بەكىتىلگەن قۇجات ايا­سىندا تىڭ جوبانى ىسكە اسىرۋعا وتاندىق «قاز­­مۇنايگاز» ۇك» اق پەن نورۆەگيانىڭ «Car­bon limits» كومپانياسى اتسالىسىپ وتىر. ەلىمىزدەگى العاشقى قاناتقاقتى جوبا ەڭ الدىمەن «ەمبىمۇنايگاز» («ەمگ») اق-تىڭ ءوندىرىس الاڭدارىندا ىسكە قوسىلدى. دالىرەك ايتقاندا, نورۆەگيالىق «Carbon limits» كومپانياسىنىڭ قىزمەتكەرلەرى «ەمبىمۇنايگاز» اق وندىرىسىندە اۋاعا شىعارىلاتىن مەتان شىعىنى مولشەرىن انىقتاۋ ماقساتىندا «جايىقمۇنايگاز» مۇناي-گاز ءوندىرۋ باسقارماسىنىڭ س.بالعىمباەۆ پەن وڭتۇستىك باتىس-قامىستى كەن الاڭدارىندا, «جىلى­ويمۇنايگاز» مۇناي-گاز ءوندىرۋ باس­قار­ما­سىنىڭ باتىس پرورۆا, س.نۇرجانوۆ اتىن­داعى مۇناي كەنىشىندە مۇناي ءوندىرۋ مەن دا­يىنداۋ جۇمىستارىمەن, ءونىمدى ساقتاۋ, ىلەسپە گازدى تازالاۋ جانە كادەگە جاراتۋ شارالارىمەن جان-جاقتى تانىستى. «Carbon limits» كومپانياسىنىڭ قا­زاق­­­- س­تانداعى تىڭ جوبانى العاش رەت باس­تاعان­مەن, وسى ماقساتتا جيناقتاعان مول تاجىريبەسى بار. اقش, ۋكراينا, كانادا ەلدەرىندە مەتان شى­عىنىن ازايتۋعا باعىت­تالعان قاناتقاقتى جوبالارىن ىسكە قوسىپ, ءساتى اياقتاعان. اسىرەسە, ۋك­راي­نادا وندىرىلەتىن گازدىڭ 75 پايىزىن ەنشىلەگەن «ۋكرگازۆيدوبۋۆاننيا» كومپانيا­سىندا اتالعان قاناتقاقتى جوبادان كەيىن مەتان شىعىنىنىڭ اۋاعا شىعارىلۋى ايتارلىقتاي ازايعان. ال, نورۆەگيا بولسا بۇگىنگى تاڭدا مەتان شى­عىنىسىز ءوندىرىستى دامىتىپ وتىر. ء–بىزدىڭ كاسىپورىننىڭ ءوندىرىس الاڭدارىندا ىسكە قوسىلعان قاناتقاقتى جوبا كۇتكەندەي ءنا­تيجە بەرەدى دەگەن سەنىمدەمىز. مەتاننىڭ اۋا قاباتىنا زياندى اسەرىن ازايتۋ, ونى ەنەر­گيا كوزى رەتىندە ءتيىمدى پايدالانۋ, گازدى ۇنەم­دەۋ ماقساتىنداعى جۇمىستار جاندانادى دەپ كۇتىلۋدە», –دەيدى «ەمبىمۇنايگاز» اق قور­شا­عان ورتانى قورعاۋ دەپارتامەنتىنىڭ ديرەكتورى ءساليما ابيتوۆا. جوبا جۇمىستارىنىڭ ناتيجەسىمەن شەتەل­دىك ماماندار «ەمبىمۇنايگاز» وندىرىسىندە پار­نيكتىك گازدىڭ اتموسفەراعا شىعارىلۋىن ازايتۋ شارالارىنىڭ باعىتتارىن انىقتاپ, مە­تان شىعىنىن ازايتۋدىڭ جاڭا تەحنولوگيا­لارىن ۇسىنباقشى.  جولداسبەك شوپەعۇل, «ەگەمەن قازاقستان». اتىراۋ وبلىسى.