ومبىدا وتكەن شەشۋشى ويىندا «اۆانگارد» 3:1 ەسەبىمەن جەڭىسكە جەتتى
استانا. 11 ناۋرىز. «بارىس» حوككەي كومانداسى بيىلعى ماۋسىمدى اياقتادى. گاگارين كۋبوگى ءۇشىن جارىستىڭ العاشقى اينالىمىندا ومبىنىڭ «اۆانگاردىمەن» ايقاسىپ, شەشۋشى ساتتە قارسىلاسىنا ەسە جىبەردى. جەتى سەريادان تۇرعان تارتىستىڭ جالپى ەسەبىندە «اۆانگارد» 4:3 ەسەبىمەن باسىم ءتۇستى. بۇل تۋرالى egemen.kz حابارلادى.
سوڭعى ويىن ومبىدا ءوتتى. استانالىقتار تارتىستىڭ نەبارى 5-مينۋتىندا ەسەپ اشتى. داستين بويدتان پاس العان نايدجەل دوۋس شايبانى بىردەن قاقپاعا باعىتتادى. دەگەنمەن, «بارىس» حوككەيشىلەرى بۇل باسىمدىقتى بەس مينۋت قانا ۇستاپ تۇرا الدى. ويىننىڭ 10-مينۋتىندا ايدىن يەلەرى ساپىنان چاد كولاريك مەرگەندىگىمەن كوزگە ءتۇسىپ, ەسەپتى تەڭەستىردى. وسى تۇستا ايتا كەتەر جايت, كولاريك گول سالماستان بۇرىن «بارىستىڭ» قورعاۋشىسى الەكسەي ليتۆينەنكوعا وتە جويقىن كۇشتىك ءادىس قولدانعان ەدى. سونىڭ سالدارىنان استانالىق حوككەيشى ايدىننان كوتەرىلە الماي قالدى. ياعني, «اۆانگارد» ەسەپتى تەڭەستىرگەن كەزدە ءبىزدىڭ ءبىر ويىنشىمىز ايدىندا سۇلاپ جاتتى. الايدا, بۇل جايتقا تورەشىلەر نازار اۋدارعان جوق.
ەكىنشى كەزەڭ اسا تارتىستى ءوتتى. «بارىس» ساپىنان ءۇش بىردەي حوككەيشى كىشى ايىپپەن جازالانسا, «اۆانگاردتىڭ» قوس ويىنشىسى ەكى مينۋتتىق «دەمالىسپەن» ماراپاتتالدى. ايتسە دە, قارسىلاستار بۇل مۇمكىندىكتەردى پايدالانا المادى. ەكىنشى ۇزىلىسكە ءتورت مينۋت قالعان كەزدە الەكساندر پەرەجوگين يان لاتسونىڭ وسال تۇسىن تاۋىپ, كومانداسىن العا شىعاردى.
سوڭعى شەشۋشى كەزەڭدە «اۆانگارد» كوبىنە قورعانىسقا كوڭىل ءبولدى. «بارىستىڭ» باس جاتتىقتىرۋشىسى اندرەي نازاروۆ ويىن ورنەگىنە وزگەرىس ەنگىزىپ, كومانداسىن شابۋىلعا شاقىرعانىمەن ناتيجە بولمادى. ءتىپتى ويىننىڭ بىتۋىنە 2 جارىم مينۋت قالعان كەزدە لاتسونىڭ ورنىنا التىنشى ويىنشىنى شىعاردى. الايدا, بۇل ارەكەت كەرىسىنشە ايدىن يەلەرىنە قول بولدى. ءوز ايماقتارىنان ويىنعا قوسىلعان شايباعا بىردەن يەلىك ەتكەن ومبىلىقتار ايدىننىڭ ءدال ورتاسىنان ءۇشىنشى گولدارىن سوعىپ, «بارىس» جانكۇيەرلەرىنىڭ ءۇمىتىن ءبىرجولا ءوشىردى. بوس قاقپانى ءدال كوزدەگەن تاعى دا چاد كولاريك ەدى.
وسىمەن «بارىس» 2014-2015 جىلعى ماۋسىمدى اياقتادى. ەندى وتاندىق حوككەيشىلەر ءساۋىر ايىندا وتەتىن ءبىرىنشى ديۆيزيوننىڭ الەم چەمپيوناتىنا دايىندالادى. ايتا كەتەيىك, اتالعان دودا 13-24 ءساۋىر ارالىعىندا پولشا مەن نيدەرلاندىدا وتەدى. «ا» توبىندا وينايتىن قازاقستان يتاليا, جاپونيا, ۋكراينا, ۆەنگريا جانە پولشا قۇرامالارىمەن كۇش سىناسادى.
گاگارين كۋبوگى ءۇشىن جارىستى جالعاستىراتىن «اۆانگارد» «شىعىس» كونفەرەنتسياسىنىڭ جارتىلاي فينالىندا قازاننىڭ «اق بارسىمەن» وينايدى. ال وسى كونفەرەنتسياداعى كەلەسى جارتىلاي فينالدىق جۇپتى ماگنيتاگورسكىنىڭ «مەتاللۋرگى» مەن نوۆوسيبيرسكىنىڭ «سيبير» كوماندالارى قۇرادى. «باتىس» كونفەرەنتسياسىندا ماسكەۋدىڭ «ديناموسى» سانكت-پەتەربۋرگتىڭ سكا-سىمەن ايقاسقا تۇسەدى. ال تسسكا (ماسكەۋ) فينليانديانىڭ «يوكەريت» كومانداسىمەن كونفەرەنتسيانىڭ فينالىنا بەرىلەر جولدامانى ساراپقا سالادى. العاشقى ويىندار 12-13 ناۋرىز كۇندەرى وتەدى.
ەلامان قوڭىر.
دەرەك: egemen.kz.
سۋرەت: hawk.ru.
استانا. 11 ناۋرىز. «بارىس» حوككەي كومانداسى بيىلعى ماۋسىمدى اياقتادى. گاگارين كۋبوگى ءۇشىن جارىستىڭ العاشقى اينالىمىندا ومبىنىڭ «اۆانگاردىمەن» ايقاسىپ, شەشۋشى ساتتە قارسىلاسىنا ەسە جىبەردى. جەتى سەريادان تۇرعان تارتىستىڭ جالپى ەسەبىندە «اۆانگارد» 4:3 ەسەبىمەن باسىم ءتۇستى. بۇل تۋرالى egemen.kz حابارلادى.
سوڭعى ويىن ومبىدا ءوتتى. استانالىقتار تارتىستىڭ نەبارى 5-مينۋتىندا ەسەپ اشتى. داستين بويدتان پاس العان نايدجەل دوۋس شايبانى بىردەن قاقپاعا باعىتتادى. دەگەنمەن, «بارىس» حوككەيشىلەرى بۇل باسىمدىقتى بەس مينۋت قانا ۇستاپ تۇرا الدى. ويىننىڭ 10-مينۋتىندا ايدىن يەلەرى ساپىنان چاد كولاريك مەرگەندىگىمەن كوزگە ءتۇسىپ, ەسەپتى تەڭەستىردى. وسى تۇستا ايتا كەتەر جايت, كولاريك گول سالماستان بۇرىن «بارىستىڭ» قورعاۋشىسى الەكسەي ليتۆينەنكوعا وتە جويقىن كۇشتىك ءادىس قولدانعان ەدى. سونىڭ سالدارىنان استانالىق حوككەيشى ايدىننان كوتەرىلە الماي قالدى. ياعني, «اۆانگارد» ەسەپتى تەڭەستىرگەن كەزدە ءبىزدىڭ ءبىر ويىنشىمىز ايدىندا سۇلاپ جاتتى. الايدا, بۇل جايتقا تورەشىلەر نازار اۋدارعان جوق.
ەكىنشى كەزەڭ اسا تارتىستى ءوتتى. «بارىس» ساپىنان ءۇش بىردەي حوككەيشى كىشى ايىپپەن جازالانسا, «اۆانگاردتىڭ» قوس ويىنشىسى ەكى مينۋتتىق «دەمالىسپەن» ماراپاتتالدى. ايتسە دە, قارسىلاستار بۇل مۇمكىندىكتەردى پايدالانا المادى. ەكىنشى ۇزىلىسكە ءتورت مينۋت قالعان كەزدە الەكساندر پەرەجوگين يان لاتسونىڭ وسال تۇسىن تاۋىپ, كومانداسىن العا شىعاردى.
سوڭعى شەشۋشى كەزەڭدە «اۆانگارد» كوبىنە قورعانىسقا كوڭىل ءبولدى. «بارىستىڭ» باس جاتتىقتىرۋشىسى اندرەي نازاروۆ ويىن ورنەگىنە وزگەرىس ەنگىزىپ, كومانداسىن شابۋىلعا شاقىرعانىمەن ناتيجە بولمادى. ءتىپتى ويىننىڭ بىتۋىنە 2 جارىم مينۋت قالعان كەزدە لاتسونىڭ ورنىنا التىنشى ويىنشىنى شىعاردى. الايدا, بۇل ارەكەت كەرىسىنشە ايدىن يەلەرىنە قول بولدى. ءوز ايماقتارىنان ويىنعا قوسىلعان شايباعا بىردەن يەلىك ەتكەن ومبىلىقتار ايدىننىڭ ءدال ورتاسىنان ءۇشىنشى گولدارىن سوعىپ, «بارىس» جانكۇيەرلەرىنىڭ ءۇمىتىن ءبىرجولا ءوشىردى. بوس قاقپانى ءدال كوزدەگەن تاعى دا چاد كولاريك ەدى.
وسىمەن «بارىس» 2014-2015 جىلعى ماۋسىمدى اياقتادى. ەندى وتاندىق حوككەيشىلەر ءساۋىر ايىندا وتەتىن ءبىرىنشى ديۆيزيوننىڭ الەم چەمپيوناتىنا دايىندالادى. ايتا كەتەيىك, اتالعان دودا 13-24 ءساۋىر ارالىعىندا پولشا مەن نيدەرلاندىدا وتەدى. «ا» توبىندا وينايتىن قازاقستان يتاليا, جاپونيا, ۋكراينا, ۆەنگريا جانە پولشا قۇرامالارىمەن كۇش سىناسادى.
گاگارين كۋبوگى ءۇشىن جارىستى جالعاستىراتىن «اۆانگارد» «شىعىس» كونفەرەنتسياسىنىڭ جارتىلاي فينالىندا قازاننىڭ «اق بارسىمەن» وينايدى. ال وسى كونفەرەنتسياداعى كەلەسى جارتىلاي فينالدىق جۇپتى ماگنيتاگورسكىنىڭ «مەتاللۋرگى» مەن نوۆوسيبيرسكىنىڭ «سيبير» كوماندالارى قۇرادى. «باتىس» كونفەرەنتسياسىندا ماسكەۋدىڭ «ديناموسى» سانكت-پەتەربۋرگتىڭ سكا-سىمەن ايقاسقا تۇسەدى. ال تسسكا (ماسكەۋ) فينليانديانىڭ «يوكەريت» كومانداسىمەن كونفەرەنتسيانىڭ فينالىنا بەرىلەر جولدامانى ساراپقا سالادى. العاشقى ويىندار 12-13 ناۋرىز كۇندەرى وتەدى.
ەلامان قوڭىر.
دەرەك: egemen.kz.
سۋرەت: hawk.ru.
