ايماقتاعى تۇراقتىلىق پەن قاۋىپسىزدىك – باستى نازاردا

استانا قالاسىنداعى تاۋەلسىزدىك سارايىندا شانحاي ىنتىماقتاستىق ۇيىمىنا مۇشە مەملەكەتتەر باس پرو­كۋرورلارىنىڭ 13-ءشى وتىرىسى ءوتتى. وتى­رىس جۇمىسىنا قازاقستان رەس­پۋبليكاسىنىڭ باس پروكۋرورى اسحات داۋىلباەۆ, قىتاي حالىق رەسپۋبليكاسى جوعارعى حالىق پروكۋراتۋراسىنىڭ باس پروكۋرورى تساو تسزيانمين, قىر­عىز رەسپۋبليكاسىنىڭ باس پروكۋرورى ينديرا دجولدۋباەۆا, رەسەي فەدە­را­تسياسىنىڭ باس پروكۋرورى يۋري چايكا, تاجىكستان رەسپۋبليكاسىنىڭ باس پروكۋرورى يۋسۋف راحمون, وزبەكستان رەس­پۋبليكاسىنىڭ باس پروكۋرورى يحتيور ابدۋللاەۆتىڭ باسشىلىعىمەن دەلەگا­تسيالار, سونداي-اق شىۇ-نىڭ باس حات­­شىسى دميتري مەزەنتسەۆ جانە شىۇ-نىڭ ايماقتىق انتيتەرروريستىك قۇ­رىلىمى اتقارۋشى كوميتەتى ديرەك­تورى­نىڭ ورىنباسارى احتامحون پيروۆ قاتىستى. شىۇ-نىڭ باقىلاۋشى-مەملەكەت­تەرى باس پروكۋرورلارىنىڭ قاتىسۋى فورۋمنىڭ جۇمىسىن جاڭا مازمۇنمەن تولىقتىردى, ولار: اۋعانستان يس­لام رەسپۋبليكاسىنىڭ باس پروكۋرو­رى دجالال نۋر حابيب, بەلارۋس رەس­پۋب­ليكاسىنىڭ باس پروكۋرورى الەكساندر كونيۋك, ءۇندىستاننىڭ باس پروكۋرورى مۋكۋل روحاتگي, موڭعوليانىڭ باس پرو­كۋ­رورى ەنح-امگالان ماگۆاننوروۆ, پاكىستان يسلام رەسپۋبليكاسى باس پرو­كۋرورىنىڭ ورىنباسارى ناسەر احمەد بحۋتتا. قازاقستان رەسپۋبليكاسى پرەزي­دەنتى­نىڭ كومەكشىسى – قاۋىپسىزدىك كەڭەسى­نىڭ حاتشىسى نۇرلان ەرمەكباەۆ جيىن­نىڭ اشىلۋىندا ءسوز سويلەپ, شىۇ ايا­سىن­داعى ءوزارا ىنتىماقتاستىقتىڭ جاڭا باعدارلارىن انىقتادى. اسحات داۋىلباەۆ وتىرىستى اشىپ, شانحاي ىنتىماقتاستىق ۇيىمى ءۇشىن ايماقتا تۇراقتىلىقتى جانە قاۋىپ­سىزدىكتى قامتاماسىز ەتۋ ماسە­لەلەرى ارقاشان نازاردا بولعانىن اتاپ ءوتتى. شىۇ-عا مۇشە-مەملەكەتتەر پرو­كۋ­راتۋرالارىنىڭ بىرلەسكەن كۇش-جىگەرى ارقاسىندا وسى ۇيىمنىڭ ءتيىمدى جۇمىس ىستەۋىنە بەرىك نەگىز قالاندى, بۇل سەنىم مەن ءوزارا تۇسىنىستىكتىڭ جوعارى دەڭگەيىن كورسەتەدى. سوندىقتان پروكۋراتۋرا ور­گان­دارىنىڭ سۇحباتتاسۋ الاڭى جانە ىنتىماقتاستىقتىڭ قۇرىلعان جۇيەسى مەملەكەت باسشىلارى بەلگىلەگەن جوس­پارلاردى ىسكە اسىرۋ ءۇشىن ۇلكەن ءمۇم­كىن­دىك تۋعىزدى. فورۋم بارىسىندا تەرروريزممەن جانە ەكسترەميزممەن كۇرەس, ەسىرتكى جانە قارۋدىڭ زاڭسىز اينالىمى, ترانس­شەكارالىق قىلمىستاردىڭ باسقا دا تۇرلەرى مەن زاڭسىز كوشى-قون سالاسىندا تاجىريبە الماسۋ ماسەلەلەرىنىڭ كەڭ اۋقىمى تالقىلاندى. قاتىسۋشىلار تەرروريزم مەن ەكسترەميزم سياقتى قازىرگى زاماننىڭ ەڭ قاۋىپتى قۇبىلىستارى بۇگىندە حالىق­ارالىق سيپات العانىن جانە ولاردىڭ اسكەري, ەكونوميكالىق قۋاتى مەن ءدىني سەنىمىنە تاۋەلسىز بارلىق مەملەكەتتەردى قوزعاعانىن اتاپ ءوتتى. ءوز كەزەگىندە ا.داۋىلباەۆ تەررو­ريستىك ارەكەتتەرگە قازاق­ستاننىڭ نەگىزگى كۇش-جىگەرى قازىر ءدىني راديكالداردىڭ قىلمىستىق پيعىل­دارىنىڭ الدىن الۋعا جانە ۋاقتىلى انىقتاۋعا باعىتتالعان دەپ باسا ايتتى. قازاقستان ەكسترەميزم جانە تەرروريزممەن حالىقارالىق كۇرەس اياسىندا ۇلكەن جانە جۇيەلى جۇمىستى جۇرگىزۋدە. ءبىزدىڭ ەلىمىز بۇۇ-نىڭ تەرروريزممەن كۇرەستەگى بارلىق 14 حالىقارالىق امبەباپ كونۆەنتسيالارىنا قوسىلدى, ور­تالىق ازيا ايماعىنداعى قاۋىپسىز­دىك پەن تۇراقتىلىقتى قامتاماسىز ەتۋ ءۇشىن مەملەكەتتەردىڭ بىرىگۋىنە باس­تاماشىلاردىڭ ءبىرى بولىپ تابىلادى. سونداي-اق, وتىرىسقا قاتىسۋشىلار قۇزى­رەتىنە شىۇ-نىڭ مۇشە-مەملەكەت­تەرىنىڭ شەكارالارى ارقىلى ەسىرتكىلىك قۇرالداردى, پسيحوتروپتىق زاتتاردى جانە ولاردىڭ پرەكۋرسورلارىن زاڭسىز الىپ وتۋگە قارسى ارەكەت ەتۋ بويىنشا مىندەتتەردى شەشۋ جاتاتىن ورگانداردىڭ جۇمىسىن ۇيلەستىرۋ بويىنشا شىۇ-عا مۇشە-مەملەكەتتەر پروكۋراتۋرالارىنىڭ جۇمىس تاجىريبە­لەرىمەن الماستى. كۇن تارتىبىندەگى ماسەلەلەردى تال­­قىلاۋ ناتيجەلەرى بويىنشا شىۇ-عا مۇشە مەملەكەتتەر باس پرو­كۋرا­تۋ­را­لا­رى­نىڭ باسشىلارى ءوزارا قۇقىق­تىق كومەك كورسەتۋ ماسە­لەلەرى, پروكۋرورلىق قىزمەتتىڭ نەگىزگى با­عىتتارى جونىندە تاجىريبە الماسۋدى جالعاستىرۋ, ءارتۇرلى ترانس­ۇلت­تىق قاۋىپسىزدىك قاتەرلەرىنە قارسى تۇ­­رۋ جونىندەگى ۇتىمدى شارالاردى قول­دانۋ بويىنشا حالىقارالىق ىن­تىماقتاستىقتىڭ تيىمدىلىگىن ارتتىرۋ ءجو­­نىن­دەگى وتىرىس حاتتاماسىنا قول قويدى. سونىمەن قاتار, 2016 جىلى شىۇ-عا مۇشە باس پروكۋراتۋرالاردىڭ كە­زەكتى وتىرىسىن قىتاي حالىق رەسپۋب­ليكاسىندا وتكىزۋ تۋرالى شەشىم قابىل­داندى. نۇرلىبەك دوسىباي. جۋرناليست.