ماڭىزدى قۇجاتتار جوباسى ماقۇلداندى

كەشە استانادا تاۋەلسىز مەملەكەتتەر دوستاستىعىنا مۇشە مەملەكەتتەردىڭ سىرتقى ىستەر مينيسترلەرى كەڭەسىنىڭ وتىرىسى ءوتتى. جيىندا 22 ماسەلە كۇن تارتىبىنە شىعارىلىپ, بىرقاتار ماڭىزدى قۇجاتتاردىڭ جوبالارى كەلىسىلدى. القالى جيىندى اشقان قا­­زاق­ستان رەسپۋبليكاسىنىڭ سىرت­­قى ىستەر ءمينيسترى ەرلان ىدى­­رىسوۆ مەملەكەت باسشىسى نۇر­سۇلتان نازارباەۆتىڭ بۇۇ-نىڭ مىنبەرىنەن سويلەگەن ءسوزىنىڭ ماڭىز­دىلىعىنا كەڭىنەن توقتالدى. قازىرگى تاڭدا الەمدى تولعاندىرىپ وتىرعان كوپتەگەن تۇيتكىلدەردى وڭتايلى شەشۋدە قازاقستان پرەزيدەنتىنىڭ تالايعا وي سالعان ۇسىنىستارىنىڭ ماڭىزى زور. اسىرەسە, ەلباسىنىڭ بۇۇ قۇزىرەتىن جاڭاشا قۇرۋعا, سونداي-اق, الەمنىڭ قاۋىپسىزدىگىن قامتاماسىز ەتۋگە قاتىستى پىكىر­لەرىنىڭ ءجونى بولەك. جيىن بارىسىندا تمد اتقارۋ كوميتەتىنىڭ اتقارۋشى حاتشىسى سەرگەي لەبەدەۆ دوستاستىققا مۇشە مەملەكەتتەردىڭ ءوزارا ءتۇسى­نىس­تىكپەن جۇمىس ىستەۋ ماقساتىندا كوپتەگەن ماسەلەلەردى بىرلەسە تالقىلاۋعا مۇددەلىلىك تانىتىپ كەلە جاتقانىنا نازار اۋداردى. بۇدان بولەك, ول: «تمد سىرتقى ىستەر مينيسترلەرى كەڭەسىنىڭ كەزەك­تى وتىرىسىن وتكىزۋ تۋرالى شەشىم قابىلداندى. ول جال­پى ۋاعدالاستىققا سايكەس, 2016 جىل­دىڭ 8 ساۋىرىندە ماسكەۋدە وتەدى», – دەدى. ءوز كەزەگىندە تمد اقپاراتتىق كەڭەسىنىڭ باسشىسى, تاسس اگەنتتىگىنىڭ باس ديرەكتورى سەرگەي ميحايلوۆ 2016 جىلى تمد-نىڭ ىشكى ءتۋريزمىنىڭ تانىمالدىلىعىن ارتتىرۋ قولعا الىناتىنىن ايتا كەلىپ, «تمد مەملەكەتتەرىنىڭ گۋ­ما­نيتارلىق ىقپالداستىق قورىنىڭ قولداۋىمەن اقپارات اگەنتتىكتەرى ءوز كۇشتەرىمەن ىشكى ءتۋريزمنىڭ ەڭ الەۋەتتى باعدارلارى بويىنشا جۋرناليستەر مەن فوتوتىلشىلەرگە ارناپ پرەسس-تۋر وتكىزەدى», – دەدى. ونىڭ ايتۋىنشا, بۇل ماقساتتا ارنايى سايت اشىلادى. وندا xالىق ءۇشىن ەڭ كورىكتى تۋريستىك ورىندار, تاريxي جانە قازىرگى زامانعى نىساندار تۋرالى قىزىقتى ماتەريالدار توپتاستىرىلماق. باسقوسۋدا بەلگىلى بولعانداي, تمد لاڭكەستىككە قارسى كۇرەس ورتا­لى­عىنىڭ باسشىسى, پوليتسيا گەنەرال-پولكوۆنيگى ان­درەي نوۆيكوۆ ءوز قىزمەتىن ودان ءارى جالعاستىرا بەرەتىن بولدى. ناقتىلاي ايتقاندا, ا. نو­ۆي­كوۆتىڭ وكىلەتتىلىگى 2018 جىل­دىڭ 31 جەلتوقسانىنا دەيىن ۇزار­تىلدى. الايدا, بۇل شەشىم سىرت­قى ىستەر مينيسترلەرىنىڭ كەڭە­سىندە قابىلدانعانىمەن, ول تمد مەملەكەت باسشىلارىنىڭ كەڭە­سىندە ارنايى بەكىتىلۋى ءتيىس. ايتا كەتەيىك, پوليتسيا گەنەرال-پولكوۆنيگى اندرەي نوۆيكوۆ تمد لاڭكەستىككە قارسى كۇرەس ورتا­لى­عىنا 2006 جىلدان بەرى جەتەكشىلىك ەتىپ كەلەدى. سونىمەن, وتىرىس قورى­تىن­دىسى بويىنشا, سىرتقى ىستەر مينيسترلەرى بۇۇ-نىڭ قۇرى­لۋى­نىڭ 70 جىلدىعىنا بايلانىستى تمد مەملەكەت باسشىلارى مالىمدەمەسىنىڭ, سونداي-اق, حالىق­ارالىق لاڭكەستىكپەن كۇرەس تۋرالى مالىمدەمەنىڭ, تمد مەملەكەت باسشىلارىنىڭ چەرنوبىل اەس-ىندەگى اپاتتىڭ ورىن الۋىنا 30 جىل تولۋىنا قاتىستى ۇندەۋى جوبالارىن ماقۇلدادى. سونىمەن قاتار, تمد-نىڭ 25 جىلدىعى قۇرمەتىنە وراي, 2016-2017 جىلدار ارالىعىندا ەرەكشە اتالىپ وتەتىن ءىس-شارالار جوس­پارى قابىلداندى. بۇل جوسپار بويىنشا, دوستاستىق ەلدەرى جاستارىنىڭ حالىقارالىق ستراتەگياسىن جۇزەگە اسىرۋ قولعا الىنباق. جولدىباي بازار, «ەگەمەن قازاقستان».