مينيسترلىكتىڭ القا وتىرىسى

كەشە ىشكى ىستەر ءمينيسترى قالمۇحانبەت قاسىموۆتىڭ توراعالىق ەتۋىمەن مي­نيستر­لىكتىڭ ورتالىق اپپارا­تى­نىڭ, وڭىرلىك ىشكى ىستەر دە­پار­تامەنتتەرىنىڭ, ۆە­دوم­س­تۆو­لىق وقۋ ورىندارىنىڭ باس­شىلىق قۇرامى قاتىس­قان القا وتىرىسى ءوتتى. وتىرىستا ىشكى ىستەر ور­گان­دارىنىڭ 2015 جىلدىڭ 9 ايىن­داعى جەدەل-قىزمەتتىك جۇ­مىس قورىتىندىسى, سونداي-اق, مەملەكەت باسشىسىنىڭ جەر­گى­لىكتى پوليتسيا قىزمەتىن قۇرۋ جانە ونىڭ قىزمەتىن قامتاماسىز ەتۋ جونىندەگى تاپسىرماسىن ىسكە اسىرۋ بويىنشا شارالار قارالدى. سوعان سايكەس جەرگىلىكتى پوليتسيا قىزمەتىنىڭ بولىنىستەرىن قۇرۋ جانە ولاردىڭ جۇمىس ىستەۋى ماسەلەلەرى ورتاعا سالىندى. بۇدان باسقا 2015-2017 جىلدارعا ارنالعان بوتەننىڭ مۇلكىن ۇرلاۋعا قارسى ءىس-قيمىل جونىندەگى ۆەدومستۆولىق باعدارلامانى ىسكە اسىرۋ بارىسى تالقىلانىپ, جەدەل-قىزمەتتىك جۇمىستىڭ كەمشىلىكتەرىن جويۋ جانە جانداندىرۋ, ۇرلىقتىڭ الدىن الۋ جانە اشۋ تيىمدىلىگىن ارتتىرۋ بويىنشا شارالار كەشەنىن قابىلداۋ مىندەتتەلدى. سونىمەن قاتار, القا بارىسىندا, تاربيە جۇمىسىن جەتىلدىرۋگە, ىشكى ىستەر ورگاندارىنىڭ كادرلىق الەۋەتىن ارتتىرۋعا, جەكە قۇ­رام اراسىندا قاتاڭ ءتارتىپتى قامتا­ماسىز ەتۋگە, سونداي-اق, سىبايلاس جەمقورلىققا قارسى كۇرەستى كۇشەيتۋگە نازار اۋدارىلدى. القا وتىرىسىنىڭ قورىتىندىسى بويىنشا مينيسترلىكتىڭ ورتالىق اپپاراتى قىزمەتتەرىنىڭ جانە وڭىرلىك دەپارتامەنت باسشىلارىنا ناقتى تاپسىرمالار بەرىلدى, دەپ حابارلادى ءىىم ءباسپاسوز قىزمەتى.