كەشە استانادا «نۇر وتان» پارتياسى حVءى سەزى قارساڭىندا پارتيانىڭ ساياسي كەڭەسىنىڭ كەڭەيتىلگەن وتىرىسى ءوتتى, دەپ حابارلادى پارتيانىڭ ءباسپاسوز ورتالىعى.
وتىرىس بارىسىندا پارتيانىڭ ساياسي كەڭەسىنىڭ مۇشەلەرى بىرقاتار ماسەلەلەردى قارادى. ول 2011-2014 جىلدارداعى ساياسي كەڭەس, ورتالىق باقىلاۋ-رەۆيزيالىق كوميسسيا جۇمىسىنىڭ قورىتىندىلارى, سونداي-اق, پارتيانىڭ XVI cەزى ورگاندارىنىڭ جۇمىسىن ۇيىمداستىرۋ.
اتاپ ايتساق, «نۇر وتان» پارتياسى ساياسي كەڭەسىنىڭ شەشىمىمەن وتەتىن سەزدىڭ قاراۋىنا كەلەسى كۇن ءتارتىبى ەنگىزىلدى:
- «نۇر وتان» پارتياسىنىڭ اتىنان قازاقستان رەسپۋبليكاسى پرەزيدەنتتىگىنەن ۇمىتكەردى ۇسىنۋ.
- پارتيانىڭ ساياسي كەڭەسى مەن ورتالىق باقىلاۋ-رەۆيزيالىق كوميسسياسىنىڭ ەسەپتىك مەرزىمدەگى جۇمىسىنىڭ قورىتىندىسى.
- پارتيانىڭ ساياسي كەڭەسى مەن ورتالىق باقىلاۋ-رەۆيزيالىق كوميسسياسى مۇشەلەرىن سايلاۋ.
وتىرىستىڭ جۇمىسىنا 300-دەن استام ادام قاتىستى: ساياسي كەڭەستىڭ مۇشەلەرى, پارتيانىڭ ورتالىق اپپاراتىنىڭ باسشىلىعى, پارلامەنت ماجىلىسىندەگى «نۇر وتان» فراكتسياسىنىڭ ءمۇشەلەرى, پارتيانىڭ ايماقتىق فيليالدارى ءتوراعالارىنىڭ ءبىرىنشى ورىنباسارلارى, ورتالىق باقىلاۋ-رەۆيزيالىق كوميسسيانىڭ مۇشەلەرى جانە باسقالار.
اتاپ وتەرلىك ماسەلە – «نۇر وتان» پارتياسىنىڭ جارعىسىنا سايكەس, ساياسي كەڭەس پارتيانىڭ سەزدەر ارالىعىنداعى جوعارى وكىلەتتى ورگانى بولىپ تابىلادى.
