كەزەكتەن تىس پرەزيدەنتتىك سايلاۋ ەلىمىز ۇشىن وسىنداي قۇتتى قادامعا اينالادى
سايلاۋعا ءتۇسۋىن قالايمىز
نارىقتىق قاتىناستاردا جەردى ءتيىمدى پايدالانۋ ماڭىزدى ماسەلەگە اينالىپ وتىرعان قازىرگى ۋاقىتتا مەملەكەت باسشىسى نۇرسۇلتان نازارباەۆتىڭ ستراتەگيالىق جوبالاردى قابىلداپ, ونى جۇزەگە اسىرۋداعى پارمەندى ارەكەتتەرى قوعام تاراپىنان ۇنەمى قولداۋ تاۋىپ كەلەدى. كوزدەگەن ماقساتىمەن تاڭداعان ستراتەگيالىق باعىتتارىنا قاراپ, ەلباسىمىزدىڭ ويلاعانى, ءتىپتى, تەرەڭدە دەپ ايتۋعا ابدەن بولادى. ونىڭ ءمانى – كەشەگى اتا-بابالار ارمانىن جۇزەگە اسىرۋ, جەرىمىزدى جەرۇيىققا اينالدىرىپ, ونىڭ ۇستىنە ەل ۇيىعان, قوي ۇستىنە بوزتورعاي جۇمىرتقالاعان زامان ورناتۋ, قازاقستاندى «ماڭگىلىك ەلگە» اينالدىرۋ. بۇل ماقساتتاردى جۇزەگە اسىرۋدىڭ ستراتەگيالىق امالدارى دا, تاكتيكالىق تەتىكتەرى دە ءبىزدىڭ قولىمىزدا بار. ولار – «قازاقستان-2050» ۇزاق مەرزىمدى ستراتەگيالىق باعدارلاماسى جانە بۇكىل الەم بويىنشا اۋمالى-توكپەلى سانالاتىن قازىرگى كەزەڭگە ارنالعان «نۇرلى جول – بولاشاققا باستار جول» مەگاجوباسى. ال قازاقستاننىڭ جەر رەسۋرستارى مەن تاۋەلسىزدىك جىلدارى قالىپتاستىرىلعان ۇلتتىق قورىمىز, ەلباسىمىزدىڭ حالىقارالىق ارەناداعى ۇلكەن بەدەلى, ەلىمىز جاستارىنىڭ قازاق, ورىس, اعىلشىن تىلدەرىن مەڭگەرىپ, الەمنىڭ الدىڭعى قاتارلى وقۋ ورىندارىندا ءبىلىم الۋى, مەملەكەتتىڭ الەۋمەتتىك باعىت ۇستاۋى, قۋاتتى قازاقستاننىڭ قالىپتاسۋى – وسى جوبالاردى جۇزەگە اسىرۋدىڭ سەنىمدى كەپىلى. ەلباسىنىڭ ەلدە جۇزەگە اسىرىپ وتىرعان ساياساتىنىڭ ارقاسىندا از ۋاقىتتىڭ وزىندە قول جەتكىزگەن تابىستارىمىزدىڭ ءوزى شاش-ەتەكتەن ەكەنى ايقىن. ولار ءومىردىڭ ءار سالاسىندا ناقتى كورىنىس بەرۋدە. ءتىپتى, الىسقا بارماي-اق جۋىقتا رەسەيدە رۋبل قۇلاعان كەزدە قازاقستاندىقتاردىڭ وسى ەلدەگى زاتتاردىڭ بارلىعىن جەدەل ساتىپ الۋىنىڭ ءوزى كوپ جايدان سىر ۇقتىرادى. مۇنىڭ ءوزى قازاقستاندىق وتباسىلارىنىڭ قارجى جاعدايىنىڭ جاقسارىپ, قورلانىپ العاندىعىنىڭ, نارىق جاعدايىندا ارەكەت ەتۋگە ابدەن بەيىمدەلگەندىگىنىڭ ءبىر كورىنىسى بولدى. ەندى تەك ىسكەرلىكتى ودان ءارى شىڭداي ءتۇسۋىمىز قاجەت. مىنە, وسىنداي زور تابىستارعا جەتكەنىمىزدى الىس, جاقىن ەلدەردىڭ ءبارى مويىنداپ وتىر. دەمەك, قازاقستان حالقى اسسامبلەياسى كەڭەسى مۇشەلەرىنىڭ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ تۋرالى باستاماسى ورىندى كەزدە كوتەرىلگەنى انىق. قازىرگى جاھاندىق داعدارىس كەزىندە الەمدە بولىپ جاتقان ساياسي-ەكونوميكالىق قيىندىقتار ءبىزدىڭ ەلىمىزدى دە اينالىپ وتپەيدى. وسىنداي سىن ساعاتتا ەلىمىزدەگى بارلىق جۇزەگە اسىرىلىپ جاتقان جوبالاردىڭ جالعاسىن تاۋىپ, ەلدەگى ەكونوميكالىق ءوسىم مەن الەۋمەتتىك تۇراقتىلىقتىڭ ساقتالعانى وتە ورىندى. سوندىقتان وسى كۇردەلى كەزەڭدە ەلباسىمىزدىڭ تاعى دا بەل بۋىپ, سايلاۋعا تۇسكەنىن قالايمىز. زايروللا دۇيسەنبەكوۆ, ۇعا اكادەميگى. استانا.باستالعان جۇمىستار اياقتالۋى ءتيىس
كەزەكتەن تىس پرەزيدەنتتىك سايلاۋ ەلدىڭ بولاشاعىن, تىنىشتىعىن, دامۋىن قامتاماسىز ەتۋدىڭ كەپىلى بولماق. سوندىقتان بۇل ساياسي ناۋقاننىڭ ماڭىزى دا, اتقارار جۇگى دە جەڭىل ەمەس. ەلباسى نۇرسۇلتان نازارباەۆتىڭ باستاۋىمەن ەلدى ەكونوميكالىق باعىتتا دامىتۋ ءۇشىن تابىستى باعدارلامالار ءجۇزەگە استى. بەس جىلدا قازاقستاندا بۇرىن بولماعان كاسىپورىندار ومىرگە كەلدى. ولاردىڭ بارلىعى دا وزىق تەحنولوگياعا نەگىزدەلگەن. قازىر اينالامىزداعى كوپتەگەن ەلدەر ءۇشىن داعدارىستى ەڭسەرۋ اسا قيىنعا سوعىپ وتىر. ال ءبىزدىڭ ەلىمىز دامۋدىڭ جولىندا كەلەدى. بىلىكتى ماماندارسىز ەكونوميكالىق دامۋدى قامتاماسىز ەتە المايتىنىمىزدى نۇرسۇلتان ءابىش ۇلى ىلعي دا ايتىپ وتىرادى. ءوزىنىڭ «نۇرلى جول – بولاشاققا باستار جول» جولداۋىندا ەلدەگى ون جوعارى وقۋ ورنى ءۇشىن 10 ميلليارد تەڭگە قارجى ءبولۋ تۋرالى ايتقان بولاتىن. ءبىزدىڭ قوستاناي مەملەكەتتىك ۋنيۆەرسيتەتى سول ون ءبىلىم ورداسىنىڭ بىرىنەن سانالادى. قوستانايداعى ماشينا جاساۋ جانە اۋىل شارۋاشىلىعى تاۋارلارىن ۇقساتۋ كاسىپورىندارى ءۇشىن ماماندار دايىنداماقپىز. بۇل ماماندار شارۋاشىلىقتىڭ وسى ايتىلعان سالالارىندا زاماناۋي تەحنولوگيالاردى ەنگىزەتىن, ولارمەن جۇمىس ىستەيتىن بولادى. ءبىزدىڭ ۋنيۆەرسيتەتتىڭ وقىتۋشىلار قۇرامى مەن ستۋدەنتتەرى ەلىمىزدە قازاقستان حالقى اسسامبلەياسىنىڭ كەڭەسى ۇسىنعان كەزەكتەن تىس پرەزيدەنتتىك سايلاۋعا ەلباسى نۇرسۇلتان نازارباەۆتىڭ قاتىسۋىن سۇرايمىز. ول كىسى باستاعان قانشاما ءىس جالعاسىن تابۋى ءۇشىن, داعدارىستى ەلدىڭ ەكونوميكالىق-الەۋمەتتىك جاعدايىن جۇدەتپەي ەڭسەرۋىمىز ءۇشىن, ەڭ باستىسى – ەلدىڭ تىنىشتىعى مەن بەرەكەسى ءۇشىن, جاستاردىڭ بولاشاققا سەنىمى ءۇشىن نۇرسۇلتان نازارباەۆ سايلاۋعا قاتىسۋى ءتيىس. ءويتكەنى, «قازاقستان-2050» ستراتەگياسى مەن باسقا دا ۇزاق مەرزىمدى باعدارلامالار سولارعا باستاماشىلىق تانىتقان ەلباسىنىڭ باسشىلىعىمەن بەلگىلى ءبىر دەڭگەيگە جەتكىزىلۋى ءتيىس دەپ بىلەمىز. اسقار نامەتوۆ, ا.بايتۇرسىنوۆ اتىنداعى مەملەكەتتىك ۋنيۆەرسيتەتتىڭ رەكتورى. قوستاناي.الىستاعى اعايىندار تىلەگى دە ەسكەرىلسە ەكەن
بۇگىنگى تاڭدا الىس-جاقىن شەتەلدەردە 5 ميلليونعا جۋىق قازاق دياسپوراسى تۇرادى. ولار – ءارتۇرلى تاريحي جاعدايلار سالدارىنان الەمنىڭ تۇكپىر-تۇكپىرىنە تاراپ كەتكەن ءبىزدىڭ باۋىرلارىمىز. مىنە, وسى قانداس اعايىنداردىڭ ءبارى الداعى بولاتىن پرەزيدەنتتىك سايلاۋعا الاڭ ءبىلدىرىپ, ايرىقشا كوڭىل بولۋدە. ولار بۇل جايىندا دۇنيەجۇزى قازاقتارى قاۋىمداستىعىنا ءجيى-ءجيى حابارلاسىپ, وزدەرىنىڭ وي-ءپىكىرلەرىن بىلدىرۋدە. بۇل رەتتە قاۋىمداستىق تورالقاسىنىڭ ءتوراعاسى – ەلباسى ەكەندىگىن ايتا كەتكەن ءجون. پرەزيدەنتىمىز الەم قازاقتارىنىڭ وتكەن ءتورت قۇرىلتايىنا دا قاتىسىپ, تەرەڭ مازمۇندى باياندامالار جاسادى. قازاق ەلىنىڭ بۇگىنى مەن بولاشاعى تۋرالى سىرتتاعى اعايىندارمەن جان-جاقتى وي ءبولىسىپ وتىردى. وعان قوسا, ەلباسى شەتەلدەگى اعايىنداردىڭ ەلىمىزگە تۇراقتى قونىس اۋدارۋىنا ەرەكشە نازار اۋدارىپ, ولاردىڭ ەلگە كوپتەپ ورالۋىنا جاعداي جاساۋدا. سونىڭ ناتيجەسىندە, 1 ميلليونعا جۋىق قانداسىمىز اتامەكەنگە قونىس اۋداردى جانە ول كوشتىڭ جالعاسىپ جاتقانى تاعى بەلگىلى. شەتەلدەردەگى اعايىننىڭ ءبارى نۇرسۇلتان نازارباەۆتى قازاقستاننىڭ, قازاق حالقىنىڭ عانا ەمەس, الەم قازاقتارىنىڭ كوشباسشىسى سانايدى. سول دارەجەدە قۇرمەت تۇتادى, باس يەدى. وسىعان بايلانىستى ولاردىڭ ءبارى الداعى بولاتىن پرەزيدەنتتىك سايلاۋدا نۇرسۇلتان نازارباەۆتىڭ كانديداتۋراسىن ۇسىنۋىن سۇراۋدا. جانە ول كىسىنىڭ مەملەكەت باسشىسى بولىپ سايلانعانىن اللادان تىلەپ, ءبىراۋىزدان قولدايتىندارىن ايتۋدا. سوندىقتان, ەلباسى سايلاۋ قارساڭىندا الىستاعى اعايىنداردىڭ ءوتىنىش-تىلەكتەرىن دە ەسكەرەدى دەگەن ۇمىتتەمىز. ءسۇلتانالى بالعاباەۆ, جازۋشى, دراماتۋرگ, دۇنيەجۇزى قازاقتارى قاۋىمداستىعى تورالقا توراعاسىنىڭ ورىنباسارى. الماتى.جاسامپاز ىستەر جالعاسسىن دەسەك
بۇگىنگى كۇندە قازاقستان الەۋمەتتىك-ەكونوميكالىق دامۋدىڭ تابىستى كورسەتكىشىن, سونداي-اق, ەلىمىزدىڭ بىرلىگى مەن گۇلدەنۋىنىڭ بەيبىتشىلىك قورعانى ەكەنىن كورسەتىپ وتىر. وسىعان وراي, قازاقستان حالقى اسسامبلەياسىنىڭ كەڭەسى كەزەكتەن تىس پرەزيدەنتتىك سايلاۋ وتكىزۋدى ۇسىنعان ەدى. باستاما ەل مۇددەسىنەن جانە حالىقارالىق ەكونوميكالىق جاعدايدىڭ تۇراقسىزدىعىنان تۋىنداپ وتىرعاندىعىن ەسكەرە وتىرىپ, كەزەكتەن تىس پرەزيدەنتتىك سايلاۋ وتكىزۋ قوعامدى اۋقىمدى ماقساتتارعا جەتۋ جولىندا ىنتىماققا شاقىرا الاتىنىنا سەنىم بىلدىرگەن بولاتىن. بۇل سايلاۋدى وتكىزۋ يدەياسىن بىلاي قويعاندا, ەلباسىنىڭ وعان قاتىسۋى قازىرگى كەزەڭدە اسا ماڭىزدى بولىپ وتىر. ول ەلىمىزدىڭ قارقىندى دامۋىمەن قوسا, قابىلدانعان ۇلتتىق جوسپارلاردى, ونىڭ ىشىندە «نۇرلى جول» ستراتەگيالىق باعدارلاماسىن جۇزەگە اسىرۋعا وڭ ىقپالىن تيگىزەتىنى ءسوزسىز. الەمدىك گەوساياسي جانە ەكونوميكالىق تۇراقسىزدىق جاعدايىندا ءبىزدىڭ بىرىگۋىمىزدىڭ, بارلىق مۇمكىندىكتەرىمىزدى جاھاندىق داعدارىستىڭ ەل ەكونوميكاسىنا تەرىس اسەرىن ەڭسەرۋگە باعىتتاۋدىڭ ماڭىزدىلىعى زور. قىسقاسى, جاھاندىق سىن-قاتەرلەر كەزەڭىندە ەلىمىزدىڭ پرەزيدەنتى نۇرسۇلتان نازارباەۆقا قازاقستاندى داعدارىستان الىپ شىعۋىنا مۇمكىندىك بەرەتىن جاڭا سەنىم مانداتى بەرىلۋى ءتيىس. ءدال قازىر سايلاۋ وتكىزۋ قوعامدا تۇراقتىلىق پەن بىرلىكتى ساقتاۋعا جاعداي جاسايدى. بۇل – العا قويعان مىندەتتەردى ءتيىمدى ىسكە اسىرۋ, تۇرعىنداردىڭ ءال-اۋقاتىن ارتتىرۋ ءۇشىن ماڭىزدى قادام. سايلاۋ وتكىزۋ ەكى جاعدايعا نەگىزدەلەدى. بىرىنشىدەن, كەلەسى جىلى پرەزيدەنتتىك جانە پارلامەنتتىك سايلاۋلاردى ءبىر جىلدا وتكىزۋ كونستيتۋتسياعا قايشى ەكەندىگىن ايتۋدىڭ ءوزى جەتكىلىكتى. ەكىنشىدەن, قازىرگى الەمدە قالىپتاسىپ وتىرعان جاعداي ءبىز ءوزىمىزدىڭ مەملەكەتىمىز ءۇشىن تاعدىرشەشتى ماسەلەنى وسى كەزدە ءوزىمىز شەشىپ, جاسامپازدىق جولىمىزدى جالعاستىرۋىمىزعا مۇمكىندىك الۋ كەرەك ەكەنىمىزدى كورسەتەدى. ەلىمىزدىڭ مىقتى ەكونوميكالىق ىرگەتاسى قالىپتاسقان. 2014 جىلعى الەمدىك داعدارىسقا قاراماستان, ەكونوميكالىق ءوسىم 4 پايىزدى قۇرادى. ءيا, بۇگىنگى قازاقستان – قوعام ءومىرىنىڭ بارلىق سالاسىندا وڭ وزگەرىستەرگە جەتىپ, ەكونوميكاسى, ءبىلىمى مەن مادەنيەتى تۇراقتى دامىعان, ىنتىماعى جاراسىپ, بەرىك نىعايىپ كەلە جاتقان ەڭسەلى ەل. الەم تانىعان ەلباسىمىز نۇرسۇلتان نازارباەۆتىڭ سىندارلى ساياساتىنىڭ ارقاسىندا الەۋمەتتىك-ەكونوميكالىق دامۋ ۇردىسىنە قول جەتكىزگەنىمىزدى قازاقستان حالقى ماقتان تۇتادى. الەمدە تۇراقسىزدىق ورىن العان جاڭا ءارى كۇردەلى كەزەڭدە ەلىمىز ستراتەگيالىق باعىتىنان اينىماي, قازاقستاندى جاڭعىرتۋ جانە دۇنيەجۇزىنىڭ وزىق 30 ەلىنىڭ قاتارىنا ەنۋ ءۇشىن جاسامپازدىق جۇمىستاردى جالعاستىرۋى ءتيىس. وسى سەبەپتى پرەزيدەنتتەن الداعى سايلاۋعا ءوزىنىڭ كانديداتۋراسىن ۇسىنعانىن قالار ەدىك. ءابدىجاپار ساپارباەۆ, قازاقستاننىڭ ەڭبەك سىڭىرگەن قايراتكەرى, ۇعا-نىڭ قۇرمەتتى اكادەميگى, ەكونوميكا عىلىمدارىنىڭ دوكتورى, پروفەسسور. الماتى.ۇزاق مەرزىمدى باعدارلامالار ورىندالۋىمەن قۇندى
ەلىمىز تاۋەلسىزدىك العان تۇستان بەرى مەملەكەتىمىزدە ءبىلىم, عىلىم سالاسىنا ايرىقشا كوڭىل ءبولىنىپ كەلەدى. سوڭعى جىلدارى پرەزيدەنت ن.نازارباەۆتىڭ باستاماسىمەن ەلىمىزدەگى وقۋ ورىندارىندا دۋالدى وقىتۋ جۇيەسى ەنگىزىلىپ جاتىر. ياعني, تەوريالىق ءبىلىم مەن پراكتيكالىق تاجىريبەنى ۇشتاستىرا وتىرىپ ءبىلىم بەرۋ بۇگىنگى كۇننىڭ باستى تالابىنا اينالعان. وسى ماقساتتا ءبىز ەلورداداعى ەمحانالارمەن تىعىز بايلانىس ورناتىپ, شاكىرتتەرىمىزدىڭ پراكتيكالىق داعدىسىن قالىپتاستىرۋعا كۇش سالۋدامىز. وسىنداي جەتىستىكتەردىڭ بارلىعى ەلدەگى ساياسي تۇراقتىلىقتىڭ, ىنتىماق پەن بىرلىكتىڭ, ەكونوميكالىق دامۋدىڭ ارقاسىندا جۇزەگە اسىپ جاتقانىن ءبىز جاقسى تۇسىنەمىز. سوندىقتان دا, ەلباسىنىڭ ەلىمىزدە بيىلعى جىلى كەزەكتەن تىس پرەزيدەنتتىك سايلاۋ وتكىزۋ تۋرالى شەشىمى وتە دەر كەزىندەگى شەشىم دەپ ەسەپتەيمىن. ەندىگى جەردە مەن جانە مەن باسقارىپ وتىرعان كوللەدج ۇجىمى وسى سايلاۋعا پرەزيدەنتتىكتەن ۇمىتكەر بولىپ ەلباسى, قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ قاتىسۋىن قالايمىز. ويتكەنى, ەلىمىزدەگى ءبىلىم, عىلىم سالاسىنىڭ وركەندەۋى مەن بۇگىنگى كۇنگى دامۋى ەلباسىنىڭ ەسىمىمەن تىعىز بايلانىستى. ءبىز قاي كەزدە دە پرەزيدەنتىمىزدىڭ قامقورلىعىن سەزىنىپ كەلەمىز. دۇنيەجۇزىلىك ەكونوميكالىق داعدارىستار مەن قيىن كەزەڭدەردىڭ وزىندە ەلباسىمىز ەلدەگى ءبىلىم مەن عىلىم سالاسىنا قامقورلىعىن كورسەتىپ باسەڭسىتكەن ەمەس. جىل سايىن عىلىمي ىزدەنىستەر مەن جاڭاشىلدىققا باعىتتالعان مەملەكەتتىك گرانتتار بولىنۋدە. جاس ماماندارىمىزدىڭ ءبىلىمىن جەتىلدىرىپ, تاجىريبە ارتتىرۋىنا دا بارلىق جاعداي جاسالعان. «قازاقستان-2050» ستراتەگياسىندا دا ەلىمىزدىڭ ۇزاق مەرزىمدى دامۋى مەن وركەندەۋى ناقتى كورسەتىلگەن. بىلتىرعى جىلى قابىلدانعان «نۇرلى جول – بولاشاققا باستار جول» باعدارلاماسىندا دا ەلىمىزدىڭ ساياسي-ەكونوميكالىق دامۋى, حالىقتىڭ الەۋمەتتىك جاعدايىنىڭ جاقسارۋى ايقىن كورىنىس تاپقان. سوندىقتان دا ءبىز وسى باعدارلامالاردىڭ جۇزەگە اسۋى ەلباسىنىڭ باسقارۋىنسىز مۇمكىن ەمەس دەپ سانايمىز. ال ءبىزدىڭ مەديتسينالىق-تەحنيكالىق كوللەدج 2001 جىلى «پروفەسسور ءرۋزۋددينوۆتىڭ استانا مەديتسينالىق-تەحنيكالىق كوللەدجى» دەگەن اتپەن اشىلعان بولاتىن. ياعني, ءبىزدىڭ كوللەدجىمىزدىڭ نەگىزىن مەديتسينا عىلىمدارىنىڭ دوكتورى, قازاقستان ءتىس دارىگەرلەرى اسسوتسياتسياسىنىڭ پرەزيدەنتى, پروفەسسور رۋزيددينوۆ قالادى. العاشقى جىلدارى تەك ءبىر ماماندىقپەن عانا شاكىرتتەردى وقىتساق, قازىرگى تاڭدا كوللەدجدە 4 ماماندىق بويىنشا ءبىلىم بەرەمىز. ءتىس تەحنيگى, دانتيست, فارماتسەۆت جانە مەديتسينالىق وپتيكا. كوللەدجىمىزدىڭ حالىقارالىق ستاندارتتارعا ساي زاماناۋي مەديتسينالىق قۇرالدارمەن جابدىقتالعان وقۋ-لابوراتوريالىق كورپۋسى بار. جىل بويى استانا قالاسىنداعى ىرگەلى وقۋ ورىندارىمەن تىعىز بايلانىستامىز. قازىرگى تاڭدا استانا قالاسىنداعى ءتىس ەمحانالارىنداعى دارىگەرلەردىڭ تۇگەلگە جۋىعى ءبىزدىڭ تۇلەكتەر ەكەنىن ماقتانىشپەن ايتقىم كەلەدى. ال دانتيست ماماندىعى بويىنشا بيىل العاشقى تۇلەكتەر وقۋ بىتىرەدى. ايگۇل جاۋباسوۆا, «مەديتسينالىق-تەحنيكالىق كوللەدج» جشس ديرەكتورى, مەديتسينا عىلىمدارىنىڭ كانديداتى. استانا.ەلدىك پەن بىرلىكتىڭ بەلگىسى
بۇگiندە الەمدەگi ساياسي احۋال كۇردەلەنiپ, قارجىلىق داعدارىستىڭ جاڭا تولقىنى بەلەڭ الۋدا. مۇنداي اۋىر جاعدايلارعا توتەپ بەرۋ ءۇشiن ەلدە ارنايى جوسپارلار جاسالعان. ول ەلباسىنىڭ باستاماسىمەن ومiرگە كەلگەن «قازاقستان-2050» ستراتەگياسى, ءۇيد باعدارلاماسى, «نۇرلى جول – بولاشاققا باستار جول» جولداۋى سىندى ۇزاق مەرزiمدi باعدارلامالار. ولاردى جۇزەگە اسىرۋ ءۇشiن ەلباسىن بۇگىننەن بىلەكتى ءتۇرىپ سايلاپ الۋىمىز قاجەت-اق. ەلباسى ن.ءا.نازارباەۆ ەلiمiزدiڭ داعدارىستى قالاي ەڭسەرەتiنiن «قازاقستان-2050» ستراتەگياسىندا تەرەڭ تولعاعان بولاتىن. سول قۇجاتتا نۇرسۇلتان ءابiش ۇلى ەلiمiزدiڭ الەۋمەتتiك, ەكونوميكالىق, رۋحاني, ساياسي دامۋ ارەكەتتەرiنiڭ بارلىعىن سارالاپ كورسەتiپ بەردi. الايدا, بۇل باعدارلاردىڭ بارلىعى قانداي جاعدايدا جۇزەگە اسادى؟ ىنتىماق پەن بiرلiكتiڭ, ۇلتارالىق جانە ۇلتiشiلiك تاتۋلىقتىڭ, تۇراقتىلىقتىڭ تۇعىرى بيiك بولعاندا عانا جۇزەگە اسادى. ىنتىماق – قازاق ەلiنiڭ ماڭگiلiك ستراتەگياسى ەكەنى داۋسىز نارسە. قازاقستان جاس ءارى دامۋشى مەملەكەت. سوندىقتان, جۋىردا عانا قازاقستان حالقى اسسامبلەياسىنىڭ باستاماسىنا اۋداننىڭ بەلسەندى جاستارىنىڭ باسىن بىرىكتىرىپ, جيىن وتكىزگەن بولاتىنبىز. جاسوتاندىقتار مەن «جاس كوشباسشىلار مەكتەبىنىڭ» بەلسەندىلەرى, ەرىكتىلەر توبىنىڭ مۇشەلەرى, قحا كەڭەسiنiڭ باستاماسىن قىزۋ قولدايتىندىقتارىن بىلدىرگەن ەدى. سونداي-اق, الەمدەگi ءتۇرلi ساياسي احۋالعا قاراماستان, ەلiمiزدiڭ ەڭسەسiن بيiك ۇستاۋى ەلباسىنىڭ سىندارلى ساياساتىنىڭ ناتيجەسi ەكەنiن ەرەكشە اتاپ وتكەن بولاتىن. ال ەلباسىنىڭ اعىمداعى جىلدىڭ 26 ساۋىرىنە سايلاۋ وتكىزۋ تۋرالى شەشىمىن ەستىگەنىمىزدە كوڭىلىمىز ءبىر سەرپىلىپ قالدى. ويتكەنى, بۇل سايلاۋدى اۋدان جاستارى تاراپىنان تولىق قولدايتىندىعىمىزدى بىلدىرگىم كەلەدى. ال وسىعان بايلانىستى نەگىزگى ۇسىنىسىمىز – ەلباسىنىڭ سايلاۋعا ءتۇسۋى. ءيا, ەندى وسىنداي تاريحي ساتتە ءبىر جەڭنەن قول, ءبىر جاعادان باس شىعارىپ, پرەزيدەنتتىك سايلاۋعا ءبىراۋىزدان قاتىسايىق. ءۇنىڭدى قوس بۇل سايلاۋعا, جاستارىم, جادىراسىن, الاۋلاسىن جاس جالىن. بىرلىك تۋىن جەلبىرەتكەن ەلىمنىڭ... بۇلت شالماسىن ەشۋاقىت اسپانىن. اللابەرگەن قونارباەۆ, «ماڭعىستاۋ اۋداندىق جاستار ساياساتى ورتالىعى» مەملەكەتتىك كوممۋنالدىق مەكەمەسىنىڭ ديرەكتورى. ماڭعىستاۋ وبلىسى.
