ەلباسى ۋاكىلى لاتۆيادا بولدى

4-5 ناۋرىزدا قازاقستان رەسپۋبليكاسى پرەزيدەنتىنىڭ ارنايى ۋاكىلى, پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ لاتۆيا رەسپۋبليكاسىندا ساپاردا بولدى, دەپ حابارلادى سەناتتىڭ ءباسپاسوز قىزمەتى. ساپاردىڭ ماقساتى 2017-2018 جىلداردا بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەلىگىنە قا­زاق­ستاننىڭ كانديداتۋراسىن ىلگە­رىلەتۋ, سونداي-اق, ەكى ەل ارا­سىنداعى پارلامەنتارالىق ءوزا­را ىنتىماقتاستىقتىڭ قازىرگى جاعدايى مەن بولاشاعىن تالقىلاۋ بولاتىن. ريگادا لاتۆيا سىرتقى ىستەر ءمينيسترى ەدگارس رينكەۆيچسپەن, سەيم حاتشىسى, پرەزيديۋم ءمۇ­شە­سى اندرەي كلەمەنتەۆپەن, سەيم­نىڭ حالىقارالىق ءىس­تەر ءجو­نىن­دەگى كوميتەتىنىڭ حاتشىسى سەرگەي پوتاپكينمەن, قازاقستان پارلامەنتىمەن ىنتى­ماقتاستىق جونىندەگى دەپۋتات­تار توبىنىڭ باسشىسى, «لاتۆياعا شىن جۇرەكتەن» پارتيا­سى­نىڭ كوشباسشىسى ينگۋنا سۋد­رابامەن كەزدەسۋلەر ءوتتى. سىرتقى ىستەر مينيسترىمەن بولعان سۇحبات بارىسىندا ي.ادىربەكوۆ 2016 جىلى بۇۇ قاۋىپسىزدىك كەڭەسىنىڭ تۇراق­تى ەمەس مۇشەلىگىنە سايلاۋدا قازاقستاننىڭ ۇسىنىمىن قول­داۋ جونىندەگى پرەزيدەنت ن.نازارباەۆتىڭ لاتۆيا پرە­زي­دەنتى اندريس بەرزينشكە جولداۋىن تابىس ەتتى. قازاقستاندىق دەپۋتات ايماقتىق جانە حا­لىقارالىق تۇراقتىلىق پەن قاۋىپسىزدىكتى نىعايتۋ, ونىڭ ىشىندە يادرولىق قارۋدى تارات­پاۋ, قارۋسىزدانۋ سالالارىنا قوسقان ءبىزدىڭ ەلىمىزدىڭ ۇلە­سى تۋرالى حاباردار ەتتى. ەۋرو­پالىق وداق كەڭەسىندەگى لاتۆيا توراعالىعىنىڭ تابىستى باستا­لۋىمەن قۇتتىقتادى جانە ريگا­نىڭ استانا مەن ەۋرووداق ارا­سىنداعى ارىپتەستىكتىڭ كەڭەيۋى مەن تەرەڭدەۋىنە ءوز ۇلەسىن قوسا­تىن­دىعىنا سەنىم ءبىلدىردى. لاتۆيانىڭ سەيمىندە وتكەن كەزدەسۋلەر بارىسىندا ەكى­جاقتى قاتىناستاردىڭ اۋ­قىم­دى ماسەلەلەرى تالقى­لانىپ, پار­لامەنتارالىق ىنتى­ماق­تاس­تىقتىڭ ماڭىزدى باسىم­دىق­تارى تۋرالى پىكىر الماسىل­دى. لاتۆيالىق دەپۋتاتتار ەل­با­سىنىڭ «نۇرلى جول» جول­داۋىنىڭ نەگىزگى باعىتتارىمەن, سونداي-اق, قازاقستاننىڭ سىرت­قى جانە ىشكى ساياساتتاعى نە­گىزگى باسىمدىقتارىمەن تانىس­تى­رىلدى. كەزدەسۋلەرگە قازاقستاننىڭ لاتۆياداعى ەلشىسى باۋىرجان مۇحامەتجانوۆ قاتىستى.