ITB حالىقارالىق تۋريستىك كورمەسىنىڭ جۇمىسىنا قاتىستى
بەرليندە ەكسپو-2017 كوميسسارى – قازاقستان سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىباەۆ باستاعان قازاقستاندىق دەلەگاتسيا 49-شى «ITB-2015» حالىقارالىق تۋريستىك كورمەسىنىڭ جۇمىسىنا قاتىستى.
دەلەگاتسيانىڭ قۇرامىنا سىرتقى ىستەر, ينۆەستيتسيالار جانە دامۋ مينيسترلىكتەرىنىڭ, قالالىق جانە وبلىستىق اكىمدىكتەردىڭ, «استانا ەكسپو-2017» ۇلتتىق كومپانياسىنىڭ, تۋريستىك اگەنتتىكتەردىڭ, سەرۆيستىك سەكتورلاردىڭ, قازاقستاننىڭ قولونەر مەن زەرگەرلىك ونەرىنىڭ وكىلدەرى كىردى. بيىلعى جىلى اتالعان كورمەدە 180 ەلدەن 10 مىڭعا جۋىق ستەند ورناتىلدى.
كورمە شەڭبەرىندە ەكسپو-2017 كوميسسارى بۇۇ بۇكىلالەمدىك تۋريستىك ۇيىمى (بتۇ) جىبەك جولى ەلدەرىنىڭ تۋريزم مينيسترلەرىنىڭ 5-ءشى وتىرىسىنا قاتىسىپ, قازاقستانداعى ءتۋريزمنىڭ دامۋى, جىبەك جولى الەۋەتىن ىسكە اسىرۋ بويىنشا قازاقستاننىڭ ءرولى جانە ەلباسىنىڭ «نۇرلى جول» جولداۋىنىڭ نەگىزگى باعىتتارى تۋرالى ءسوز سويلەدى.
ر.جوشىباەۆ الداعى ۋاقىتتا استانا قالاسىندا وتەتىن حالىقارالىق ەكسپو-2017 كورمەسىنىڭ دايىندىق جۇمىستارى تۋرالى حابارلاپ, اتالعان شارا قازاقستان جانە بۇكىل ءوڭىر ءۇشىن ءتۋريزمدى دامىتۋدىڭ قوزعاۋشى كۇشى بولاتىنىن اتاپ ءوتتى.
«ITB-2015» بارىسىندا قازاقستاندىق دەلەگاتسيانىڭ باسشىسى بۇكىلالەمدىك تۋريستىك ۇيىمنىڭ باس حاتشىسى تالەب ريفايمەن بىرگە قازاقستاندىق ستەندتىڭ اشىلۋ راسىمىنە قاتىستى. بۇۇ بتۇ باس حاتشىسى ءوز سوزىندە قازاقستانعا تۋريستەردىڭ كوپتەپ كەلۋى اياسىندا استانا قالاسىندا وتكىزىلەتىن ەكسپو-2017 كورمەسىنىڭ ماڭىزدىلىعىن, قالانىڭ ينفراقۇرىلىمدىق دامۋىن جانە بتۇ تاراپىنان اتالعان ماسەلە بويىنشا ءبىزدىڭ ەلگە قولداۋ كورسەتىلەتىنىن جەتكىزدى. سونداي-اق, ريفاي قازاقستانعا اسا نازار اۋدارىلاتىن بتۇ جىبەك جولى باعدارلاماسىنىڭ جۇزەگە اسىرىلۋ ماڭىزدىلىعىن اتاپ ءوتتى. جىبەك جولى باعدارلاماسى بتۇ-نىڭ 31 مۇشە-مەملەكەتتەرىنىڭ ءوزارا ىقپالداستىق تۇعىرناماسى بولىپ سانالادى.
كورمە قاتىسۋشىلارى قازاقستاندىق پاۆيلونعا اسا قىزىعۋشىلىق بىلدىرۋدە. ولار قازاق ۇلتتىق تاعامىنان ءدام تاتىپ, ءداستۇرلى بيلەردى تاماشالاپ, ۇلتتىق اسپاپتا ناقىشىنا كەلتىرىلىپ ورىندالعان ادەمى اۋەندەردى ەستىپ, سونىمەن قاتار, قولدان جاسالعان كيىز كيىمدەر مەن كۇمىس بۇيىمداردى دايىنداۋ بارىسىن كورۋگە مۇمكىندىكتەر الدى. شەتەلدىك سەرىكتەستەرمەن ىنتىماقتاستىقتى ءارى قاراي دامىتۋ ماقساتىندا قازاقستاندىق دەلەگاتسيا ەكىجاقتى كەلىسسوزدەر جۇرگىزدى, ونىڭ ىشىندە گفر ەكونوميكا جانە ەنەرگەتيكا مينيسترلىگى تۋريزم ديرەكتسياسىنىڭ جەتەكشىسى م. ۆەبەرمەن, كورمەنىڭ باسشىلىعىمەن جانە شەتەلدىك باق وكىلدەرىمەن كەزدەسۋلەر وتكىزدى.
قازاقستان الەمدىك ءتۋريزمنىڭ بەدەلدى ۇنقاتىسۋ الاڭى بولىپ تانىلاتىن جانە ەلدىڭ باي تاريحى مەن مادەنيەتىن, سونداي-اق, قايتالانباس تابيعاتىن تانىستىرۋعا مۇمكىندىك بەرەتىن ITB جۇمىسىنا جىل سايىن قاتىسادى. سونىمەن قاتار, كورمە تۋريستىك سالاداعى كوشباسشىلارمەن تاجىريبە الماسۋ مەن ىنتىماقتاستىقتىڭ ءتيىمدى تۇعىرناماسى بولىپ سانالادى.
«ەگەمەن-اقپارات».
