شىمكەنتتەگى شىعارماشىلىق كەش

جاقىندا شىمكەنت قالاسىنداعى وڭتۇستىك قازاقستان مەملەكەتتىك پەداگوگيكالىق ينستيتۋتىندا اقىن, سازگەر اكىم ىسقاقتىڭ شىعارماشىلىق كەشى ءوتتى. اكىم ىسقاق ەسىمى جۇرتشىلىققا تۇڭعىش قازاق تىلىندە جازىلعان زاڭنىڭ اۆتورى رەتىندە, جاستار اراسىندا تاربيەلىك ءمانى زور «جۇرەكتەگى جازۋلار» مەن «ادام ىزدەپ ءجۇرمىن» اتتى ەسسە كىتاپتارىمەن جاقسى تانىس. ستۋدەنتتەرمەن كەزدەسۋ قالامگەردىڭ ونەگەلى ومىرىنەن سىر شەرتەر دەرەكتى فيلم­مەن باستالدى. اقىندى شىمكەنت قالاسى اكىمىنىڭ ورىن­باسارى قايرات نۇرتاي, وبلىستىق كاسىپوداقتار كەڭەسىنىڭ توراعاسى دوسىباي شەرىمقۇلوۆ, وبلىستىق مادەنيەت باس­قارماسىنىڭ باسشىسى كۇليا ايداربەكوۆا, «نۇر وتان» پارتياسىنىڭ وبلىستىق فيليالىنان بەرىك قۇلجانوۆ, وبلىستىق ءماسليحاتتىڭ دەپۋتاتى ابىلقاسىم دوسبولوۆ سىندى ازاماتتار قۇتتىقتاپ, اق تىلەكتەرىن جاۋدىردى. ينستيتۋت رەكتورى وڭالباي اياشەۆتىڭ باستاماسىمەن وتكىزىلگەن بۇل كەشتە وقۋ ورنىنىڭ باسشىسى قورىتىندى سوزىندە بۇدان بىلاي 221-ءدارىسحانا اكىم ىسقاق ەسىمىمەن اتالاتىنىن حابارلادى. كەش سوڭىندا ءسوز العان اكىم ءابدى­قايىم ۇلى ينستيتۋت قابىرعاسىندا ءبىلىم بەرگەن وقىتۋشىلارىن ەسكە الا تەبىرەنە ءسوز سويلەپ, وقۋ ورنى باسشىلىعى مەن كەز­دەسۋدىڭ كەرەمەت وتۋىنە اتسالىسقان ستۋدەنتتەرگە العىسىن ءبىلدىردى. اباي سەيفۋللا ۇلى, ل.ن.گۋميلەۆ اتىنداعى ەۇۋ ستۋدەنتى.