ءشامشىنىڭ ءانى شىرقالمادى

كەشە كاتار استاناسى – دوحا قالاسىندا وتكەن بوكستان الەم چەمپيوناتى مارەسىنە جەتتى. بۇل سىندا 69 كيلوعا دەيىنگى سالماقتا ەل نامىسىن قورعاعان بوكسشىمىز دانيار ەلەۋسىنوۆ پەن اسا اۋىر سالماقتاعى ساڭلاعىمىز يۆان دىچكو (+91 كگ) كۇمىس مەدالعا قول جەتكىزدى. ەلەۋسىنوۆ فينالدا ماروككولىق موحاممەد رابيگە ەسە جىبەرسە, دىچكونىڭ فرانتسۋز توني يوكاعا شاماسى جەتپەدى. سونداي-اق, دانيار كەلەسى جىلى برازيليانىڭ ريو-دە-جانەيرو قالاسىندا وتەتىن وليمپيالىق ويىندارعا جولداما الدى. وسىلايشا, قازاقستان XVIII الەم چەمپيوناتىندا ەكى كۇمىس مەدال جانە ءبىر وليمپيادا جولداماسىن يەمدەندى. فينالدىق جەكپە-جەكتە ما­روك­كولىقتىڭ ءبىزدىڭ بوكسشىدان باسىم بولعانىن مويىنداۋىمىز كەرەك. بيىلعى چەمپيوناتتىڭ باس­تى جاڭالىقتارىنىڭ ءبىرى بولعان موحاممەد رابي دا­نيار­­دىڭ اتاق-داڭقىنان ەش قاي­­مىققان جوق. العاشقى سە­كۋند­تاردان باس­تاپ العا ۇم­تىل­عان ول ءبىرىنشى ءجا­نە ەكىنشى راۋند­­تاردا ءۇش تورە­شىدەن دە جو­عارى ۇپاي الدى. ال جەكپە-جەكتىڭ سوڭعى بولىگىندە ءبىر ءتو­رەشى قازاقستاندىقتىڭ جە­ڭىسىن تىركەگەنىمەن, جالپى ەسەپتە افريكالىقتىڭ مەرەيى ۇستەم بولدى. وسى رەتتە موحاممەد را­بي­دىڭ ماروككودان شىققان بوكس­­تان تۇڭ­عىش الەم چەمپيونى ەكە­نىن اتاپ وتكەن ءجون. سونىمەن, بۇگىندە قا­زاق­ستان قورجىنىندا بو­كس­تان ءتورت جولداما بار. ەلەۋ­سىنوۆتەن ءبو­لەك ءبىر­جان جا­­قىپوۆ (49 كگ), بەرىك ءابدى­راح­مانوۆ (60 كگ) جانە ۆاسيلي لەۆيت بۇعان دەيىنگى جارىستاردا جول­داماعا قول جەت­كىزگەن بولاتىن. ايتا كەتەيىك, قازاقستان كا­تارعا سەگىز بوكسشى الىپ بار­دى. قايرات ەراليەۆ (56 كگ) پەن ءزا­كىر سافيۋللين (60 كگ) ال­عاشقى جەكپە-جەكتەرىندە ەسە ءجى­بەرسە, ولجاس ساتتىباەۆ (52 كگ), ءجا­نىبەك ءالىمحان ۇلى (75 كگ), ادىلبەك نيازىمبەتوۆ (81 كگ) جانە ۆاسيلي لەۆيت (91 كگ) شيرەك فينالدان اسا المادى. وسىعان دەيىنگى 2013 جىلى الماتىدا وتكەن الەم چەمپيوناتىندا بوكسشىلارىمىز 4 التىن, 2 كۇمىس جانە 2 قولا مەدال ەن­شىلەپ, كومان­دالىق ەسەپتە توپ جارعان ەدى. سول كەزدە دانيار الەم چەمپيو­نى اتانىپ, يۆان فينال­دا ءسۇرىندى. ەلامان قوڭىر, «ەگەمەن قازاقستان».