چەمپيوندار ليگاسى. بۇگىن – العاشقى ويىندار. ءباس تىگىڭىزدەر...

استانا. 10 ناۋرىز. بۇگىن تۇندە فۋتبولدان چەمپيوندار ليگاسى 1/8 فينالى قارىمتا ماتچتارى باستالادى. پورتۋگاليانىڭ پورتۋ قالاسىندا «پورتۋ» كومانداسى – شۆەيتساريا بازەلىنىڭ «بازەلىن», يسپانيانىڭ مادريدىندە «رەال» نەمىستىڭ «شالكە-04» كومانداسىن قابىلدايدى. بۇل تۋرالى «چەمپيونات.رۋ» حابارلادى. اتالعان كوماندالار 1/8 فينالدىڭ ءبىرىنشى ويىنىن 18 اقپان كۇنى وتكىزگەن بولاتىن. وندا ءبىرىنشى جۇپ كوماندالارى 1:1 ەسەبىمەن تەڭ ويناسا, كەلەسى جۇپتا مادريدتىكتەر قوناقتا ويناعانىنا قاراماستان 2:0 ەسەبىمەن جەڭىپ قايتقان ەدى. «پورتۋ» - «بازەل» كون: «پورتۋ» ەكى تايمدا ءبىر-ءبىر گولدان سوعادى, ىقتيمالدىلىعى - 2.44. «بازەل» ءبىرىنشى كەزدەسۋدە ءوزىنىڭ ءبىر دوپ ايىرماشىلىقپەن جەڭىپ تۇرعان باسىمدىلىعىن ۇستاپ قالا المادى. ەندى ونىڭ 1/4 فينالعا شىعۋى ايتارلىقتاي قيىنداپ كەتىپ وتىر. وعان قاراعاندا, «پورتۋدىڭ» تاجىريبەسى كوپتەۋ, جوعارى دارەجەلى ويىنشىلارى دا بارشىلىق. سوندىقتان بۇل جولى ءوز الاڭىندا وينايتىن پورتۋگالداردىڭ مۇمكىندىكتەرى ەداۋىر جوعارى. «رەال» (مادريد) - «شالكە» كون: ەكى كوماندا دا گول سوعادى, ىقتيمالدىعى - 2.02. بىلاي قاراعاندا, وتكەن جولى سىرت الاڭدا ەكى دوپ ايىرماشىلىعىمەن جەڭىپ قايتقان «رەالدىڭ» كەلەسى كەزەڭگە ويلانباي وتە الاتىن ءجونى بار. بىراق يسپاندار ءدال قازىر ونشالىقتى جاقسى جاعدايدا تۇرعان جوق. ال قوناقتا جاۋاپسىز ەكى گول سوعۋ تالاپ ەتىلەتىن «شالكەنىڭ» سوڭعى كەزدەرى قورعانىسقا ايتارلىقتاي ارتىق كوڭىل ءبولىپ جۇرگەنىن دە ۇمىتا قويماساق كەرەك. بۋكمەكەرلەر ويىننىڭ تاعدىرىن بولجاۋدىڭ قيىن ەكەنىن ايتىپ وتىر. سوڭعى كەزدەرى «رەال» اشىقتان-اشىق ناشار ويناپ كەلەدى, انچەلوتتي كومانداسىنىڭ ويىنى ۇيلەسە قويماي ءجۇر, ونىڭ ساپىنداعى مودريچ, حامەس جانە سەرحيو راموس سەكىلدى ويىنشىلاردىڭ ماتچقا شىعا المايتىندارى مۇنى ودان بەتەر قيىنداتا تۇسۋدە. بۇلاردىڭ اراسىندا بۇگىن حورۆاتتىڭ عانا ويناي الۋى مۇمكىن. رونالدۋ وزىنە كەيىنگى كەزدەرى دوپتىڭ كوپ جەتە بەرمەيتىنىن شاعىم ەتۋدە. ال «شالكەگە» بۇل كەزدەسۋدە باتىلىراق ويناۋ كەرەك... دامير قوجامقۇل.