قوستانايدا كەن ءوندىرۋ كاسىپورىندارى قۇلدىراي باستادى

قوستاناي. 15 قازان. وبلىستا 9 اي ىشىندە ونەركاسىپ ونىمدەرىن شىعارۋ 14,2 پايىزعا تومەندەگەن. وسى كورسەتكىش بويىنشا قوستاناي وبلىسى رەسپۋبليكا بويىنشا ەڭ سوڭعى ورىندى الادى. بۇل تۋرالى egemen.kz ءتىلشىسى حابارلادى. وبلىستىڭ ەكونوميكالىق-الەۋمەتتىك دامۋىنىڭ 9 ايلىق قورىتىندىسى وبلىس اكىمى ارحيمەد مۇحامبەتوۆتىڭ قاتىسۋىمەن كەڭەيتىلگەن اكىمشىلىك وتىرىسىندا قارالدى. وندا وبلىس ونەركاسىبىنىڭ دامۋىنا شولۋ جاساعان وبلىس اكىمىنىڭ ورىنباسارى روزا كەمالوۆا وڭىردەگى كەن وندىرەتىن ەڭ ءىرى كاسىپورىندار «سوكولوۆ-سارىباي كەن ءوندىرۋ بىرلەستىگى» اكتسيونەرلىك قوعامى ءونىم شىعارۋدى –44,8 پايىزعا, «ۆارۆارينسكوە» كومپانياسى –36,8 پايىزعا, «وركەن» سەرىكتەستىگى –35,7 پايىزعا تومەندەتكەنىن اتاپ ءوتتى. ەگەر مۇنى اقشاعا شاققاندا, مىسالى «سوكولوۆ-سارىباي كەن ءوندىرۋ بىرلەستىگى» 9 ايدا 86,3 ميلليارد تەڭگەنىڭ ءونىمىن شىعارسا, شىعارماعانى 70 ميلليارد تەڭگەنى قۇرايدى. مۇنىڭ ءوزى الەمدىك نارىقتا تەمىر كەنىنە باعانىڭ تومەندەۋىنە بايلانىستى رەسەي مەن قىتاي باعىتىنا ءونىمدى ارتۋدىڭ ازايۋىنان بولىپ وتىر. مىسالى, «سسكوب» 2010-2013 جىلدارى جىل سايىن قىتايعا 5 ميلليون توننا ءونىم ارتاتىن. ال 2014 جىلى جونەلتكەن كەننىڭ كولەمى 51 پايىزعا ( ياعني, 2,8 ميلليون توننا) دەيىن تومەندەدى. ال بيىل ەكسپورتقا جىبەرىلەتىن كەن وتكەن جىلعى كولەمنىڭ 7 پايىزىن عانا قۇرايدى, ياعني 190 مىڭ تونننادان اسپايدى. روزا كەمالوۆانىڭ بايانداماسىندا تەك, كەن ءوندىرۋ عانا ەمەس, ءوندىرىستىڭ باسقا سالالارىندا دا, مىسالى ماشينا جاساۋ, ازىق-ت ۇلىك ءوندىرۋ سالالارىندا دا ءونىم ءوندىرۋدىڭ تومەندەگەنى بايقالىپ وتىرعانى ايتىلدى. سونىمەن قاتار, اكىم ورىنباسارى وبلىستا ينۆەستيتسيالىق-وندىرىستىك ءىرى جوبانىڭ جوقتىعىن دا تىلگە تيەك ەتتى. وبلىس اكىمى ارحيمەد مۇحامبەتوۆ وڭىرگە يننوۆاتسيالىق-وندىرىستىك جوبالاردىڭ قاجەتتىگىن ايتتى. ولاردى جۇزەگە اسىرعاندا ەكونوميكالىق دامۋ جانە ادامدارعا جۇمىس بولاتىنى بەلگىلى. جاقىن ارادا وبلىستا يندۋستريالاندىرۋ باعدارلاماسى قايتا قارالاتىن بولادى. 9 ايدا وبلىس وڭىرىندە وندىرىستىك  كاسىپورىندار جۇمىسىندا تومەندەۋ بولعانىمەن اۋىل شارۋاشىلىعىندا ىرعاقتى العا باسۋ بايقالعان. ءنازيرا جارىمبەتوۆا. دەرەك, سۋرەت: egemen.kz.