دميتري سىچيوۆ بۇگىن قازاقستان كلۋبىنا اۋىسۋى ءتيىس

استانا. 10 ناۋرىز. ماسكەۋدىڭ «لوكوموتيۆ» كومانداسىنىڭ شابۋىلشىسى دميتري سىچيوۆ بۇگىن قازاقستان فۋتبول كلۋبتارىنىڭ بىرىمەن كەلىسىمشارتقا وتىرادى. بۇل تۋرالى «سپورت-ەكسپرەسس» حابارلادى. «قازاقستانداعى ءبىر كلۋبپەن كەلىسسوز ءجۇرىپ جاتىر. ءبارى سەيسەنبى كۇنى كەشكە بەلگىلى بولادى دەپ ويلايمىن. اڭگىمە ونى قاراشا ايىنا دەيىن جالعا بەرۋ تۋراسىندا بولىپ وتىر «قازاقستاندا چەمپيونات «كوكتەم – كۇز» جۇيەسى بويىنشا وتەدى», - دەپ كەلتىردى «سپورت-ەكسپرەسس» تەمىرجولشىلاردىڭ سپورتتىق ديرەكتورى كيريلل كوتوۆتىڭ ءسوزىن. ەسكە سالا كەتەيىك, دميتري «لوكوموتيۆ» ساپىندا 2004 جىلدان بەرى ويناپ كەلەدى. سپورتشى 2013 جىلى مينسكىنىڭ «ديناموسىنا», 2014 جىلى نيجەگورودتىڭ «ۆولگاسىنا» جالعا بەرىلدى. دميتري سىچيوۆ 1983 جىلعى 26 قازاندا ومبى قالاسىندا تۋعان. 2002-2010 جىلدارى رەسەي قۇراماسى ساپىندا وينادى. ول قۇرامامەن بىرگە 2008 جىلى ەۋروپا چەمپيوناتىنىڭ قولا جۇلدەگەرى اتاندى. رەسەيدىڭ 2004 جىلعى چەمپيونى. سول جىلى رەسەيدىڭ ويىنشىلار ساۋالداماسى بويىنشا دا, جۋرناليستەر ساۋالداماسى بويىنشا دا ەڭ ۇزدىك فۋتبولشىسى بولدى. 2008 جىلى رەسەي سپورتىنا ەڭبەگى سىڭگەن شەبەر اتاعىن الدى. دامير قوجامقۇل.