قاراعاندىدا تاكسيلەر سارى تۇسكە بويالۋى مۇمكىن

قاراعاندى. 3 شىلدە. قاراعاندىدا «قاۋىپسىز جول» دەپ اتالاتىن جول قوزعالىسى قاۋىپسىزدىگىنىڭ قاۋىمداستىعى قالاداعى تاكسيلەردىڭ ءبارىن سارى تۇسكە بوياپ تاستاۋ جونىندە باستاما كوتەردى. بۇل تۋرالى zakon.kz حابارلادى. باستاماشى توپتىڭ ايتۋىنشا, مۇنداي قادامعا ولار كەيىنگى كەزدە قالادا زاڭسىز ادام تاسيتىن «تاكسيلەرگە» دەگەن قاراقشىلىق شابۋىلداردىڭ كوبەيىپ كەتكەنىمەن تۇسىندىرەدى. بۇل – ءبىر, ەكىنشىدەن ولار قاراعاندى تاكسيىنىڭ ءتۇسى ەۋروپالىق ستاندارتتارعا ساي بولۋى كەرەك دەپ سانايدى. نەگىزى, بۇل باستاما وسىدان ەكى جىل بۇرىن كوتەرىلىپ, اياقسىز قالعان بولاتىن. ولاردىڭ ۇسىنىسى بويىنشا ءتاسيدىڭ ءتۇسى سارى بولۋ كەرەك تە, ءار اۋدان كولىك سىرتىن وزىنشە بەزەندىرۋگە ءتيىس-ءتىن. جولاۋشىلار تاسىمالىمەن اينالىساتىن ۇيىمدار بۇل باستامانى جاقتىرىپ وتىرعان جوق. تاكسي جۇرگىزۋشىلەرىنىڭ دە پىكىرى «باستى اۋىرتپاسىنعا» سايادى. «دالادا جاتقان اقشا جوق. اقشاسىن تولەسىن, قازىر-اق بوياتىپ تاستايمىن», – دەگەندەر دە بار ولاردىڭ اراسىندا. قايرات ءابىلدينوۆ. دەرەك: zakon.kz. سۋرەت: kp40.ru.