وڭتۇستىك قازاقستاندا كوپ بالالى انالارعا قۇرمەت كورسەتىلدى

استانا. 10 ناۋرىز. وڭتۇستىك قازاقستان وبلىسىندا 63 مىڭنان استام كوپ بالالى اناعا قۇرمەت كورسەتىلدى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى. وتكەن جىلدىڭ ستاتيستيكالىق دەرەكتەرى بويىنشا, وبلىستا حالىق سانى 2 ملن. 780 مىڭ ادامدى قۇراسا, ونىڭ 1 ملن. 400 مىڭدايى ايەلدەر. سولاردىڭ ىشىندە مادەنيەت سالاسىندا ەڭبەك ەتەتىندەردىڭ جارتىسىنان استامىن, ۇلاعاتتى ۇستازداردىڭ 75, مەديتسينا ماماندارىنىڭ 87 پايىزىن نازىك جاندىلار قۇرايدى. شاعىن جانە ورتا كاسىپكەرلىك سالاسىندا دا كاسىپتىڭ كوزىن تاپقان ارۋلارىمىزدا جەتەرلىك. سونىمەن قاتار, وڭىردە 152 358 كوپ بالالى ايەل بولسا ونىڭ 30 046-سى «التىن القا», 38 824-ءى «كۇمىس القا» يەگەرلەرى. ال 1,2 دارەجەلى 8 174 ايەل «انا داڭقى» وردەنىنىڭ يەگەرى اتانسا, 4 جاسقا دەيىن جانە ودان جوعارى 18 جاسقا دەيىنگى 75 314 كوپ بالالى انا بار. باقتيار تايجان. دەرەك: وڭتۇستىك قازاقستان وبلىستىق اكىمدىگىنىڭ ءباسپاسوز قىزمەتى. سۋرەت: news.nur.kz.