سەمەيدە ۇيىنە كەلگەن قوناقتى ولتىرگەن ادام سوتتالدى

استانا. 10 ناۋرىز. سەمەيدە ۇيىنە كەلگەن قوناق ايەلدى ولتىرگەن ەر ادامعا ۇكىم شىقتى. ول ەندى ءومىرىنىڭ توعىز جارىم جىلىن تۇرمەدە وتكىزەتىن بولدى. بۇل تۋرالى YK-news.kz حابارلادى. تاراتا ايتار بولساق, قازا تاپقان ايەل كورشىسىنە ماساڭ كۇيىندە كەلگەن. ايىپتالۋشىنىڭ ايتۋىنشا, ول ونىڭ مازاسىن العان. ءۇي يەسى دە ىشىمدىك ىشكەن. شاقىرۋسىز قوناققا ريزا بولماعان ول ونىڭ ۇيدەن شىعۋىن تالاپ ەتكەن. الايدا, ايەل ادام شىعا قويماعان. سودان, اشۋلانعان ءۇي يەسى ونى ۇرىپ-سوعىپ, تۇنشىقتىرىپ ولتىرگەن. قىلمىسىن جاسىرۋ ءۇشىن بەتىندەگى قاندى ءسۇرتىپ, كوگەرگەن تۇستارىنا كرەم جاققان. سودان كەيىن ونىڭ دەنەسىن كوشەگە شىعارىپ, شارباقتىڭ جانىنا قالدىرىپ كەتكەن. قىلمىسى دالەلدەنگەن ەر ادامدى شىعىس قازاقستان وبلىستىق سوتى قاسقانا كىسى ولتىرگەنى ءۇشىن 9 جارىم جىلعا باس بوستاندىعىنان ايىردى. جولدىباي بازار. دەرەك: YK-news.kz. سۋرەت: minval.kz.