قوستانايدا الاياق باس بوستاندىعىنان ايىرىلدى

قوستاناي. 10 ناۋرىز. قوستاناي وبلىسى ليساكوۆ قالالىق سوتى شاكالوۆ دەگەن ازاماتتى «الاياقتىق» بابىمەن جازا كەستى. جۇرتتى سان سوقتىرعان ول ەندى 8,5 جىلىن تەمىر توردىڭ ار جاعىندا وتەيتىن بولدى. بۇل تۋرالى alau.kz حابارلادى. الاياقتىڭ ءىسى بويىنشا 6 ادام ءجابىر كورگەن. ول 20 ملن.-نان استام تەڭگە اقشا جىمقىرعان. 2013 جىلدىڭ ناۋرىزىنان باستاپ, جەكە كاسىپكەر ەشقانداي جىلجىمايتىن م ۇلىككە قۇجاتتى كەلىسىم راسىمدەمەگەن, ونىڭ ەسەسىنە ءوزىنىڭ قىزمەتكەرلەرى ارقىلى تۇتاس قىلمىستىق سىزبا بويىنشا جۇمىس ىستەگەن. جاعدايى مىقتى ساتىپ الۋشىلاردىڭ سەنىمىنە كىرە وتىرىپ, ولاردان پاتەر باعاسىنىڭ ۇشتەن ءبىرىن تالاپ ەتىپ وتىرعان. ءوزىنىڭ مۇمكىندىگىنىڭ جوعىن بىلە تۇرا, ولارعا پاتەردى ساۋدا ارقىلى الىپ بەرەتىنىنە سەندىرگەن. 2013 جىلدىڭ 11 ناۋرىزىنان 2014 جىلدىڭ 31 قاڭتارىنا دەيىن الدانعاندار وعان 20 870 000 تەڭگە كەپىلگە اقشا بەرگەن. الايدا, ايىپتالۋشى سوتتا ءوزىنىڭ كىناسىن مويىنداعان جوق, بارلىعى دا قۇقىقتىق-زاڭدىق تۇرعىدا جۇزەگە اسقانىن ايتتى. ول كىناسىن مويىنداماعانىمەن, سوت ەازا تاعايىندادى. ءنازيرا جارىمبەتوۆا. دەرەك, سۋرەت: alau.kz.