كونستيتۋتسيا – ەل حالقى مەن ەلباسىنىڭ وراسان زور ەڭبەگىنىڭ جەمىسى

ەل كونستيتۋتسياسىنىڭ 20 جىلدىعىنا وراي ورتالىق كوممۋنيكاتسيالار قىزمەتىنىڭ الاڭىنداعى ءداستۇرلى بريفينگكە كەلگەن قازاقستان رەسپۋبليكاسى كونستيتۋتسيالىق كەڭەسىنىڭ توراعاسى يگور روگوۆ اتا زاڭىمىز – ەل حالقى مەن ەلباسىنىڭ وراسان زور جەمىسى ەكەندىگىن اتاپ ءوتتى. – كونستيتۋتسيا – سىزدەر مەن بىزدەرگە, تاۋەلسىز قازاق­ستانىمىزعا كوپتەگەن ءمۇم­كىندىكتەر بەردى. وندا ەل ازاماتتارى بوستاندىعىنىڭ ساقتالۋى مەن جەكە قۇقىنىڭ قورعالۋى, ەمىن-ەركىن ءجۇرىپ-تۇرۋى جان-جاقتى قاراستىرىلعان. ال ونىڭ باستى كەپىلى – تۇڭعىش پرەزيدەنتىمىز, ەلباسى نۇرسۇلتان نازارباەۆ بولىپ تابىلادى, – دەدى كونس­تيتۋتسيالىق كەڭەس توراعاسى. اتا زاڭىمىزدىڭ جازىلۋ تاريحىنا كۋا بولعان, ءارى سونداي يگى ءىستىڭ باسى-قاسىندا جۇرگەن يگور روگوۆ ءسوز اراسىندا مەملەكەت باسشىسىنىڭ بۇل ىسكە وتە ۇقىپتىلىقپەن قاراعاندىعىن ايتا كەلىپ, نۇرسۇلتان ءابىش­ ۇلىنىڭ زاڭدى جازىپ شىعۋ ءۇشىن وننان استام مەملەكەتتىڭ كونستيتۋتسياسىمەن تانىسىپ, تالقىلاۋدان وتكىزگەندىگىن ەسكە سالدى. سونداي-اق, ءتول اتا زا­ڭىمىزداعى ءار باپ پەن ونىڭ تارماعىنا, ءتىپتى, ءاربىر تاڭباسى مەن ارپىنە دەيىن ءوزى مۇقيات قاراپ شىعىپ, ساراپتاعان. ناتيجەسىندە, بەيبىت ەلىمىزدە بۇگىنگىدەي مامىراجاي تىرشىلىكتىڭ قامتاماسىز ەتىلۋىنە سەپ بولىپ وتىرعان اتا زاڭىمىز جازىلىپ شىققان. – ورايى كەلگەندە ايتا كەتە­يىن, بۇل تۋىندىنىڭ شەتەلدىك بىلىكتى زاڭگەرلەر اراسىندا «نازارباەۆتىڭ كونستيتۋتسياسى» اتالۋىنىڭ سەبەبى جايدان-جاي ەمەس بولسا كەرەك-ءتى, – دەدى ول. وسى كونستيتۋتسيامىزدا تايعا تاڭبا باسقانداي ەتىپ كورسەتىلگەن ازاماتتارىمىزدىڭ تەڭ قۇقىلى بولۋى – ەلىمىز بەن جەرىمىزدەگى ۇلتتار مەن ۇلىستاردىڭ تاتۋ-ءتاتتى تىرشىلىك قۇرۋىنىڭ باس­تى سەبەپكەرى. اتا زاڭ ولاردىڭ بۇگىنگىدەي بەيبىت, الاڭسىز عۇمىر كەشۋىنىڭ بىردەن-ءبىر دانەكەرى بولىپ وتىرعاندىعى دا اقيقات. «بۇل ءسوزىم دە دالەلسىز ەمەس», دەگەن شە­شەن كونستيتۋتسيانىڭ ۇلتتار تاتۋلىعىنىڭ ۆيزيت كارتوچكاسىنا اينالعاندىعىن تىلگە تيەك ەتتى. اتا زاڭىمىزدىڭ الەمدىك دەڭگەيدەگى ابىروي-بەدەلىنە قاتىستى وي وربىتە كەلىپ, يگور يۆانوۆيچ ەندىگى ءسوزدى اتاۋلى كۇنگە وراي ۇيىمداستىرىلاتىن ءىس-شارالار لەگىنە قاراي بۇردى. – سونداي ايتۋلى شارانىڭ ءبىرى – 28 تامىز كۇنى قازاقستاندا اتا زاڭ كۇنى قارساڭىندا ءداستۇرلى تۇردە حالىقارالىق كونفەرەنتسيا وتەدى دەپ جوسپارلانۋدا. ۋاقىت وتكەن سايىن كونستيتۋتسيالىق قۇقىق ماسەلەلەرىنە ارنالعان بۇل فورۋم ءبىزدىڭ ەلىمىزدىڭ برەندىنە اينالىپ كەلەدى. سەبەبى, شەتەلدىك ارىپتەستەرىمىزبەن, زاڭگەرلەر مەن حالىقارالىق ۇيىمدار وكىل­دەرىمەن كەزدەسۋ كەزىندە نەمەسە سىرت مەملەكەتتەردە وتكەن كونفەرەنتسيالاردا استاناداعى جيىنىمىز جايىندا ءجيى ءسوز قوزعالادى. اتاپ ايتقاندا, شە­تەل­دىك ارىپتەستەر جىل سايىن وتكىزىلەتىن ءبىزدىڭ كونفەرەنتسيا  كونستيتۋتسيالىق قۇقىق ماسەلەلەرىنە ارنالعان بىرەگەي الاڭ ەكەنىن العا تارتادى, – دەدى ول. نۇرلىبەك دوسىباي.