ءۋاليحان قايساروۆ پرەزيدەنت سايلاۋىنا تۇسۋگە نيەت ءبىلدىردى

استانا. 9 ناۋرىز پرەزيدەنتتىككە نيەت بىلدىرگەندەردىڭ تىزىمىنە ءۋاليحان قايساروۆ تاعى قوسىلدى. ول «كەنەسارى حان» قورىنىڭ باسشىسى رەتىندە ءوتىنىش بەردى. بۇل تۋرالى Tengrinews.kz ءتىلشىسى حابارلادى. قايساروۆ 2011 جىلعى پرەزيدەنت سايلاۋىنا دا قاتىسقان بولاتىن. بىراق مەملەكەتتىك ءتىل ەمتيحانىنان وتە الماعان. وعان لينگۆيستيكا كوميسسياسى قازاق ءتىلىن جەتىك بىلمەيدى دەگەن كىنارات تاققان. كوميسسيا سول جولى نيەت ءبىلدىرۋشىنىڭ جازبا جۇمىسىنان 28 قاتە تاپقان ەكەن. ال بىرنەشە كۇننەن كەيىن قايساروۆ ورتالىق سايلاۋ كوميسسياسىنا تاعى ءوتىنىش بەردى. كەيىن جوعارعى سوت وكىلدەرى ونىڭ لينگۆيستيكا كوميسسياسىنىڭ ۇستىنەن بەرگەن شاعىمىن قاناعاتتاندىرماي تاستادى. قازىرگى تاڭدا پرەزيدەنت سايلاۋىنا تۇسۋگە نيەت بىلدىرگەندەردىڭ تىزىمىندە 11 ادام تۇر. ورتالىق سايلاۋ كوميسسياسى ونىڭ تورتەۋىن تىركەۋگە الۋدان باس تارتتى. مۇرات ايتقوجا. دەرەك, سۋرەت: Tengrinews.kz.