سوت نەمتسوۆتىڭ ولىمىنە كۇدىكتى بەسەۋدى دە قامادى

استانا. 8 ناۋرىز. بۇگىن بوريس نەمتسوۆتىڭ ولتىرىلۋىنە كۇدىكتى بەسەۋگە بوپسالاۋ جانە قاراقشىلىق ماقساتىنان تۋعان جالدامالىلىق كاسىپپەن كىسى ولتىرۋگە باردى دەگەن ايىپ تاعىلدى. بۇل تۋرالى نتۆ تەلەارناسى حابارلادى. ماسكەۋدىڭ باسمان سوتى كۇدىكتى بەسەۋدى دە ق ۇلىپ استىنا الۋعا شەشىم شىعاردى. كۇدىكتىلەر اراسىنداعى زاۋر داداەۆ قانا ءوزىنىڭ اتالعان قىلمىسقا قاتىسى بار ەكەنىن مويىندادى. ال قالعاندارى – حامزات باحاەۆ, تامەرلان ەسكەرحانوۆ, انزور گۋباشەۆ جانە ونىڭ ءىنىسى شاگيد وزدەرىنىڭ ەشقانداي كىنالارى جوق ەكەنىن مالىمدەدى. رەسەي استاناسىنىڭ كالانچيوۆسكايا كوشەسىندە ورنالاسقان باسمان سوتى عيماراتىنا تاڭەرتەڭ قاۋىپسىزدىك شارالارى جاسالا باستادى. بۇعان جاقىن تەرريتوريادا پوليتسيا جاساعى كەزەكشىلىكتە ءجۇر, ال ادەتتە اۆتوزاك كىرىپ-شىعاتىن سوت ءۇيىنىڭ اۋلاسى قورشاۋعا الىنعان. كۇدىكتىلەر سوتقا جەدەل ماشينالاردىڭ قالقالاۋىمەن ەكى مينيۆەنامەن جەتكىزىلدى. ساعات 12-گە قاراي جۇمىس ورىندارىنا سۋديالار كەلدى. ءسال كەيىن تەرگەۋ كوميتەتىنىڭ رەسمي وكىلى ۆلاديمير ماركين Twitter-ىندە بەس فيگۋرانتتىڭ دا سوتتا بولاتىنىن جازدى. وتىرىس ەكى زالدا قاتار وتكىزىلدى. زالداردىڭ بىرىندە تەرگەۋشىلەر وتكەن تۇندە ماسكەۋ ماڭىنداعى ودينتسوۆو اۋدانىندا قولعا تۇسكەن حامزات باحاەۆ پەن تامەرلان ەسكەرحانوۆ, سونداي-اق شاگيد گۋباشەۆ ۇشەۋىن بىردەي قاماۋعا الۋدى تالاپ ەتتى. ولاردىڭ ءبارى وزدەرىن قاماۋعا الماۋدى ءوتىندى. ەسكەرحانوۆ مۇنى ءاليبيى بار ەكەنىمەن ءتۇسىندىردى. ونىڭ قاراۋىندا التى بالاسى بار كورىنەدى, ەندى ايەلى جەتىنشىسىن تۋعالى وتىر. شاگيد گۋباشەۆ دەنساۋلىعىندا پروبلەما بار ەكەنىن, اسقازان جاراسىمەن جانە گەموررويمەن اۋىراتىنىن العا تارتتى, بىراق سوت بوستاندىققا جىبەرىلسە, بۇلاردىڭ قاي-قايسىسى دا قايتىپ ۇستاتپاي كەتۋى مۇمكىن جانە تەرگەۋگە قىسىم جاسايدى دەگەن توقتامعا كەلدى. سۋديا سونىمەن بىرگە بۇلاردىڭ سەگىز جىلدان ءومىر بويى وتىرۋعا دەيىن جازا الۋعا جاتاتىن اسا اۋىر قىلمىس بويىنشا ايىپتالىپ وتىرعانىن ەسكە الدى. سوندىقتان ۇشەۋىن دە ەكى اي قاماۋعا قاۋلى قابىلداندى. كورشى زالدا گۋباشەۆتىڭ ۇلكەنى – انزوردىڭ ماسەلەسى قارالدى. سوت مۇندا دا تەرگەۋشىلەردىڭ ۋاجدەرىمەن كەلىستى. ول ايىپتالۋشى رەتىندە ق ۇلىپ استىندا قالا بەرەدى. «ال بەسىنشى كۇدىكتى زاۋر داداەۆ جۋرناليستەردىڭ كوزىنشە كوپ سويلەگەن جوق», - دەدى نتۆ ءتىلشىسى نتۆ ۆلاديمير كوبياكوۆ. قاۋلىنى وقىپ بەرگەن سۋديا ايىپتالۋشىنىڭ تەرگەۋگە بەرگەن كورسەتىلىمىندە بوريس نەمتسوۆتىڭ ولىمىنە قاتىسى بار ەكەنىن مويىنداعانىن مالىمدەدى. داداەۆ ۋاقىتشا وقشاۋلاعىشتا 28 ساۋىرگە دەيىن وتىرادى. مۇرات ايتقوجا. دەرەك, سۋرەت: نتۆ.