ۋاقىتىندا اياقتالدى

بيىل اقمولالىقتار ءۇشىن وراق ناۋقانى تامىزدىڭ 19 جۇل­دى­زىندا, اگروونەركاسىپ كەشەنىنىڭ ءداستۇرلى كەڭەسىنەن باستالدى دەسەك قاتەلەسپەسپىز. مۇندا ماڭداي تەرمەن وسىرىلگەن مول ىرىزدىقتى ىسىراپسىز جيناپ الۋدىڭ وزىق تاسىلدەرى قاراستىرىلىپ, الدىڭعى قا­تار­لى اۋىلشارۋاشىلىق قۇ­رىلىمدارى ءوز تاجىريبەلەرىن ور­تاعا سالدى, كۇزگى اۋا رايى­نىڭ ەرەكشەلىكتەرى دە ايتىلدى. وبلىس بويىنشا اۋىل­شا­رۋا­شىلىق داقىلدارىنىڭ جالپى كولەمى 4547,9 مىڭ گەكتاردى قۇراسا, ونىڭ 4147,5 مىڭى ءداندى جانە بۇرشاق داقىلدارىنا تيەسىلى. سونىمەن قاتار, 244,3 مىڭ گەكتار مايلى داقىلدار, 132,8 مىڭ گەكتار مال ازىعى, 18,7 مىڭ گەكتار كارتوپ جانە 4,4 مىڭ گەك­تار كوكونىس ءوسىرۋ قولعا الىندى. ايتكەنمەن, ەگىستىك القاپتاردا فيتو­سانيتارلىق جاعداي وتە كۇردەلى بولعانىن ايتۋىمىز كەرەك. ماسەلەن, 4,5 ميلليون گەكتار ەگىستىك, ياعني 108,3 پايىزى حيميالىق وڭدەۋدەن ءوتتى. سونداي-اق, سەپتەريوز جانە استىقتىڭ سۇر كوبەلەگىنە قارسى حيميالىق وڭدەۋ جۇمىستارى جۇرگىزىلدى. بيىلعى ناۋقانعا 8561 استىق كومباينى جۇمىلدىرىلدى, ونىڭ 1129-ى الىمدىلىعى جوعارى شە­تەلدىك تەحنيكا. ەگىن وراعىن وي­دا­­عىداي وتكىزۋگە قاجەت جۇك كو­لىك­تەرى جانە تراكتور تىركەمەلەرى 100 پايىز ءازىر بولدى. جانار-جا­عار­مايمەن قامتاماسىز ەتۋ ماسە­لەسى دە وڭ شەشىلدى دەپ ايتا الامىز. ەگىن وراعى كەزىن­دەگى ەڭ باس­تى ماسە­لەلەردىڭ ءبىرى – اس­تىق قابىلداۋ كاسىپ­ورىندارىنىڭ داي­ىن­دىعى. وسى ورايدا, بيىلعى ناۋقانعا لي­تسەنزياسى بار 60 استىق ساقتاۋ كاسىپ­ورنى قاتىسىپ وتىر. بۇل كاسىپورىنداردا 3,9 ميلليون توننا استىق ساقتاۋعا بولادى. وعان قوسا اۋىلشارۋاشىلىق قۇ­رىلىمدارىنىڭ وزىندە 1,9 ميلليون توننا كولەمىندە استىق سيا­تىن قويمالار بار. وسىدان-اق بيىلعى الىنعان استىقتىڭ دالادا قالمايتىنىن بايقاۋعا بولادى. ال, 210 استىق كەپتىرگىش تاۋلىگىنە 86 مىڭ توننا استىقتى وڭدەي الادى. «جۇمىلا كوتەرگەن جۇك جەڭىل» دەگەندەي, ەل ىرىزدىعى ىسىراپسىز جيناپ الىندى. ەگىس ال­قابىنىڭ ءار گەكتارىنان 11,2 تسەنتنەردەن ءونىم الىنىپ, 4632,7 مىڭ توننا استىق قامباعا جەتكىزىلدى. ءونىمنىڭ ساپاسى وتكەن جىلعىمەن سالىستىرعاندا ءبىر ساتى جوعارى. مۇنىڭ ءوزى جىل سايىن شەتەلگە استىق شىعارۋ ءداستۇرىن جالعاستىرۋىمىزعا مۇمكىندىك بەرەدى. كەلەسى جىلدىڭ ەگىسىنە قاجەتتى 523,3 مىڭ توننا تۇقىم قۇيىپ الدىق. وسى ورايدا, گەكتار بەرەكەسىن 15 تسەنتنەردەن اينالدىرعان زەرەندى, ساندىقتاۋ اۋدانى ديقاندارىنىڭ تابىسىن بولەكتەپ ايتۋعا بولادى. جاقسى اۋدانى 535,8 مىڭ توننا استىق جيناپ وتىر. بۇل وتكەن جىلعىدان 45,9 مىڭ تونناعا كوپ. مۇرات بالپان, اقمولا وبلىستىق اۋىل شارۋاشىلىعى باسقارماسىنىڭ باسشىسى. اقمولا وبلىسى.