نەمتسوۆتىڭ ءولىمى بويىنشا ەكى كۇدىكتىگە ايىپ تاعىلدى

استانا. 8 ناۋرىز. ماسكەۋدىڭ باسمان اۋداندىق سوتى ساياساتكەر بوريس نەمتسوۆتىڭ ولىمىنە كۇدىكتى زاۋر داداەۆ پەن انزور گۋباشەۆكە ايىپ تاقتى. بۇل تۋرالى تاسس ءتىلشىسى بۇگىن سوت زالىنان حابارلادى. «گۋباشەۆ انزور مەن داداەۆ زاۋرگە ايىپ تاعىلدى, ولار جونىندەگاى كەپىلدەمەلەرگە بايلانىستى تىڭداۋدار ەندى جەكە-جەكە جۇرگىزىلەدى», - دەپ ءمالىم ەتتى سوتتىڭ ءباسپاسوز حاتشىسى اننا فادەەۆا. ول سونداي-اق ءىستىڭ باسقا فيگۋرانتتارى – «ەسكەرحانوۆتىڭ, ش.گۋباشەۆتىڭ جانە باحاەۆتىڭ سوتتىڭ كەلەسى وتىرىسىندا تىڭدالاتىنىن اتاپ ءوتتى. تاسس ءتىلشىسى حابارلاعانداي, سوت ءۇيى الدىنداعى قاۋىپسىزدىك شارالارى كۇشەيتىلگەن, مۇندا ونعا جۋىق پوليتسيا اۆتوبۋستارى كەزەكشىلىكتە تۇر, عيماراتقا كەلەتىن جولداردىڭ ءبارى جابىلعان. جەكسەنبى كۇنى ەرتەڭگىلىك تەرگەۋ كوميتەتىنىڭ رەسمي وكىلى ۆلاديمير ماركين تەرگەۋدىڭ بەس كۇدىكتىنى قاماۋعا الۋ جونىندە كەپىلدەمە بەرەتىنىن ايتتى. مۇرات ايتقوجا. دەرەك, سۋرەت: تاسس.