بىرلەسكەن ءىستىڭ بەرەرى كوپ

قازىر تۇرعىنداردىڭ تۇرمىسىنا قاتىستى ءوز ونىمدەرىن جارنامالاپ, ساپالى قىزمەت كورسەتۋگە سەنىمدىلىك تانىتىپ جاتاتىن ءونىم ءوندىرۋشى كومپانيالار كوپ. ءبىرى تاعام وندىرسە, ءبىرى تەرەزە جاساپ, ءۇشىنشىسى ەسىك دايىنداپ ۇسىنۋدا. اقتاۋدا ءوزىنىڭ ساپالى ەسىكتەرىن ۇسىنىپ, حالىقتىڭ تالعامىنا تاتيتىن ونىمدەرىمەن كوزگە تۇسكەن كاسىپورىنداردىڭ ءبىرى – «تريدە» ساۋدا كومپانياسى. رەسەيلىك كاسىپورىنمەن بىرىگىپ, سەرىكتەس رەتىندە جۇمىس جاسايتىن قازاقستاندىق كومپانيانىڭ ديرەكتورى رۋسلان يسماعۇلوۆپەن سۇحباتتاسقان ەدىك. – رۋسلان باۋىرجان ۇلى, ءوزىڭىز باسقاراتىن كومپانيانىڭ اينالىساتىن كاسىبى, ياعني زاماناۋي ەسىكتەر دايىنداۋ تۇر­عىن­دار ءۇشىن قاجەتتى ەكەنى بەلگىلى. كومپانيا قاي جىلى قۇرىلىپ ەدى؟ – قازىر ەلىمىزدىڭ بارلىق وڭىرىندە قۇرىلىس قارقىن الىپ تۇر. جەكە باسپانالار سالۋدان باس­تاپ, ءتۇرلى الەۋمەتتىك نىساندار, كاسىپكەرلىك ورىندارعا قاتىستى بىرىنەن-ءبىرى اسىپ تۇسەتىن الىپ, ساۋلەتتى عيماراتتار كوپتەپ بوي كوتەرۋدە. ول عيماراتتارعا بولسىن, جەكە باسپانالارعا بولسىن قاۋىپسىز, زاماناۋي ستاندارتتارعا ساي, ءارى ءساندى ەسىكتەردىڭ قاجەت بولاتىنى بەلگىلى. ءبىز ءوز كاسىبىمىزگە وسى باعىتتى نىسانا ەتتىك جانە وسى ماقساتتا 2007 جىلى اتالمىش كومپانيانى قۇرعان بولاتىنبىز. جۇمىستىڭ ساپاسىن ارتتىرۋ, ءوز تۇتىنۋشىلارىمىزعا ساپالى ءونىم ۇسىنۋ جانە نارىقتىڭ تالابىنا ساي باسەكەلەستىك ورتادا نىق بولۋ ءۇشىن وزىمىزگە تاجىريبە الماسىپ, سەنىمدى سەرىكتەس بولا الاتىن ارىپتەس ىزدەدىك. تاڭداۋىمىز رەسەيلىك سىرتقى ەسىك دايىنداۋ­شى كاسىپورىندار اراسىندا جەتەكشىلىك سيپاتقا يە «ينتەكرون» زاۋىتىنا ءتۇستى. بۇل تەك رەسەي عانا ەمەس, تمد اۋماعىندا ءوز سالاسىنىڭ كوشباسشىسى بولىپ تابىلادى. 2012 جىلدان بەرى كورشى ەلدىڭ وسى زاۋىتىمەن كەلىسىم-شارتقا وتىرىپ, سەرىكتەس رەتىندە بىرلەسە جۇمىس جاساۋدامىز. – ءونىم دايىنداۋداعى باستى ۇستانىم قانداي؟ – زاماناۋي جابدىقتىڭ وندىرىستە ۇدايى جەتىلدىرىلىپ وتىرعان تەحنولوگيامەن ۇيلەسىم تابۋى, سونداي-اق جوعارى ساناتتى مامانداردىڭ كوپجىلدىق تاجىريبەسى ءبىزدىڭ جۇمىسىمىزعا ساپا مەن باعانىڭ ءداستۇرلى ۇيلەسىمىن ساقتاي وتىرىپ, شەدەۆر­لەر جاساۋ مۇمكىندىگىن بەرەدى. ءبىز سىرتقى ەسىك جاساۋداعى ءوز ىزدەنىسىمىزدىڭ كوكجيەگىن كەڭەيتە وتىرىپ, ەڭ الدىمەن جاڭا تەحنولوگيالاردى پايدالانىپ, ساپالى ءونىم جاساۋدى ماقسات ەتتىك. وسى ءوز ءونىمىمىزدىڭ ساپاسىنا ۇنەمى نازار اۋدارىپ وتىرۋىمىزدىڭ ناتيجەسى رەتىندە ەسىكتەرىمىزدىڭ تۇتىنۋشىلار اراسىندا ءوتىمدى جانە ىقىلاسقا يە ەكەندىگىن ايتقىم كەلەدى. ساپا جوعارى, ال باعا ماسەلەسىنىڭ تۇرعىندار ءۇشىن ءاردايىم قولجەتىمدى بولۋىن قاداعالاپ كەلەمىز. «تريدە» كومپانياسى – بۇل ارحيتەكتۋرالىق-ديزاينەرلىك ونەر­دىڭ زاماناۋي تەحنولوگيالارىن پايدالانا وتىرىپ, كەز كەلگەن كۇردەلى ماسەلەلەردى كاسىبي ءجا­نە جەدەل تۇردە شەشىپ جاتقان كاسىپورىن. ول ازاماتتار مەن بيزنەسكە ستاندارتتىق تا, سونىمەن قاتار, اسەمدىك, ساپا جانە قاۋىپسىزدىكتى ەرەكشە ساقتايتىن, زاماناۋي ءونىم مودەلدەرىن ۋاقىتتان قالىسپاي ۇسىناتىن مامانداردىڭ ۇيىمشىل توبى. بۇگىندەرى ءبىز, سونىڭ ىشىندە تۇرمىستىق قۇرىلىستاردىڭ, اكىمشىلىك عيماراتتاردىڭ ءارتۇرلى قۇرىلىستارى, مەملەكەتتىك مەكەمەلەر, مۇناي كومپانيالارى ءۇشىن بولشەك تە, كوتەرمە دە ايماقتىق قويمالار مەن ساتىلىمداردى جەمىستى ۇيىمداستىرا وتىرىپ, استانا, الماتى, قاراعاندى, اقتاۋ, اتىراۋ جانە اقتوبە سەكىلدى قالالاردا بەلسەندى جۇمىس اتقارۋدامىز. – جەكە ءونىم ءوندىرۋشى رەتىندە بيىك بەلەستەرگە, ءىرى شارالارعا قاتىسۋشى بولا الدىڭىزدار ما؟ – ءيا, ءىرى شارالارعا قاتىسۋ كەز كەلگەن ءونىم ءوندىرۋشىنىڭ جۇمىس ساپاسىن ارتتىرۋعا, ءوز كاسىپورنىنىڭ بولاشاعىنا لايىقتى باعدار جا­ساۋىنا ىقپال ەتەدى. ءبىزدىڭ كوم­پانيامىز ءوزىمىزدىڭ رەسەيلىك ارىپتەسىمىزبەن بىرگە ءوز ءونىمىمىز­بەن­ استانا قالاسىنداعى اسا ءىرى­ ەكسپو-2017 كورمەسىنىڭ قۇرى­لى­سىنا دا قاتىسىپ جاتىر­مىز. مۇنى ءبىز ماقتانىش ەتەمىز جانە كومپانيانىڭ شاعىن تاريحىنداعى ءىرى شارالاردىڭ ءبىرى رەتىندە باع­ا­لايمىز. سونىمەن قاتار, بيىلعى جىلى ناۋرىز ايىندا كومپانيامىز مەملەكەتتىك ورگاندار,­ شاعىن جانە ورتا بيزنەستى دامىتۋ ينستيتۋتتارىنىڭ, قارجى­لىق ۇيىم وكىلدەرىنىڭ قاتىسۋى­مەن استانا قالاسىندا وتكەن كا­سىپ­كەرلەرگە ارنالعان Start up كولەمدى فورۋم-كورمەسىنە قاتىستى. الداعى ۋاقىتتا جوسپارلاپ وتىرعان مەجەلەرىمىز از ەمەس. ءبىز بۇل بەلەستەردى ءوزىمىزدىڭ رەسەيلىك ارىپتەسىمىزبەن بىرلەسە وتىرىپ باعىندىراتىن بولامىز. – ىسكە ءسات! اڭگىمەلەسكەن گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.