استانا. 8 ناۋرىز. رەسەيلىك بەلگىلى وپپوزيتسيونەر بوريس نەمتسوۆتىڭ ولتىرىلۋىنە كۇدىكتى رەتىندە ەكى ادام ۇستالدى. بۇل تۋرالى كەشە رەسەي فەدەرالدى قاۋىپسىزدىك قىزمەتىنىڭ ديرەكتورى الەكساندر بورتنيكوۆ «ءبىرىنشى ارنانىڭ» ەفيرىنەن حابارلادى. «كوممەرسانت» گازەتى وسىلاي دەپ جازىپ وتىر.
قاۋىپسىزدىك قىزمەتىنىڭ باسشىسى ۇستالعانداردىڭ اتى-جوندەرىن دە ايتتى. ولار – انزور گۋباشەۆ پەن زاۋر داداەۆ سولتۇستىك كاۆكاز وكىلدەرى كورىنەدى. فاميليالارىنا قاراعاندا, شەشەنستان مەن كاباردى-مالقار تۇرعىندارىنا ۇقسايدى. تەرگەۋ باسمان اۋداندىق سوتىنا قولعا تۇسكەندەردى قاماۋعا الۋ جونىندە كەپىلدەمە بەردى. بۇل ماسەلە بۇگىن قارالىپ, شەشىلەدى. سونىمەن بىرگە ءالى ولاردىڭ سىبايلاستارىن تاۋىپ, انىقتاۋعا تۋرا كەلەدى.
«جۇرگىزىلگەن جۇمىستاردىڭ ناتيجەسىندە بۇگىن اتالمىش قىلمىستى جاساۋعا قاتىستارى بار دەگەن ەكى كۇدىكتى – گۋباشەۆ انزور جانە داداەۆ زاۋر دەگەندەر ۇستالدى, بۇل جايلى مەملەكەت باسشىسىنا باياندالدى», - دەدى بورتنيكوۆ مىرزا «ءبىرىنشى ارنانىڭ» ەفيرىنەن. ونىڭ سوزىنە قاراعاندا, كۇدىكتىلەر كاۆكاز اۋماعىنىڭ تۇرعىندارى بولىپ تابىلادى.
كۇدىكتىلەردىڭ ۇستالعاندارى تۋرالى اقپاردى سونداي-اق رەسەي تەرگەۋ كوميتەتىندەگىلەر دە راستادى. تەرگەۋ كوميتەتىنىڭ رەسمي وكىلى ۆلاديمير ماركيننىڭ ايتۋىنشا, انزور گۋباشەۆ پەن زاۋر داداەۆ قىلمىستى ۇيىمداستىرۋعا دا, ونى ورىنداۋعا دا قاتىستارى بار دەلىنىپ وتىر.
«» مالىمەتى بويىنشا, فسب ارنايى جاساعى مەن ىشكى ىستەر مينيسترلىگىنىڭ ارناۋلى توبى سەنبىگە قاراعان ءتۇنى ولاردى قولعا ءتۇسىرىپ, بىردەن ماسكەۋگە جەتكىزگەن. وسىندا تەرگەۋ كوميتەتىنىڭ تەرگەۋشىلەرى ولاردى قىلمىستىق جاۋاپقا تارتۋ جونىندە قاۋلى شىعارعان. بۇگىن كوميتەت باسمان اۋداندىق سوتىنا كۇدىكتىلەردى قاماۋعا الۋ جونىندە ۇسىنىس بەردى. كەيبىر مالىمەتتەر بويىنشا, اتالمىش قىلمىستى جاساۋعا بىرنەشە ادام قاتىسقان سياقتى.
ءدۇيىم جۇرتتى ءدۇر سىلكىندىرگەن كىسى ءولىمى ءىس جۇزىندە تەحنيكانىڭ كومەگىمەن اشىلعان. ءىستى تەرگەۋگە قاتىسۋشىلار بەلگىلى ساياساتكەردىڭ ءولتىرىلۋىنىڭ ناقتى سەبەبىن بىلمەگەندىكتەن, نەگىزىنەن قىلمىستى جاساۋلارى ىقتيمال كىسىلەردى ىزدەستىرۋگە كۇش سالعان. بۇل ءۇشىن ولار موسكۆورەتسك كوپىرى ۇستىندەگى جانە كىسى ءولتىرۋشىنى الىپ كەتكەن كولىكتىڭ جولىنداعى بارلىق ۆيدەوكامەرالاردىڭ جازبالارىن بىرنەشە كۇن بويى مۇقيات قارايدى. سودان كەيىن اۆتوموبيلگە قاتىستى مالىمەتتەردى «تاسقىن» جۇيەسىنە قوسىپ, ونىڭ سوڭعى بىرنەشە كۇن ىشىندە جۇرگەن مارشرۋتتارىن انىقتايدى. وسى جازبالار بويىنشا نەمتسوۆ مىرزانى تىكەلەي ءولتىرۋشىنىڭ دە, ونى الىپ جۇرگەن جۇرگىزۋشىنىڭ دە كىمدەر ەكەندەرىن انىقتاۋدىڭ ورايى كەلەدى. انىقتالعان ناتيجەلەر ءولىم بولعان كۇنى تۇندەگى ۇيالى تەلەفونداردا سويلەنگەن سوزدەردى تەكسەرىپ شىعۋعا مۇمكىندىك بەرەدى. الىنعان ماتەريالداردى تالداۋدىڭ ارقاسىندا قۇقىق قورعاۋ ورگاندارىنىڭ قىزمەتكەرلەرى اۋەلى كيللەرلەردىڭ كولىكتەرىن تاۋىپ الادى, سوسىن ونىڭ سوڭعى ۋاقىتتارى پايدالانعان ادامداردى انىقتايدى. ولار گۋباشەۆ جانە دۋداەۆ دەگەندەر بولىپ شىعادى. كەيبىر اقپارلارعا قاراعاندا, ولار قازىردىڭ وزىندە وزدەرىنىڭ وسى ولىمگە قاتىستارى بار ەكەندەرىن مويىنداپ قويعان سياقتى.
جاقىن كۇندەرى تەرگەۋشىلەر ولاردى كۋالارعا كورسەتۋدى جوسپارلاپ وتىر. ونداعى باستى كۋا – فوتومودەل اننا دۋريتسكايا قازىرگى كۇندەرى كيەۆتە, اناسىنىڭ قاسىندا. ونىڭ ادۆوكاتى قىزدىڭ ماسكەۋگە شاقىرىلاتىن-شاقىرىلمايتىنىن بىلمەيتىنىن ايتتى. ماسەلە مىنادا, ۋكرايناعا ورالعان بويدا اننا وزىنە الدەكىمدەردىڭ قوقان-لوققى جاساعانىن ايتىپ, ميليتسياعا شاعىمدانادى. وسىدان كەيىن ىشكى ىستەر مينيسترلىگى ونى قورعاۋعا الادى. ال رەسەيدە ول مۇنداي قورعاۋدان باس تارتقان ەدى.
الايدا, «» ءتىلشىسىنىڭ مالىمەتى بويىنشا, اتالعان قىلمىستى وقيعانىڭ فوتومودەلدەن باسقا دا بىرنەشە كۋاگەرى بار. ولاردىڭ اراسىنان سول ۋاقىتتارى كوپىردىڭ ماڭايىندا كەزدەيسوق ءجۇرىپ قالعان قۇقىق قورعاۋ ورگاندارىنىڭ قىزمەتكەرلەرى دە تابىلادى.
مۇرات ايتقوجا.
دەرەك, سۋرەت: «كوممەرسانت».
