ءۇندىستاندا توبىر تۇرمەدەگى زورلىقشىنى تاسپەن ۇرىپ ءولتىردى

استانا. 7 ناۋرىز. ءۇندىستاننىڭ ناگالەند شتاتىنداعى ديماپۋر قالاسىندا ءبىر توپ ادام تۇرمەگە باسىپ كىرىپ, وندا قىز زورلاعانى ءۇشىن وتىرعان فاريد حان ەسىمدى ادامدى تاپتاپ تاستادى. بۇل تۋرالى The New Indian Express باسىلىمىنىڭ حابارىنا سۇيەنگەن Lenta.ru حابارلادى. توبىر اباقتىدان بانگلادەشتەن زاڭسىز كەلگەن 35 جاستاعى ازاماتتى سىرتقا الىپ شىعىپ, كوشەمەن تىر جالاڭاش الىپ ءوتتى. جۇرت وعان جان-جاقتان تاس جاۋدىردى. وسى تيگەن سوققىلاردان زورلىقشى قايتىس بولدى. جازالاۋدىڭ بۇل تۇرىنە ءتورت مىڭعا جۋىق ادام قاتىستى. شابۋىل جاساۋشىلار بۇدان باسقا جولاي كەم دەگەندە ون كولىك پەن ماشينانى ورتەدى. Reuters حابارلاعانداي, پوليتسيا جۇگەنسىز كەتىپ بارا جاتقان توبىردى اتىسپەن عانا توقتاتا العان. ناتيجەسىندە توبىر اراسىنان ءبىر ادام قازا تاپقان. قالادا كومەندانتتىىق ساعات جاريالانعان. تەرگەۋدىڭ بولجامىنا قاراعاندا, فاريد حان اقپان ايىندا ناگا تايپاسىنىڭ 20 جاستاعى قىزىن زورلاعان. بۇل سوڭعى كەزدەرى بولىپ وتىرعان ءبىرىنشى وسىنداي وقيعا ەمەس. قاڭتار ايىندا التى ەركەك كالكۋتتادا جاپون تۋريست قىزىن ۇرلاپ اكەتىپ, جابىلىپ زورلاعان. قاراقشىلار ونى ءبىر اي بويى تۇتقىندا ۇستاپ وتىرعان دەگەن بولدجام بار. سودان كەيىن قىز بيحار شتاتىنداعى بودح-گايا دەگەن بۋددا حرامىنا بارعان. ءۇندىستان ۇلتتىق قىلمىستار تىركەۋ بيۋروسىنا سايكەس, ەلدە ءار كۇنى 93 ايەل زورلىققا ۇشىرايدى. مۇنداي وقيعالار سانى 2012 جىلعى 25 مىڭنان 2013 جىلى 33 مىڭعا دەيىن جەتكەن. مۇرات ايتقوجا. دەرەك, سۋرەت: Lenta.ru.