فۋتبولدان ەل چەمپيوناتى باستالدى

استانا. 7 ناۋرىز. بۇگىن فۋتبولدان قازاقستان پرەمەر-ليگاسىنىڭ كەزەكتى ماۋسىمى باستالدى. ازىرگە العاشقى تۋردىڭ ءۇش ويىنى اياقتالدى. بۇل تۋرالى egemen.kz حابارلادى. قىزىلوردادا وتكەن جەرگىلىكتى «قايسار» مەن تالدىقورعاننىڭ «جەتىسۋى» اراسىنداعى ويىندا ەسەپ اشىلعان جوق. سونداي-اق, «تاراز» بەن «شاحتەر» تارتىسىندا دا جانكۇيەرلەر گول كورە المادى. ال شىمكەنتتە وتكەن «ورداباسى» مەن «ەرتىس» اراسىنداعى ويىندا ەكى گول سوعىلدى. دەسەك تە, بۇل كەزدەسۋدە دە جەڭىمپاز انىقتالمادى. ءبىر-ءبىر گولمەن الماسقان قارسىلاستار تەڭ ناتيجەنى قاناعات تۇتتى. الاڭ يەلەرى ساپىنان يۆان بوجيچ 12-مينۋتتا ەسەپ اشىپ, كومانداسىن العا شىعارعان ەدى. قوناقتار ۇزىلىسكە ساناۋلى سەكۋندتار قالعاندا ەسەپتى تەڭەستىرىپ كەتتى. «ەرتىس» ساپىنان مەرگەندىگىمەن كوزگە تۇسكەن الان گاتاگوۆ بولاتىن. ءدال قازىر قالعان ءۇش ويىن وتۋدە. باتىس دەربيىندە «اقتوبە» ءوز الاڭىندا «اتىراۋمەن» 1:1 ەسەبىمەن تەڭ ويناۋدا. ال بيىل پرەمەر-ليگاعا قايتا ورالعان كوكشەتاۋدىڭ «وقجەتپەسى» «استانا ارەنادا» ەل چەمپيوندارىمەن كۇش سىناسۋدا. بۇل ويىندا ازىرگە «استانا» الدا كەلەدى. سونداي-اق, الماتىدا «قايرات» قوستانايدىڭ «توبىلىن» قابىلداۋدا. اتالعان كەدەسۋدە الماتىلىقتار جاۋاپسىز ەكى گول سوعىپ ۇلگەردى. ەلامان قوڭىر. دەرەك: egemen.kz. سۋرەت: shahter.kz.