الەمدىك جارىستا باق سىنايدى

Enactus Kazakhstan EXPO-2015 جۇزەگە اسىرىلعان بيزنەس-جوباسى ۇلتتىق كۋبوگىنىڭ جەڭىمپازى – قازاق گۋمانيتارلىق زاڭ ۋنيۆەرسيتەتىنىڭ كومانداسى 14-16 قازان كۇندەرى وار-دىڭ يوحاننەسبۋرگ قالاسىندا وتەتىن بەدەلدى حالىقارالىق كونكۋرستا الەمنىڭ 36 مەملەكەتىنەن كەلگەن ستۋدەنتتەرمەن جارىسقا تۇسەدى جانە ەكسپو-2017-ءىنىڭ تۇساۋكەسەرىن وتكىزەدى.  الەمنىڭ جەتەكشى كومپانيالارى ادامداردىڭ ءومىر ءسۇرۋ دەڭگەيىن جاقسارتۋ جانە پروگرەسس قۇرالى رەتىندە كاسىپكەرلىكتى قولداناتىن تالانتتى جاستارعا قولداۋ كورسەتەدى. Enactus (بۇرىنعى SIFE – Students In Free Enterprise) حالىقارالىق باعدارلاماسى الەۋمەتتىك جوبالار جانە جاستار كاسىپكەرلىگى سالاسىندا ءتيىمدى قارىم-قاتىناس جاساۋ ءۇشىن جاستار كوشباسشىلارىن, جەتەكشى بيزنەسمەندەردى جانە بەلسەندى وقىتۋشىلاردى بىرىكتىرەدى. تاجىريبە جۇزىندە جوو-دا العان تەوريالىق بىلىمدەرىن پايدالانا وتىرىپ, ستۋدەنتتەر كاسىپكەرلىك شەبەرلىگىن يگەرەدى, كوشباسشىلىق قابىلەتتەرىن دامىتادى, بيزنەس ەتيكاسىنىڭ نەگىزدەرىن يگەرىپ, قوعامنىڭ جاۋاپتى ازاماتتارى بولۋدى ۇيرەنەدى. وتاندىق جەتەكشى كاسىپكەرلەر جانە شەتەلدىك كومپانيالار جىل سايىن ەلىمىزدىڭ 49 ۋنيۆەرسيتەتىندەگى Enactus بەلسەندىلەرى مەن ستۋدەنتتەرى جۇمىستارىنىڭ جوبالارىمەن تانىسىپ باعالايدى. بۇل جوبا مەملەكەت باسشىسىنىڭ قازاقستاندىق جاستاردىڭ باسەكەگە قابىلەتتىلىگىن ارتتىرۋ جانە ولاردىڭ وتاندىق بيزنەستى دامىتۋعا قاتىسۋىن كەڭەيتۋ جونىندەگى مىندەتىن ءىس جۇزىنە اسىرۋعا باعىتتالعان. Enactus Kazakhstan ديرەكتورلار كەڭەسىنىڭ توراعاسى, Paimbek كومپانياسىنىڭ باسشىسى رايىمبەك باتتالوۆ: «Enactus شەڭبەرىندە جۇمىس ىستەيتىن تاربيەشىلىك ينستيتۋتى ءىس باسىنداعى بيزنەس جەتەكشىلەرىنىڭ باي تاجىريبەسىن جاستارعا بەرۋگە مۇمكىندىك تۋعىزادى. الەمنىڭ 60 مىڭنان استام ستۋدەنتتەرى ءتيىمدى بيزنەس ۇلگىلەردى جانە كاسىپكەرلىك قادامداردى قولدانا وتىرىپ, Enactus جوباسىن ءىس جۇزىنە اسىرۋدا», دەپ اتاپ كورسەتەدى. الەۋمەتتىك ەكونوميكالىق جانە ەكولوگيالىق فاكتورلاردى ەسكەرە وتىرىپ, جاستار الەۋمەتتىك جاعىنان از قامتاماسىز ەتىلگەن تۇرعىنداردى بىلىممەن جانە ىسكەرلىكپەن قارۋلاندىرۋ ارقىلى ولاردىڭ تۇرمىس دارەجەسىن كوتەرۋگە كۇش سالۋدا. جوبا قىزمەتىنىڭ شەڭبەرىندە ستۋدەنتتەر ءوز كاسىپورىندارىن قۇرادى جانە كاسىپكەرلىك نەگىزدەرىنە ۇيرەتە وتىرىپ باسقالارىنا كومەك كورسەتەدى. «الەمدىك ستاتيستيكاعا سايكەس Enactus جوباسىنىڭ تۇلەكتەرى حالىقارالىق بيزنەس سالاسىندا كاسىپكەرلىكتە جانە مەنەدجمەنتتە جوعارى جەتىستىكتەرگە قول جەتكىزەدى: ولاردىڭ 80 پايىزى ءىرى كومپانيالارعا قىزمەتكە ورنالاسادى, 20 پايىزى ءوز بيزنەسىن اشادى», دەيدى Enactus Kazakhstan پرەزيدەنتى البينا ەرجانوۆا. جىلقىباي جاعىپار ۇلى, «ەگەمەن قازاقستان».