ەتيكالىق نورمالار حارتياسى قابىلداندى

كەشە استاناداعى ۇلتتىق اكادەميالىق كىتاپحانادا «باس رەداكتورلار كلۋبى» قوعامدىق بىرلەستىگى بۇقارالىق اقپارات قۇرالدارىنىڭ باسشىلارىمەن بىرلەسە وتىرىپ, كەزەكتەن تىس پرەزيدەنتتىك سايلاۋ بارىسىندا ەتيكالىق نورمالاردى ساقتاۋ تۋرالى حارتيا قابىلدادى. بۇگىندە «باس رەداكتورلار كلۋبى» قوعامدىق بىرلەستىگى 250-گە جۋىق رەس­پۋب­ليكالىق باق-تىڭ باسشى­لارىن بىرىكتىرەتىن ءىرى مەديا قاۋىمداستىققا اينالىپ ۇلگەردى. ۇيىم ءوز الدىنا ەل ەگەمەندىگىن نىعايتۋ, دەموكراتيالىق قوعام قۇرۋ, كاسىبي اقپاراتتىق كەڭىستىكتى دا­مىتۋ, سونداي-اق, قوعامدا تۇراق­تىلىق پەن ۇلتارالىق ىنتى­ماق­تاس­تىقتى باياندى ەتۋ سىن­دى ءمىن­دەتتەردى قويىپ وتىر. وعان ءبۇ­گىنگى كۇنگە دەيىن ۇيىمداس­تىرىل­عان سان ءتۇرلى ءىس-شارالار دالەل بولا الادى. ال كەشەگى جيىندا باس رەداكتورلار كلۋبىنىڭ پرەزيدەنتى بيبىگۇل جەكسەنباي 26 ساۋىردە وتەتىن كەزەكتەن تىس پرەزيدەنتتىك سايلاۋ ناۋقانىنىڭ دەموكراتيالىق تۇرعىدا, حالىقارالىق تالاپتارعا ساي, ءادىل دە اشىق بولۋىنا باق تا ءبىر كىسىدەي جۇمىلا اتسالىسۋى كەرەك ەكەنىنە توقتالا كەلە, حارتيا مازمۇنىمەن تانىستىردى. ونىڭ ايتۋىنشا, اتالعان قۇجات قازاقستان كونستيتۋتسياسى, سايلاۋ تۋرالى, باق تۋرالى زاڭدارعا سايكەس ازىرلەنىپ, بارلىق ۇمىتكەردىڭ اقپارات قۇرالدارىندا بىردەي مۇمكىندىككە يە بولۋىنا جاعداي جاساۋعا باعىتتالعان. «نەگىزگى ماقسات – سايلاۋ ناۋقانى بارىسىندا ارىپتەستەرىمىزدىڭ قارا پيار مەن تەرىس اقپارات تاراتۋىنا توسقاۋىل قويۋ, ۇمىتكەرلەردىڭ باق-تا بىردەي اقپارات تاراتۋىنا جاعداي جاساۋ. قازىردىڭ وزىندە ەلىمىزدىڭ ءارتۇرلى بۇقارالىق اقپارات قۇرالدارىندا, سونىڭ ىشىندە رەسپۋبليكالىق باق-تىڭ ۇجىمدارىندا تالقىلاۋ ءوتىپ, 300-دەن اسا ارىپتەسىمىز وسى حارتياعا قولداۋ كورسەتتى. حارتيانىڭ نەگىزگى باپتارى مىناداي: قازاقستان رەسپۋبليكاسىنىڭ زاڭنامالارىن, جۋرناليستەردىڭ كاسىبي ەتيكالىق نورمالارى مەن مىنەز-ق ۇلىق ەرە­جەلەرىن بۇلجىتپاي ساقتاۋ, سايلاۋ ناۋقانىنا ارنالعان بارلىق ما­تەريالدىڭ وبەكتيۆتى, الالاۋسىز, اقپاراتتىق, سونداي-اق, قازاقستان پرەزيدەنتىنەن ءۇمىت­كەرلەرگە قاتىستى ءادىل بولۋىنا ىقپال ەتۋ, ۇمىتكەرلەردىڭ ابىرويى مەن ىسكەرلىك بەدەلىنە, جەكە باسىنا نۇقسان كەلتىرۋى ىقتيمال اقپاراتتاردى تاراتپاۋ, اقپارات كوزدەرىن, اسىرەسە, ولار كۇدىك تۋدىراتىن بولسا, تەكسەرۋگە الۋ, ۇگىتتىك جاريالانىمدار مەن اقپاراتتىق حابارلامالار اراسىنداعى ايىر­ماشىلىقتى ناقتى اجىراتۋ, بەلگىلەنگەن تارتىپپەن الەۋمەتتىك ساۋالدامالار جۇرگىزۋ شارتتارىن ۇستانۋ, ساۋالداما ناتيجەلەرىن جاريالاۋ كەزىندە اۋديتورياعا بەرىلگەن ساۋالداما جاۋاپتارى تەك قانا بولجام ەكەنىن ەسكەرتۋ جانە ساۋالداما ناتيجەلەرى تۋرالى نەمەسە سايلاۋعا بەس كۇن بۇرىن جانە داۋىس بەرۋ كۇنگى الدىن الا ناتيجەلەر تۋرالى ماتەريالداردى تاراتپاۋ», دەدى ب. جەكسەنباي. «ەگەمەن قازاقستان» رەس­پۋب­ليكالىق گازەتى» اق پرەزيدەنتى ساۋىتبەك ابدراحمانوۆ بۇل حارتيانىڭ ءماتىنى رەداكتسياعا, الدىن الا جىبەرىلگەنىن, اقىلداسۋعا مۇمكىندىك بولعانىن جەتكىزدى. «بۇل حارتيانىڭ رۋحىن دا, ءماتىنىن دە تولىق قولدايمىز. ويتكەنى, كەزەكتەن تىس پرەزيدەنتتىك سايلاۋ – بۇكىل ەلدىكتىڭ سىناعى دەگەن كەزدە, بۇل العاشقى كەزەكتە بۇقارالىق اقپارات قۇرالدارىنا دا سىناق. ءبىزدىڭ كاسىبيلىگىمىزگە سىناق, ءبىزدىڭ ادىلدىگىمىزگە سىناق. وسى سىناقتان ابىرويمەن ءوتۋ ءۇشىن الدىن-الا وسىنداي حارتياعا قول قويۋىمىز قاي جاعىنان دا ورىندى دەپ ويلايمىن. بەلگىلى ءبىر دارەجەدە ورتالىق سايلاۋ كوميسسياسىنىڭ تالاپتارىنا سايكەس, بارلىق كانديداتتىڭ ءتيىستى ءتارتىپ بويىنشا ءدال ورنىن بەرۋ, بىردەي ورىن قاراستىرۋ, سايلاۋالدى تۇعىرنامالارىن بەلگىلى ءبىر بەتتە, بىردەي كولەمدە جاريالاۋ سياقتى ەرەجەلەردىڭ ساقتالۋىنا مۇددەلىمىز, سونى قامتاماسىز ەتەمىز. كانديداتتاردىڭ سايلاۋالدى شتابتارى دا وسى حارتيانىڭ تالاپتارىن ەسكەرسە دەيمىز», دەگەن پىكىرىن ءبىلدىردى باسىلىم باسشىسى. «قازاقستان تەلەراديو كورپوراتسياسى» اق باسقارما ءتورايىمى نۇر­جان مۇحامەدجانوۆا دا حار­­تيانىڭ ماتىنىمەن الدىن الا تا­نىس­قانىن ايتتى. «وزدەرىڭىز بىلە­سىز­دەر, «قازاقستان تەلەراديو كورپو­راتسياسى» اق قۇرامىنا 3 تەلە­ارنا, 4 راديو جانە 14 ايماق­تىق تەلەارنا كىرەدى. ولاردا 2,5 مىڭ­نان استام قىزمەتكەر بار. بۇل قىزمەتكەرلەردىڭ تىكەلەي جا­ڭا­لىق­تار قىزمەتىنە قاتىستىلارى 800-گە جۋىق. ولار جۋرناليستەر, وپەراتورلار, مونتاجەرلەر, تەلەۆيزيالىق جاڭالىقتاردى دايىنداۋعا قاتىسى بار ازاماتتار. قالعاندارى راديوجۋرناليستەر. مىنە, وسى ارىپتەستەرىمىزدىڭ بارلىعى دا ءبىر كىسىدەي بۇل حارتيانى قولدايدى دەگەن سەنىمدەمىن. ءبىز ەلىمىزدەگى كەزەكتەن تىس پرەزيدەنتتىك سايلاۋدىڭ دۇرىس ءارى ءادىل وتۋىنە جانە وسى سايلاۋعا قاتىسامىن دەپ تىلەك بىلدىرگەن ءاربىر ۇمىتكەرگە بىردەي, تەڭ قۇقىقتىق مۇمكىندىكتەر بەرۋدى قامتاماسىز ەتۋدى جاۋاپكەرشىلىك دەپ سانايمىز. سايلاۋدىڭ قان­شا­لىق­تى ءادىل وتۋىنە بۇكىل الەم كوز تىگىپ وتىرعان كەزدە بۇل ءبارىمىز ءۇشىن دە سىناق», دەدى ول ءوز سوزىندە. بۇل كۇنگى جيىنعا قاتىسقان «كازاحستانسكايا پراۆدا» رەسپۋب­ليكالىق گازەتى» اق باسقارما ءتورا­عاسى ا. تاراكوۆ, «قازاقپارات» حا­لىق­ارالىق اقپارات اگەنتتىگىنىڭ باس ديرەكتورى د.دياروۆ, «ءتۇ­گەلمەديا» بىرلەستىگىنىڭ باسشىسى س. تۇگەل, «قازاقستان تەمىر­جول­شىسى» گازەتىنىڭ باس رەداك­تورى ليليا ەرجانوۆا, «دەلو­ۆوي مير» جانە «وتباسى» جۋرنال­دارىنىڭ باس رەداكتورى شولپان سىز­دىقوۆا قابىلدانعان قۇجاتتىڭ ماڭىزدىلىعىنا جان-جاقتى توق­تالىپ, حارتيانى وزدەرى باسقارىپ وتىرعان ۇجىم مۇشەلەرى دە ءبىراۋىزدان قولداۋ بىلدىرەتىنىن ايتتى. ءلايلا ەدىلقىزى, «ەگەمەن قازاقستان». سۋرەتتى تۇسىرگەن ەرلان وماروۆ.