مارشرۋت تيىمدىلىگىن جوعارىلاتۋ جولىندا

باكۋدە «قازاقستان تەمىر جولى» ۇك» اق-تىڭ پرەزيدەنتى اسقار ءماميننىڭ توراعالىعىمەن حالىقارالىق ترانس­كاسپي كولىك مارشرۋتىن (حتكم) دامىتۋ جونىندەگى ۇيلەستىرۋ كوميتەتىنىڭ كەزەكتى ءماجىلىسى بولىپ ءوتتى. ماجىلىسكە قازاقستان, ازەربايجان جانە گرۋزيا تەمىرجول اكىمشىلىگىنىڭ باسشىلارى, اقتاۋ حالىقارالىق تەڭىز ساۋدا پورتىنىڭ, باكۋ حالىقارالىق تەڭىز ساۋدا پورتىنىڭ, كاسپي تەڭىز پاروحودتىعىنىڭ باسشىلىعى قاتىستى. ءماجىلىس بارىسىندا تاراپتار كۇن تارتىبىنە شىعارىلعان بىرقاتار كوكەيكەستى ماسەلەلەردى تالقىلادى جانە كەلىستى. ولاردىڭ ىشىندە قىتاي – قازاقستان – ازەربايجان – گرۋزيا – تۇركيا ەلدەرىنىڭ قاتىسۋىمەن «Nomad Express» كونتەينەرلىك پويىزىن وتكىزۋ بويىنشا كولىك كومپانيالارىنىڭ اراسىنداعى ءوزارا ءىس-ارەكەتتى بەكىتۋ, تەمىرجول جانە تەڭىز كولىگى حالىقارالىق قاتىناسىن جولعا قويۋ جايلارى تالقىلاندى. سونداي-اق, «Nomad Express» حتكم مارشرۋتى بويىنشا كونتەينەرلىك پويىزدى ۇيىمداستىرۋ ءۇشىن كەشەندى مولشەرلەمە قابىلداۋ تۋرالى ماسەلە قارالدى. سونىمەن قاتار, حتكم مارشرۋتى بويىنشا تاسىمالداۋعا قاتىسۋشىلار اراسىندا كونسورتسيۋم قۇرۋ مەن قىتاي جانە ەۋروپا ەلدەرىنە روۋد-شوۋ ۇيىمداستىرۋ تۋرالى ماسەلەلەر ءسوز بولدى. ۇيلەستىرۋ كوميتەتى جۇمىسىنىڭ قورى­تىن­دىلارى بويىنشا تاراپتار جوعارىدا اتالعان ءوزارا ءىس-قيمىل تەحنولوگيالارى تۋرالى قۇجاتقا قول قويدى. ماجىلىستە باسقا دا بىرقاتار كەلىسىمدەرگە قول جەتكىزىلدى. ماسەلەن, «Nomad Express» كون­تەي­نەرلىك پويىزىن ۇيىمداستىرۋ ءۇشىن ارنايى تاريفتىك شارتتار قابىلداۋ, حتكم مارشرۋتى بويىنشا وعان الەمدىك كولىك نارىعىنداعى قاتىسۋشىلار اراسىندا كونسورتسيۋم قۇرۋ كوز­دەلەدى. ال كونسورتسيۋمنىڭ ماقساتى كليەنتكە باع­دارلانعان جوعارى دەڭگەيلى لوگيستيكالىق ونىمدەر جاساۋ, مارشرۋتقا كليەنتتەر ىزدەۋ مەن تارتۋ جانە ەۋروپا ەلدەرىنەن قىتايعا روۋد-شوۋ جۇك اعىندارىن ۇيىمداستىرۋ جولىندا وڭىرلەرمەن ارىپتەستىك بايلانىستاردى جولعا قويۋ بولىپ تابىلادى. «ەگەمەن-اقپارات».