وڭتايلى بيۋدجەت يگەرگەنگە وڭاي سەناتورلار 2015-2017 جىلدارعا ارنالعان رەسپۋبليكالىق بيۋدجەتكە تۇزەتۋلەردى قابىلدادى

كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ وتىرىسى بولدى. ەگجەي-تەگجەيلى تالقىلاۋدان كەيىن سەناتورلار 2015-2017 جىلدارعا ارنالعان رەسپۋبليكالىق بيۋدجەتكە تۇزەتۋلەردى قابىلدادى.  ەكونوميكا سالالارىنىڭ 2014 جىلعى دامۋىنىڭ الدىن الا دەرەكتەرىن جانە نە­گىز­گى ەكسپورتتىق تاۋارلارعا الەم­دىك تاۋار نارىقتارىنداعى اعىم­داعى احۋالدى ەسكەرە وتىرىپ, قازاقستان رەسپۋبليكاسىنىڭ الەۋ­مەتتىك-ەكونوميكالىق دا­مۋىنىڭ 2015-2019 جىل­دار­عا ارنالعان بولجامىن تۇزەتۋ 2015 جىلعا ارنالعان رەسپۋبليكالىق بيۋدجەتتى ناق­تىلاۋ ءۇشىن نەگىز بولىپ تابىلادى. بيىلعى 11 اقپانداعى ۇكىمەتتىڭ كەڭەيتىلگەن وتىرىسىندا مەملەكەت باسشىسى ن.ءا.نازارباەۆ العا قويعان تاپسىرمالارىنا سايكەس «نۇر­لى جول» مەملەكەتتىك باع­دار­لاماسىنداعى داعدارىسقا قارسى جاڭا شارالاردى ىسكە اسىرۋ ءۇشىن ۇلتتىق قوردىڭ نىسانالى ترانسفەرتتەرى ۇلعاياتىن بولدى. سەناتورلار ا.كۇزەكوۆ, ۆ.بوبروۆ, ب.ەلامانوۆ, س.بەك­تۇرعانوۆتىڭ بيۋدجەتتى جوس­پارلاۋدى جەتىلدىرۋ, سىرتقى قارىزدى جابۋ, سونداي-اق, كولىك ينفراقۇرىلىمىن, تۇر­عىن ءۇي قاتىناستارى سالاسى ءجو­نىندەگى ساۋالدارىنا پرە­مەر-ءمينيستردىڭ ءبىرىنشى ورىن­باسارى ب.ساعىنتاەۆ, قار­جى, ين­ۆەستيتسيا جانە دامۋ مي­نيستر­لەرى جاۋاپ بەردى. ۇكىمەتتىڭ داعدارىسقا قارسى شارالارىن قولداۋ تۇرعىسىندا سەناتورلار ە.ساعىندىقوۆ, م.كوبەنوۆ, ۆ.رەد­كوكاشين, و.پەرەپەچينا, ءا.بەكتاەۆ ءسوز سويلەدى. پارلامەنت سەناتى توراعاسىنىڭ ۇسىنىسى بويىنشا ب.مەلدەشوۆ پەن ل.ءسۇ­لەيمەن قازاقستان رەسپۋبليكاسى ور­تا­لىق سايلاۋ كوميسسياسىنىڭ ءمۇ­شەسى لاۋازىمىنا بەس جىل مەرزىمگە تاعاي­ىندالدى. پالاتا بىرقاتار حالىقارالىق قۇ­جات­تاردى, اتاپ ايتقاندا: 2010 جىل­عى 9 جەلتوقسانداعى قازاقستان مەن رەسەي ۇكىمەتتەرى اراسىنداعى قازاقستان رەسپۋبليكاسىنا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى كەلىسىمگە وزگەرىس ەنگىزۋ تۋرالى حات­تامانى; حالىقارالىق اۋە تاسىمال­دارىنىڭ كەيبىر قاعيدالارىن ءبىرىز­دەندىرۋگە ارنالعان كونۆەنتسيانى جانە حالىقارالىق ۆاليۋتا قورى كەلىسىمىنىڭ باپتارىنا تۇزەتۋلەردى راتيفيكاتسيالادى. دەپۋتاتتار قازاقستان رەس­پۋب­ليكاسىنىڭ كەيبىر زاڭنامالىق اكتىلەرىنە ساقتاندىرۋ جانە يسلامدىق قارجىلاندىرۋ ماسەلەلەرى بويىنشا تۇزەتۋلەردى ءبىرىنشى وقىلىمدا ماقۇلدادى. بۇل ماسەلە بويىنشا ل.تۇرلاشوۆ, ب.بەك­نازاروۆ جانە ب.ءايتىموۆا ءوز ەسكەرتپەلەرى مەن ۇسىنىستارىن ايتتى. سەناتورلار قازاقستان رەسپۋب­ليكا­سىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا تۇزەتۋلەردى قابىلدادى. قۇجات دەنساۋلىق ساقتاۋ سالاسىنداعى مەملەكەتتىك رەتتەۋدى جانە باسقارۋدى جەتىلدىرۋگە, حالىقتىڭ دەنساۋلىعىن نىعايتۋ مەن ءومىر ءسۇرۋ ۇزاقتىعىن ۇلعايتۋعا, دەنساۋلىق ساقتاۋ سالاسى كادرلىق رەسۋرستارىنىڭ الەۋەتىن ارتتىرۋعا, دارىلىك ساياساتتى جەتىلدىرۋگە باعىتتالعان. حالىقارالىق ايەلدەر كۇنى قارساڭىندا سەنات توراعاسى ق.توقاەۆ سەناتورلار ب.ءايتىموۆانى, ل.پولتوراباتكونى جانە و.پەرەپەچينانى كەلە جاتقان مەرەكەمەن قۇتتىقتادى. سەنات توراعاسى سەناتورلاردىڭ پارلامەنتاريزمدى جانە مەملەكەت قۇرىلىسىن دامىتۋعا قوسقان زور ۇلەسىن اتاپ ءوتتى. اسقار تۇراپباي ۇلى, «ەگەمەن قازاقستان».