جالپى وتىرىستىڭ كۇن ءتارتىبى ناقتىلاندى

كەشە پالاتا سپيكەرى قابيبوللا جاقىپوۆتىڭ ءتورا­عالى­عىمەن ءماجىلىس بيۋروسى ءوتىپ, جالپى وتىرىستىڭ كۇن ءتار­ءتىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى. حالىق قالاۋلىلارىنىڭ نازارىنا ازاماتتىق پروتسەستىك زاڭنامانى جەتىلدىرۋ ماسە­لە­لەرى بويىنشا ىلەسپەلى تۇزە­تۋلەرىمەن ازاماتتىق پروتسەستىك كودەكستىڭ جوباسى ءبىرىنشى وقىلىمدا ۇسىنىلاتىن بولدى. سونداي-اق, پالاتا ەكى را­تيفيكاتسيالىق زاڭ جوباسى بويىنشا قورىتىندى ازىرلەۋ مەرزىمىن تاعايىنداماق. ولار: 2009 جىلعى 6 قازانداعى جەردى قاشىقتىقتان زوندتاۋدىڭ عارىش جۇيەسىن جانە عارىش اپپاراتتارىنىڭ قۇراستىرۋ-سىناۋ كەشەنىن قۇرۋ مەن پايدالانۋ شارتتارى تۋرالى قازاقستان-فرانتسيا كەلىسىمىنە وزگەرىستەر مەن تولىقتىرۋلار ەنگىزۋ تۋرالى حاتتاما جانە قازاقستان رەسپۋبليكاسىنىڭ ۇكىمەتى مەن دۇنيەجۇزىلىك دەن­ساۋلىق ساقتاۋ ۇيىمى ارا­سىنداعى قازاقستان رەس­پۋب­ليكاسىنىڭ الماتى قالاسىندا دۇنيەجۇزىلىك دەنساۋلىق ساقتاۋ ۇيىمىنىڭ مەديتسينالىق-سا­نيتاريالىق العاشقى كومەك جونىندەگى گەوگرافيالىق جا­عىنان قاشىق ورنالاسقان ءوفيسىن اشۋ تۋرالى كەلىسىمدى راتيفيكاتسيالاۋ. جالپى وتىرىستىڭ كۇن ءتارتىبى جوباسىندا قازاقستان رەسپۋبليكاسىنىڭ كەيبىر زاڭ­نامالىق اكتىلەرىنە زياتكەرلىك مەنشىك سالاسىن قۇقىقتىق رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى سەنات ەنگىزگەن وزگەرىستەر مەن تولىقتىرۋلار جونىندە ماسەلە دە قامتىلعان.