اسىل جار

– نەگە ۇيىنە اسىعادى بۇل كىسى؟ – دەپ بىرەۋلەر كەلەتىندەي بىلگىسى. مەن ۇيىمە اسىعاتىن سەبەبىم – مەنىڭ جارىم – اسىل جاردىڭ ۇلگىسى.   كۇن شىققانداي – كۇلسە ونىڭ كۇلكىسى. ونىڭ كوزى – كوز بىتكەننىڭ مۇڭدىسى. كەيدە مەنىڭ وڭمەنىمنەن وتەدى سەكىلدەنىپ قوساۋىزدىڭ ۇڭعىسى.   مەن سياقتى بالاسىنىڭ تۇڭعىشى كەيدە مەنى كەلەدى ونىڭ ۇرعىسى. سونىڭ ىستىق پەيىلىنە ىنتىزار مەن ايالاپ كەلە جاتقان جىر قۇسى.   مەن ءجايلى ونىڭ كەلەر ءبارىن بىلگىسى ايىرباستاي الماس ونى مىڭ كىسى. انامداي بوپ ايمالايدى بەتىمدى باسقا تۇگىل, ونىڭ جۇمساق سۇلگىسى.   كەلەدى ونىڭ قاسىمدا ىلعي جۇرگىسى, جاراسادى مەنىمەن تەك تۇرمىسى. قىزىقپايدى باسقالاردىڭ باعىنا – تەك مەنىمەن كەلەدى ءومىر سۇرگىسى.   تەك مەنىمەن كەلەر ءومىر سۇرگىسى جەر بەتىندە بار بولعان سوڭ ءبىر كىسى اسىعامىن, اسىعامىن ۇيىمە – بولمايىن دەپ ساعىندىرعان جىل قۇسى! ءجۇرسىن ەرمان.