قۇرمەتتى حانىمدار!

سىزدەردى قازاقستان حالقى اسسامبلەياسى اتىنان 8 ناۋرىز – حالىقارالىق ايەل­دەر كۇنى مەرەكەسىمەن شىن جۇرەكتەن قۇت­تىق­تايمىز! قازاقستان حالقى اسسامبلەياسىنىڭ جىلى بۇل مەرەكەنىڭ ورنى ەرەكشە. بيىل بۇكىل ەلىمىز كونستيتۋتسيانىڭ – 20, قازاق حاندىعىنىڭ – 550, ۇلى وتان سوعىسىنداعى جەڭىستىڭ 70 جىلدىعىن كەڭىنەن اتاپ وتەدى. بۇل داتالى كۇندەر ءاربىر ايەل-انالارىمىز ءۇشىن ماڭىزدى – ونىڭ استارىندا بەيبىتشىلىك پەن كەلىسىم, بولاشاققا دەگەن زور سەنىم جاتىر. ەلىمىزدىڭ پرەزيدەنتى – ەلباسى ن.ءا.نا­زار­باەۆ «نۇرلى جول – بولاشاققا باس­تار جول» اتتى جولداۋىندا تۇراقتىلىق پەن كەلىسىم, ول اۋەلى «وتباسىلىق ءال-اۋقات, قاۋىپ­سىزدىك, باسپانا», دەپ اتاپ ايتتى. بەيبىتشىلىك, الدىمەن, اتا-انا بولۋدىڭ قۋانىشى, اكە-شە­شەلەرىمىزدىڭ دەنساۋلىعى مەن بالالاردىڭ باقىتى. ايەلدەر – الەمگە مەيىرىم مەن جاڭا ءومىر سىيلاۋشى نازىك جان يەلەرى. ءاربىر شاڭىراقتىڭ شاتتىعىن جاراستىرىپ وتىرعان اياۋلى جاندارعا زور قۇرمەت كورسەتۋ قاي ۇرپاقتىڭ دا پەرزەنتتىك پارىزى بولىپ قالا بەرمەك. وتباسىنىڭ ىنتىماعىن ساقتاۋشى انالاردىڭ ورنى قوعامدا ەرەكشە. بىرلىك وتباسىنان باستاۋ الادى. سول سەبەپتى, قازاقستان حالقى اسسامبلەياسى جانىنان بارلىق وڭىرلەردە «انالار كەڭەسى» قۇرىلدى. بۇل كەڭەس ءوز ورنىن ايشىقتاپ, كەلەر ۇرپاق ءۇشىن ءتالىم مەن تاربيەنىڭ ىرگەسى, بەرىك شاڭىراعىنا اينالدى. قۇرمەتتى اياۋلى جاندار! تابيعات-انانىڭ جاڭارىپ, مەيىرىم شۋاعىن الا كەلەتىن كوكتەمنىڭ العاشقى مەرەكەسى بارشاڭىزعا قۇتتى بولسىن! سىزدەر بۇل ومىرگە تەك ىزگىلىك پەن جىلىلىق, مەيىرىم مەن شۋاق سىيلاۋشى جاندار عانا ەمەس, تىرشىلىك اتاۋلىنىڭ ەڭ اسىل قازىناسى دەگەن قۇرمەتكە لايىقسىزدار. شاڭىراقتارىڭىزعا شاتتىق, زور دەنساۋلىق, ەڭبەكتەرىڭىزگە تابىس تىلەيمىز. ارمان-تىلەكتەرىڭىز ورىندالسىن.تاۋەلسىز قازاقستاننىڭ ءوسىپ-وركەندەۋى جولىندا بيىك بەلەستەرگە بىرگە جەتەيىك! قازاقستان حالقى اسسامبلەياسى