*ۇندەۋگە ۇنقوسۋ

گۇلميرا يسماعۇلوۆا, پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ جەتەكشى عىلىمي قىزمەتكەرى: – پرەزيدەنتتىڭ تاپسىرماسىن ورىنداۋ ماقساتىندا ۇستىمىزدەگى جىلدان وڭىرلەردى دا­مىتۋدىڭ 2020 جىلعا دەيىنگى جاڭا بەسجىلدىق باعدارلاماسى ىسكە قوسىلدى. بۇل باعدارلاما, سونداي-اق, تۇرعىن ءۇي-كوممۋنالدىق شارۋاشىلىعىن جاڭعىرتۋدى دا قامتيدى. تۇرعىندار الدان كوپ نارسە كۇتسە, ول مەملەكەت باسشىسىنىڭ اتىمەن تىكەلەي بايلانىستى. ويتكەنى, الەمدىك داعدارىسقا قاراماستان, پرەزيدەنت ۇكىمەتكە تكش-نى جاڭعىرتۋ شىعىندارىن قىسقارتپاۋ تۋرالى تاپسىرما بەردى ەمەس پە؟ كەرىسىنشە, ناق وسى ايدىڭ وزىندە بۇعان دەيىن جاسالعان جىلۋ بەرۋ, سۋمەن قامتاماسىز ەتۋ جانە كارىز جۇيەلەرىن جاڭعىرتۋ بويىنشا 86 جوبانى قارجىلاندىرۋ باستالىپ كەتتى. وسى ماقساتتارعا ۇستىمىزدەگى جىلى 60 ميلليارد, 2016 جىلى 100 ميلليارد تەڭگە بولىنەتىن بولادى. سوندىقتان, باستالعان جانە باسقا دا باعدارلامالاردى جۇزەگە اسىرۋ ءۇشىن پرەزيدەنت نۇرسۇلتان نازارباەۆ مەملەكەت باسىندا قالعانى دۇرىس دەپ ەسەپتەيمىن. سوندا كوپتەگەن ماسەلە ءوز شەشىمىن تاباتىنىنا نىق سەنىمدىمىن. استانا. ءاسيا دۋانباەۆا, قوستاناي وبلىستىق ءماسليحاتى اپپا­راتىنىڭ جە­تەكشىسى: – تاۋەلسىز قازاقستان قالىپتاسۋىنىڭ العاشقى جىلدارىندا مەن اۋليەكول اۋدانى اكىمىنىڭ ورىنباسارى بولىپ جۇمىس ىستەدىم. اتالعان اۋدان وبلىستاعى ەڭ ىرىلەرىنىڭ ءبىرى بولىپ تابىلادى. سول كەزدەردى ەسكە السام, كوڭىل قۇلازيدى: وندىرىستەر جابىلىپ جاتتى, جۇمىسسىزدىق بەلەڭ الا ءتۇستى, جالاقى, زەينەتاقى مەن تولەماقى ايلاپ بەرىلمەدى. بۇگىن وسىنىڭ ءبارى كورگەن تۇستەي. جەدەل دامىپ كەلە جاتقان قازاقستان ەكونوميكاسى بارلىق سىن-قاتەرلەرگە قارسى تۇرا الاتىن دەڭگەيگە كوتەرىلدى. جىل وتكەن سايىن حالىقتىڭ ءال-اۋقاتى ارتىپ كەلەدى. ال سودان بەرى 20 جىلدان ءسال عانا استام ۋاقىت ءوتتى! قازاقستان حالقىنىڭ باقىتى بار ەكەن, سول تاعدىرشەشتى كەزەڭدە مەملەكەت باسىندا نۇرسۇلتان نازارباەۆ تۇردى. ەندىگى كەزەڭدە دە بىزدەر, قازاقستاندىقتار, ءوزىمىزدىڭ بولاشاعىمىزدى ەلباسىمەن تىكەلەي بايلانىستىرامىز. مەنىڭشە, بۇگىن وعان بالاما جوق. قىرىق جىلدىق ءوتىلى بار مەملەكەتتىك قىزمەتشى, ەل ازاماتى, ايەل رەتىندە سۇرايتىنىم, نۇرسۇلتان ءابىش ۇلىنىڭ پرەزيدەنتتىككە ءوز كانديداتۋراسىن ۇسىنۋى. قوستاناي. كلارا اليپوۆا, «وقو ازاماتتىق اليانسى» قب پرەزيدەنتىنىڭ كەڭەسشىسى: – مەنىڭ جاسىمداعى ادامداردىڭ كەزەكتەن تىس پرەزيدەنتتىك سايلاۋ تۋرالى ماسەلەگە كوزقاراسى ايقىن. ءبارىمىز دە وعان دۇرىس قارايمىز. بۇل باستامانى بيىل قۇرىلعانىنا 10 جىل تولاتىن وڭتۇستىك قازاقستان وبلىستىق ازاماتتىق اليانسىنا كىرەتىن كوپتەگەن قوعامدىق بىرلەستىكتەر قولدادى. بىراق بۇگىن مىنا ماسەلە تۋرالى ايتقىم كەلەدى. مىسالى, الداعى سايلاۋعا جاستاردىڭ دا وپتيميستىك كوزقاراس تانىتىپ وتىرعانى قۋانتادى. ولار نەنىڭ اق, نەنىڭ قارا ەكەنىن دۇرىس ايقىنداي وتىرىپ, باسىمدىقتاردى دا دۇرىس تاڭداي بىلەدى. وسىنىڭ ناتيجەسىندە ومىرگە دە شىندىق تۇرعىسىنان قارايدى. الداعى سايلاۋ تۋرالى ماسەلەنى مەن جاقىندارىممەن دە تالقىلادىم. ولار دا تۇراقتىلىقتى, تىنىش ءومىردى جانە ەلدىڭ ودان ءارى قاراي دامۋىن قالايدى. بۇل – ءار قازاقستاندىق ءۇشىن ەرتەڭگى كۇنگە دەگەن سەنىمدى ءومىر كەپىلى. بۇگىنگى سايلاۋ وتەتىنى ايقىندالعان تۇستا, ءىس باسىنداعى پرەزيدەنت نۇرسۇلتان نازارباەۆ تاعى دا ءوز موينىنا ۇلكەن جاۋاپكەرشىلىك السا دەگەن تىلەگىمىز بار. شىمكەنت. الەكساندرا كولپاكوۆا, «چەرۆونا رۋتا» ەتنومادەني بىرلەستىگىنىڭ مۇشەسى: – ماعان, تاريح ءپانىنىڭ مۇعالىمىنە كەلىسىم مەن تۇراقتىلىقتىڭ قانشالىقتى باعالى ەكەنى جاقسى ءمالىم. سوندىقتان بارىمىزگە دە ىزگى كورشىلەستىك پەن تولەرانتتىلىقتى كوزدىڭ قاراشىعىنداي ساقتاۋ پارىز. پرەزيدەنت نۇرسۇلتان نازارباەۆ ەلىمىزدىڭ باستى بايلىعى ۇلتارالىق تاتۋلىق پەن تۇسىنىستىك ەكەنىن ايتۋدان جالىققان ەمەس. مەنىڭ جەرلەستەرىم الەمدە قالىپتاسقان ءتۇرلى جاعدايلار تۇتاستىق پەن بىرلەسۋدىڭ قانشالىقتى باعالى ەكەنىن جاقسى تۇسىنەدى. سوندىقتان قازاقستان حالقى اسسامبلەياسى كەڭەسىنىڭ بيىل كەزەكتەن تىس پرەزيدەنتتىك سايلاۋ وتكىزۋ تۋرالى باستاماسى دەر كەزىندە كوتەرىلىپ وتىر دەپ بىلەمىن. مەملەكەت باسشىسى سايلاۋعا ارنالعان ۇندەۋىندە وتە دۇرىس اتاپ وتكەنىندەي, الەمدىك قارجى-ەكونوميكالىق داعدارىس بەلەڭ الا ءتۇسىپ وتىرعان تۇستا حالىققا ەرتەڭگى كۇنىنە دەگەن سەنىمدىلىك قاجەت. بۇل سەنىمدىلىك بىزگە مەملەكەت باسشىسى بەلگىلەپ بەرگەن جاسامپازدىقتىڭ دارا جولىمەن جۇرۋگە مۇمكىندىك بەرمەك. سوندىقتان شىن جۇرەگىمنەن ەلباسىنا الداعى سايلاۋعا تۇسكەنىن قالايتىنىمدى جەتكىزگىم كەلەدى. باتىس قازاقستان وبلىسى. تويعان يحسانوۆا, تىگىنشى: – مەن وندىرىستە تىگىنشى بولىپ 2012 جىلدان بەرى جۇمىس ىستەيمىن. وسىدان ءۇش جىل بۇرىن ەسكى حيميا زاۋىتىنىڭ بازاسىندا پوليپروپيلەننەن قاپشىقتار شىعاراتىن زاماناۋي كاسىپورىن اشىلعان بولاتىن. پرەزيدەنت ۇكىمەتتىڭ كەڭەيتىلگەن وتىرىسىندا سويلەگەن سوزىندە بارلىق مەملەكەتتىك ورگاندار مەن كاسىپورىن باسشىلارىنىڭ الدىنا جۇمىس ورىندارىن قىسقارتپاۋ تۋرالى مىندەت قويدى. مەن بۇل سوزدەردى ەلباسى قاراپايىم ەڭبەك ادامدارىنىڭ ويلارى مەن سەزىمدەرىن ءدوپ باسىپ ايتقانىنا سەنىمدىمىن. ءبىز ءۇشىن ەڭ باستىسى جۇمىستىڭ بولۋى مەن دەر كەزىندە جالاقى الۋىمىز. ال ءوزىمىز جاۋاپكەرشىلىكپەن جۇمىس ىستەۋگە ۇمتىلاتىن بولامىز. سوندىقتان وندىرىستەگى تابىس ارقايسىمىزعا تاۋەلدى ەكەنىن جاقسى تۇسىنەمىز. ەگەر كاسىپورىن تابىستى بولسا, مەملەكەتكە دە جاقسى – بيۋدجەتكە سالىمدار كوبىرەك تۇسەدى. بۇل قارجىعا, ءوز كەزەگىندە, جاڭا مەكتەپتەر مەن اۋرۋحانالار, جولدار سالۋعا بولادى. دەمەك, ەلباسىنان الداعى پرەزيدەنتتىك سايلاۋعا قاتىسۋىن سۇرايمىز. ويتكەنى, ونىڭ جەڭىسكە جەتەتىنىنە سەنىمدىمىز. اتىراۋ. ءمادينا قاسىمجانوۆا, س.اسفەندياروۆ اتىنداعى قازاق مەم­لە­كەت­تىك مەديتسينا ۋنيۆەرسيتەتىنىڭ 6-كۋرس ستۋدەنتى: – كەزەكتەن تىس پرەزيدەنتتىك سايلاۋ وتكىزۋ تۋرالى باستامانى تولىقتاي قولدايمىن. ساپالى ءبىلىم الۋدى قالايتىن جانە الەمدىك مەديتسينا سالاسىندا باسەكەگە قابىلەتتى بولعىسى كەلەتىن مەن سياقتى ستۋدەنت ءۇشىن ەلدە كەڭ اۋقىمدى جاڭعىرتۋلاردىڭ ستراتەگيالىق باعىتى جالعاستىرىلعانى وتە ماڭىزدى. قازاقستاننىڭ بۇرىنعىسىنشا سەرپىندى تۇردە الەمدەگى اسا دامىعان 30 مەملەكەتتىڭ قاتارىنا قوسىلۋ ماقساتىندا ىلگەرى قاراي ۇمتىلعانى كەرەك. بولاشاق دارىگەر رەتىندە مەملەكەت جۇزەگە اسىرىلىپ جاتقان باع­دار­لامالار جالعاستىرىلىپ قانا قويماي, ءوزىنىڭ تۇپكى ماقساتىنا دەيىن جەتكىزىلەدى عوي دەپ ۇمىتتەنەمىن. ال ولاردىڭ ناتيجەسى قازاق­ستاندىقتاردىڭ ءومىر ساپاسىن جاقسارتۋعا مۇمكىندىك بەرەتىنى كۇمانسىز. وسى جەردە ەكپىن تۇسىرە ايتارىم, پرەزيدەنتتىڭ جۇرگىزىپ كەلە جاتقان ساياساتىنا تولىقتاي سەنەمىن جانە كەزەكتەن تىس پرەزيدەنتتىك سايلاۋ تاعايىندالعانىن ەڭ ۇتىمدى شەشىم دەپ ەسەپتەيمىن. بۇعان قوسارىم, بارشا قازاقستاندىقتار سەكىلدى الداعى پرەزيدەنتتىك سايلاۋعا ەلباسى ءوزىنىڭ كانديداتۋراسىن ۇسىنعانىن قالايمىن. الماتى.