قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى №263

2015 جىلعى 30 شىلدە, استانا قالاسى قازاقستان رەسپۋبليكاسى پرەزيدەنتىنىڭ 2015 جىلعا ارنالعان ستيپەندياسىن جوعارى وقۋ ورىندارى بويىنشا ءبولۋ تۋرالى «قازاقستان رەسپۋبليكاسى پرەزيدەنتiنiڭ ستيپەندياسىن تاعايىنداۋ تۋرالى» قازاقستان رەسپۋبليكاسى پرەزيدەنتiنiڭ 1993 جىلعى 5 ناۋرىزداعى № 1134 قاۋلىسىنىڭ 4-تارماعىنا سايكەس, «قازاقستان رەسپۋبليكاسى پرەزيدەنتىنىڭ 2015 جىلعا ارنالعان ستيپەندياسىن ءبولۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 4 مامىرداعى № 275 بۇيرىعىن ىسكە اسىرۋ ماقساتىندا بۇيىرامىن: 1. قوسا بەرىلىپ وتىرعان قازاقستان رەسپۋبليكاسى پرەزيدەنتىنىڭ 2015 جىلعا ارنالعان ستيپەندياسىن جوعارى وقۋ ورىندارى بويىنشا ءبولۋ بەكىتىلسىن. 2. جوعارى وقۋ ورىندارىنىڭ رەكتورلارى قازاقستان رەسپۋبليكاسى پرەزيدەنتىنىڭ ستيپەندياسىن ستۋدەنتتەرگە جوعارى وقۋ ورىندارىنىڭ عىلىمي كەڭەستەرىنىڭ شەشىمدەرى نەگىزىندە تاعايىنداسىن. 3. قازاقستان رەسپۋبليكاسى مادەنيەت جانە سپورت مينيسترلىگى ءبىلىم, عىلىمي جۇمىس جانە حالىقارالىق ىنتىماقتاستىق دەپارتامەنتى (د. بولاتحان ۇلى) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن وسى بۇيرىقتى رەسمي جاريالاۋدى; 3) وسى بۇيرىقتى قازاقستان رەسپۋبليكاسى مادەنيەت جانە سپورت مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەن سوڭ ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە وسى بۇيرىقتىڭ 3 تارماعى 1), 2) جانە 3) تارماقشالارىندا قاراستىرىلعان ءىس-شارالاردىڭ ورىندالۋى بويىنشا اقپاراتتى ۇسىنۋدى قامتاماسىز ەتسىن. 4. قازاقستان رەسپۋبليكاسى مادەنيەت جانە سپورت مينيسترلىگى ەكونوميكا جانە قارجى دەپارتامەنتى (ا. دوسحودجاەۆا) كورسەتىلگەن ستيپەنديانى ءتيىستى قارجى جىلىنا ارنالعان رەسپۋبليكالىق بيۋدجەتتە قاراستىرىلعان قاراجاتتار شەگىندە 2015 جىلعى كەزەڭگە تولەۋدى جۇزەگە اسىرسىن. 5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى ع.ا. احمەدياروۆقا جۇكتەلسىن. 6. وسى بۇيرىق العاشقى رەسمي جاريالانعان كۇنىنەن كەيىن قولدانىسقا ەنگىزىلەدى. قازاقستان رەسپۋبليكاسى  مادەنيەت جانە سپورت ءمينيسترىنىڭ مىندەتىن اتقارۋشى            د. بولاتحان ۇلى. قازاقستان رەسپۋبليكاسى مادەنيەت جانە سپورت ءمينيسترىنىڭ مىندەتىن اتقارۋشىنىڭ 2015 جىلعى «30» شىلدەدەگى №263 بۇيرىعىمەن بەكىتىلگەن قازاقستان رەسپۋبليكاسى پرەزيدەنتىنىڭ 2015 جىلعا ارنالعان ستيپەندياسىن جوعارى وقۋ ورىندارى بويىنشا ءبولۋ №    جوعارى وقۋ ورىندارىنىڭ اتاۋى     ستۋدەنتتەرگە ارنالعان ستيپەنديا 1    قۇرمانعازى اتىنداعى قازاق ۇلتتىق  كونسەرۆاتورياسى    2 2    قازاق ۇلتتىق  ونەر ۋنيۆەرسيتەتى    4 3    ت.ك.جۇرگەنوۆ اتىنداعى قازاق ۇلتتىق  ونەر اكادەمياسى    5 بارلىعى:    11 بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 2 قىركۇيەكتەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11996 بولىپ ەنگىزىلدى.