مەيىرىمى مىنا الەمدى كەڭىتكەن

جاقسىلىقتىڭ شىراعى بوپ جاعىلار, جانارىندا ىزگىلىكتىڭ تابى بار. قاسيەتتىڭ قىزىر قونعان قياسى – انا دەگەن قۇدىرەتتى تانىپ ال!   اق تەڭىزگە تەڭەر ەدىم پەيىلىن, جانارىندا تۇنىپ تۇرار مەيىرىم. ادامزاتقا اركەز نۇسقاپ تۇرادى ول, بەيبىت ءومىر, اماندىعىن ەلىنىڭ   تابىندىرعان تىلسىم كۇشپەن بار ەلدى, ايتقان ءسوزى باتا دەرسىز, دالەلدى. ءبىر قولىمەن تەربەتەدى بەسىكتى, ءبىر قولىمەن تەربەتەدى الەمدى.   مەن انادان ۇيرەنگەنمىن – ەلدىكتى, مەن انادان ۇيرەنگەنمىن – ەرلىكتى. مەن انادان ۇيرەنگەنمىن – تەڭدىكتى, مەن انادان ۇيرەنگەنمىن – كەڭدىكتى.   ۇلىلىعىن بارلىق الەم ۇعىنعان, اقىلىنا ابىزدار دا جىعىلعان. ونى كورسە كەرى كەتكەن كەسىرلىك, جادىگويلىك جار استىنا تىعىلعان.   مەيىرىمەن مىنا الەمدى كەڭىتىپ, جاماندىقتىقتان جىبەرەدى جەرىتىپ. جانىڭىزدا جان بىلمەيتىن توڭ بار ما, اناڭ ونى جىبەرەدى ەرىتىپ.   اقىندار دا تۋادى ەكەن انادان, باتىرلار دا تۋادى ەكەن انادان. اق جاۋلىقتى, اق پەيىلدى انانىڭ, ونەگەسىن وشىرمەيىك سانادان. الما تۇسىپبەكوۆا,  فاريزا وڭعارسىنوۆا اتىنداعى اقىندار ءمۇشايراسىنىڭ جۇلدەگەرى.